3 تاراۋ مەملەكەت بويىنشا كولەمدى اقىسىز دياگنوز قويۋ اپتالىعى قيمىلىن ورىستەتەدى
2023.09.04 15:41 كەلۋ قاينارى : حالىق تورابى
مەملەكەتتىك دەنساۋلىق ساقتاۋ جانە سالاماتتىق كوميتەتى 9 ـ ايدىڭ 1 ـ كۇنى مىناداي حابار جاريالادى: مەملەكەتتىك دەنساۋلىق ساقتاۋ جانە سالاماتتىق كوميتەتى، مەملەكەتتىك جۇڭگوشا ەمدەۋ، ءدارى ـ دارمەك مەكەمەسى، ورتالىق اسكەري ىستەر كوميتەتىنىڭ ارتقى شەپ قامتاماسىزداندىرۋ ءبولىمى 9 ـ ايدىڭ 16 ـ كۇنىنەن 22 ـ كۇنىنە دەيىن 2023 ـ جىلعى ”بۇقارانىڭ دەنساۋلىعىنا قىزمەت وتەۋ ارەكەتى“ مەملەكەتتىك كولەمدى اقىسىز دياگنوز قويۋ اپتالىعى قيمىلىن ورىستەتۋدى ۇيعاردى.
9 – ايدىڭ 16 – كۇنى ءارقايسى اۋدان دارەجەلىدەن جوعارى جەرگىلىكتى دەنساۋلىق ساقتاۋ جانە سالاماتتىق اكىمشىلىك تاراۋلارى، جۇڭگوشا شيپاگەرلىك، ءدارى ـ دارمەك باسقارۋ تاراۋلارى ءارقايسى ايماق دارەجەلى قالالاردا (ولكە ورتالىعى قالالارىن قامتيدى)، ءارقايسى اۋدانداردا (اۋدان دارەجەلى قالا) بىردەن ارتىق الەۋمەتتىك ورىنداردا ءبىر كۇن اقىسىز دياگنوز قويۋ قيمىلىن ورىستەتەدى. قاراستىلىعىنداعى وڭىردەگى 2 - دارەجەدەن جوعارى شيپاحانالاردى (ارميا شيپاحانالارىن ءوز ىشىنە الادى) ۇيىمداستىرىپ جانە سايكەستىرىپ، بۇقارانىڭ قاجەتى كۇشتى بولعان ءبىرشاما ۇلكەن ارناۋلى ماماندىقتاعى داۋالاۋ، دارىگەرلىك، ساۋىقتىرۋ ماماندارىن جىبەرىپ، اۋرۋى جونىندە اقىل - كەڭەس بەرۋ، باستاپقى قادامدا تەكسەرۋ، دياگنوز قويۋ جانە ادەتتەگى داۋالاۋدى، ەمدەۋدى ورىستەتىپ، شيپاگەرلىك بىلىمدەرى جانە اقاۋسىزدىق بىلىمدەرىن جالپىلاستىرىپ، جۇرەك، مي قان تامىر اۋرۋلارى، تىنىس الۋ جۇيەسى اۋرۋلارى، وسپە، بالالار اۋرۋى، جەرگىلىكتى اۋرۋلار، رۋحاني كەدەرگى سياقتى اۋرۋ تۇرلەرىن ءتۇيىندى تۇردە قاتىستى بولىمدەردىڭ ماماندارىن مىندەتتى ەمدەۋگە قاتىناسۋعا ورنالاستىرادى.
2 - دارەجەلىدەن جوعارى شيپاحانالار سول شيپاحانانىڭ ءنومىرىن الۋ ءبىرشاما قيىن بولعان ارناۋلى بولىمدەرى مەن ايگىلى ماماندارىن اتتانىسقا كەلتىرىپ، الۋان ءتۇرلى فورماداعى اقىسىز دياگنوز قويۋ قيمىلىن ورىستەتىپ، ارناۋلى اۋرۋدان ساقتانۋ جانە ونى ەمدەۋ جونىندەگى ۇگىت ماتەريالدارىن قۇراستىرىپ، سايكەستى ارناۋلى بولىمدەردىڭ ەمدەۋ ءتارتىبىن جاقسارتىپ، ساپالى ەمدەۋ بايلىعىنا قىزمەت وتەۋ ونىمدىلىگىن جوعارىلاتۋى كەرەك.
قالا، اۋىل شيپاحانالارىنىڭ باعىتتامالى كومەكتەسۋى، 3 ـ دارەجەلى شيپاحانالاردىڭ باعىتتامالى كومەكتەسۋ ـ سۇيەمەلدەۋ مىندەتى مەن ارالاپ ءجۇرىپ ەمدەۋ مىندەتىن ۇستىنە العان شيپاحانالار ەمدەۋ اترەتىن ۇيىمداستىرىپ، كومەك قابىلداۋشى شيپاحانالاردا، ارالاپ ەمدەۋ وڭىرلەرىندە اقىسىز دياگنوز قويۋ قىزمەتىن ورىستەتۋ كەرەك. مۇندا نەگىزىنەن اقىسىز دياگنوز قويۋ فورمالارى ارناۋلى ءبولىم امبۋلاتورياسىن قۇرىپ، كۇردەلى، سالماقتى ناۋقاستارعا بىرلەسىپ دياگنوز قويۋ، وقىتۋ، بالنيسانى ارالاپ تەكسەرۋ، وپەراتسيانى كورسەتۋ سياقتىلاردى قامتيدى ءارى جەرگىلىكتى ورىننىڭ وپەراتسيا قاجەتىمەن ۇشتاستىرىپ، اقىسىز دياگنوز قويىپ، وپەراتسيا جاسايدى.
جەرگىلىكتى ءار دارەجەلى دەنساۋلىق ساقتاۋ جانە سالاماتتىق اكىمشىلىك تاراۋلارى، جۇڭگوشا ەمدەۋ، ءدارى ـ دارمەك باسقارۋ تاراۋلارى، ارميانىڭ ءارقايسى ورىندارىنىڭ دەنساۋلىق ساقتاۋ تاراۋلارى جۇڭگو شارۋالار مول ءونىم مەرەكەسىن قۇتتىقتاۋعا ۇشتاستىرىپ، ءىس جۇزىندىك جاعدايعا قاراي، قاتىستى مامانداردى اۋىل ـ قىستاق رايوندارىنا بارىپ، قالىڭ ديقاندار بۇقاراسىنا ەمدەۋ، ءدارى ـ دارمەك جەتكىزۋ سياقتى اقىسىز ەمدەۋ قيمىلدارىن ورىستەتۋگە ۇيىمداستىرۋ كەرەك. كەدەيلىكتەن ارىلعان وڭىرلەر، شەت ـ شالعاي وڭىرلەر، ۇلتتىق وڭىرلەر، شەكارا وڭىرلەر سياقتىلاردى ءتۇيىندى رايون ەتىپ، سونداي ـ اق قارتتار، اۋىل ـ قىستاقتارداعى ۇيدە قالعان بالالار، قوسىننان شەگىنگەن اسكەريلەر، اسكەريلەر وتباسى، قامقورلىق جاسالاتىن وبيەكتىلەر، قۇتقارۋ وبيەكتىلەرى، قايتا كەدەيلەسۋدەن ساقتانۋداعى ءتۇيىندى باقىلاۋ ـ تەكسەرۋ وبيەكتىلەرى، مۇگەدەكتەر، اۋىر پسيحيكالىق كەدەرگىگە ۇشىراۋشىلار قاتارلى ءتۇيىندى ادامدار شوعىرىنا اقىسىز دياگنوز قويۋ قيمىلىن ورىستەتۋ كەرەك.
اۋدان دارەجەلى دەنساۋلىق ساقتاۋ جانە سالاماتتىق اكىمشىلىك تاراۋلارى، جۇڭگوشا ەمدەۋ، ءدارى – دارمەك باقىلاۋ تاراۋلار 2 - دارەجەلىدەن جوعارى شيپاحانالاردى ۇيىمداستىرىپ، سايكەستىرىپ، سوزىلمالى اۋرۋلار، وسپە، بالالار اۋرۋى، جەرگىلىكتى اۋرۋلار، رۋحاني اۋرۋ (پسيحيكالىق) سياقتى سالالارداعى مامانداردى الەۋمەتتىك اۋماق دەنساۋلىق ساقتاۋعا قىزمەت وتەۋ ورتالىقتارى (پۋنكتتەرى)، اۋىل - قالاشىق شيپاحانالارى سياقتى نەگىزگى ساتى ەمدەۋ قۇرىلىمدارىنا بارىپ اقىسىز دياگنوز قويۋ قيمىلىن ورىستەتۋگە ۇيىمداستىرۋ كەرەك. نەگىزگى ساتى ەمدەۋ قۇرىلىمدارىندا دياگنوز قوياتىن ماماننىڭ بولۋىنا كەپىلدىك ەتىپ، بۇقاراعا جاقىن ماڭىنان ساپالى قىزمەت وتەۋگە مۇمكىندىك جاساۋ كەرەك. تالقى جۇرگىزۋ، ماماندار ساباق ءوتۋ سياقتى تاسىلدەر ارقىلى نەگىزگى ساتىعا باعىتتالعان تەحنيكالىق جەتەكشىلىك پەن سۇيەمەلدەۋدى ورىستەتىپ، دارەجەگە ءبولىپ ەمدەۋ قىزمەتىن ىلگەرىلەتۋ كەرەك. جەرگىلىكتى ءار دارەجەلى دەنساۋلىق ساقتاۋ جانە سالاماتتىق اكىمشىلىك تاراۋلارى، جۇڭگوشا ەمدەۋ، ءدارى - دارمەك باسقارۋ تاراۋلارى قوسىننىڭ قاجەتىنە ساي، جەرگىلىكتى ەمدەۋ قۇرىلىمدارىن ۇيىمداستىرىپ، قالىڭ كوماندير - جاۋىنگەرلەر مەن اسكەريلەردىڭ وتباسىنداعىلارعا اقىسىز دياگنوز قويۋ قىزمەتىن وتەۋى كەرەك؛ ارميانىڭ ءارقايسى دەنساۋلىق ساقتاۋ تاراۋلارى مەن ەمدەۋ قۇرىلىمدارى جەرگىلىكتى ورىننىڭ دياگنوز قويۋ اپتالىعىنا قاتىناسۋمەن بىرگە، ماماندار، ەمدەۋ اترەتىنىڭ نەگىزگى ساتى اسكەري بولىمدەرگە بارىپ، ەمدەۋ، ءدارى ـ دارمەك جەتكىزۋ تەحنيكالىق قيمىلىن ىشكەرىلەي ورىستەتۋ كەرەك. الىس ارالىقتى ەمدەۋ جانە وقىتۋ، بىرلەسىپ دياگنوز قويۋدى مۇقيات ۇيىمداستىرىپ، الدىن الۋ، ەمدەۋ، دەنساۋلىق ساقتاۋعا قىزمەت وتەۋدى اسكەري كازارماعا، ٴبان - پايلارعا جەتكىزۋدى تىڭعىلىقتى ىلگەرىلەتۋ كەرەك. الۋان ءتۇرلى ەمدەۋ قىزمەت وتەۋ قيمىلى ارقىلى نەگىزگى ساتى اسكەري بولىمدەرىنە ناقتى ىستەر ىستەپ، قيىن ماسەلەلەردى شەشىپ، اسكەري بولىمدەردەگى كوماندير ـ جاۋىنگەرلەردىڭ دەنساۋلىعىن كۇش سالا قورعاۋ كەرەك.
اۋدان دارەجەلىدەن جوعارى جەرگىلىكتى دەنساۋلىق ساقتاۋ جانە سالاماتتىق اكىمشىلىك تاراۋلارى، جۇڭگوشا ەمدەۋ، ءدارى - دارمەك باسقارۋ تاراۋلارى قاراستى وڭىردەگى 2 - دارەجەلىدەن جوعارى شيپاحانالاردى ۇيىمداستىرىپ، سايكەستىرىپ، جەرگىلىكتى ورىننىڭ اۋرۋ ەرەكشەلىگىنە جانە شيپاحانانىڭ ەرەكشەلىگىنە ۇشتاستىرىپ، دەنساۋلىق تاربيەسىن ورىستەتىپ، دەنساۋلىق بىلىمدەرىن تاراتىپ، بۇقارانىڭ دەنساۋلىق تانىمىن جوعارىلاتىپ، اقاۋسىز تۇرمىس بىلىمدەرى مەن اۋرۋدان ساقتانۋ بىلىمدەرىن جالپىلاستىرىپ، دۇرىس ەمدەلۋ جانە ءدارى ىستەتۋ تانىمىن جەتىلدىرۋ كەرەك.
كەلۋ قاينارى:حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
