اۆتونوميالى رايوندىق تاڭداۋلى وقىتۋشىلار ۋاكىلدەرى اڭگىمە ءماجىلىسى اشىلدى
وقۋ - اعارتۋدىڭ اۋەلگى ماقساتىنان جازباي، ءداۋىر جاڭا ادامدارىن باۋلۋ كەرەك
2023.09.12 15:28 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى جاڭ يۇنمەي 9 - ايدىڭ 10 - كۇنى ۇرىمجىدەن حابارلايدى. 9 - ايدىڭ 9 - كۇنى اۆتونوميالى رايوندىق تاڭداۋلى وقىتۋشىلار ۋاكىلدەرى اڭگىمە ءماجىلىسى اشىلدى، ءماجىلىس باس شۋجي شي جينپيڭنىڭ مەملەكەتتىك تاڭداۋلى وقىتۋشىلار ۋاكىلدەرىنە جولداعان حاتىنىڭ رۋحىن ۇيرەنىپ، دايەكتىلەندىرىپ، 39 - رەتكى وقىتۋشىلار مەرەكەسىن بىرگە قۇتتىقتادى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى جاڭ چۇنلين ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، وقۋ - اعارتۋ ىستەرىن باستان - اياق الدىمەن دامىتىلاتىن ستراتەگيالىق ورىنعا قويىپ، پارتيانىڭ وقۋ - اعارتۋ قىزمەتىنە جاپپاي باسشىلىعىنا تاباندى بولىپ، سوتسياليزمنىڭ قۇرۋشىلارى مەن ءىزباسارلارىن كۇش سالا تاربيەلەپ، رايونىمىزدىڭ وقۋ - اعارتۋ ىستەرىندە كەلەلى كەزەڭدىك تابىسقا قول جەتكىزۋىن جەبەپ، شينجياڭنىڭ ەكونوميكالىق، قوعامدىق دامۋىنا بەلسەنە ۇلەس قوستى. بۇكىل رايونىمىزداعى قالىڭ وقىتۋشىلار مەن وقۋ - اعارتۋ قىزمەتكەرلەرى باس شۋجي شي جينپيڭنىڭ تاپسىرماسىن قاشاندا ەستە بەرىك ساقتاپ، وقۋ - اعارتۋمەن وتانعا قىزمەت ەتۋ اۋەلگى ماقساتىنان بۇلجىماي، ارمان ارقالاپ ادام تاربيەلەۋ بورىشىن باتىلدىقپەن ۇستىلەرىنە الىپ، رايونىمىزدىڭ وقۋ - اعارتۋ ىستەرىنىڭ دامۋىنا جۇرەك قانىن سارقىپ، ماڭداي تەرىن توگىپ، ماڭىزدى ۇلەس قوستى.
ءماجىلىس مىنالاردى باسا دارىپتەدى: ساياسي دەڭگەيدى جوعارىلاتىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى، رۋحتى سومداۋدان جازباي، شينجياڭ وقۋ - اعارتۋىن ويداعىداي جۇرگىزۋدەگى ساياسي سانالىلىقتى، يدەيالىق سانالىلىقتى جانە ارەكەت سانالىلىعىن اناعۇرلىم جوعارىلاتۋ كەرەك. نەگىزگى تاقىرىپتىق تاربيەنىڭ جەتىستىكتەرىن بەكەمدەپ، تىڭعىلىقتى، پارمەندى رەتتەۋ - تۇزەتۋ شارالارى مەن ارەكەتتەرى ارقىلى رايونىمىزدىڭ وقۋ - اعارتۋ سالاسىندا ورىن تەپكەن كورنەكتى ماسەلەلەردى كۇش سالا شەشىپ، وقۋ - اعارتۋدا قۋاتتى رايون قۇرىلىسىن ءبىر تۇتاس جوسپارلاپ ىلگەرىلەتۋ كەرەك. ءمورال ارقىلى ادام تاربيەلەۋگە تاباندى بولىپ، مەكتەپتەردىڭ يدەيالىق - ساياسي قىزمەتىن كۇشەيتىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ءار ۇلت وقىتۋشى - وقۋشىلارىن پارتيانىڭ سوزىنە قۇلاق اسۋعا، پارتياعا العىس ايتۋعا، پارتياعا ىلەسۋگە جەتەكتەۋ كەرەك. ”بەس تاربيەنى قاتار جۇرگىزۋگە“ تاباندى بولىپ، اقىل - پاراساتتىق تاربيەنى كۇشەيتىپ، ساپالى وقۋ - اعارتۋ بايلىعىنان ورتاق يگىلىكتەنۋدى، ورتاق پايدالانۋدى ىلگەرىلەتىپ، نەگىزدىك وقۋ - اعارتۋدىڭ ساپاسىن جاپپاي جوعارىلاتۋ كەرەك؛ كاسىپتىك وقۋ - اعارتۋدى كۇشەيتىپ، ءوندىرىس پەن وقىتۋدى توعىستىرۋعا، عىلىم - تەحنيكا مەن وقىتۋدى توعىستىرۋعا تاباندى بولىپ، ەكونوميكالىق، قوعامدىق دامۋعا ءونىمدى قىزمەت وتەۋ كەرەك؛ رەفورما جاساۋعا، جاڭالىق اشۋعا تاباندى بولىپ، ءپان قۇرىلىسىن كۇشەيتىپ، دارىندىلاردى باۋلۋ ۇلگىسىن ساپالىلاندىرىپ، جوعارى دارەجەلى وقۋ - اعارتۋدىڭ وزىندىك ماندىك ۇلگىدە دامۋىن ىلگەرىلەتۋ كەرەك. وقۋ - اعارتۋ جۇيەسىندە پارتيانىڭ باسشىلىعى مەن پارتيا قۇرىلىسىن كۇشەيتىپ، يدەولوگيا شەبىن باتىل قورعاپ، پارتيانى جاپپاي قاتاڭ باسقارۋدى ىشكەرىلەي ىلگەرىلەتىپ، بۇكىل رايون وقۋ - اعارتۋىنىڭ جوعارى ساپالى دامۋىن ىلگەرىلەتۋگە پارمەندى كەپىلدىك ازىرلەۋ كەرەك.
جاڭ چۇنلين قالىڭ وقىتۋشىلاردى جانە وقۋ - اعارتۋ قىزمەتكەرلەرىن جىگەرلەندىرىپ مۇرات - سەنىمدى بەكەمدەپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن قاي - قاشان دا وسكەلەڭ ءبىر اۋىزدىلىقتى ساقتاپ، پارتيا مەن حالىقتىڭ وقۋ - اعارتۋ ىستەرىنە مۇلدەم ادال بولۋعا؛ اعارتۋشىلار رۋحىن بار كۇشپەن اسقاقتاتىپ، پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ اۋەلگى ماقساتىن، بورىشىن ەستە بەرىك ساقتاپ، تولىمدى دارىندىلاردى تاربيەلەۋ سىندى داۋىرلىك اۋىر مىندەتتى ارقالاۋعا؛ كاسىپتىك ءبىلىم نەگىزىن بەكەمدەپ، وقۋ - اعارتۋ ۇستانىمىن سانالىلىقپەن جاڭالاپ، ءوزىنىڭ جالپىلىق ساپاسىن قۇلشىنا جوعارىلاتىپ، وقىتۋشىلىق ءمورال، وقىتۋشىلىق ستيل قۇرىلىسىن كۇشەيتىپ، وقىتۋشىلىقپەن كىرشىكسىز شۇعىلدانۋدىڭ، كىرشىكسىز بولىپ ءوزىن باۋلۋدىڭ ۇلگىسى بولۋعا قۇلشىنۋ كەرەك.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
