جاۋ لىجي ءار ەل پارلامەنتتەرى وداعىنىڭ ءتوراعاسى پاچەكومەن كەڭەس وتكىزدى
2023.09.12 16:07 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 11 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي 9 - ايدىڭ 11 - كۇنى تۇستەن كەيىن حالىق سارايىندا ءار ەل پارلامەنتتەرى وداعىنىڭ ءتوراعاسى پاچەكومەن كەڭەس وتكىزدى.
جاۋ لىجي مىنانى ءبىلدىردى: ءار ەل پارلامەنتتەرى وداعى − دۇنيە جۇزىندەگى تاريحى ەڭ ۇزاق، كولەمى ەڭ ۇلكەن، ىقپالى ەڭ زور پارلامەنتتەر اراسىنداعى حالىقارالىق ۇيىم، قۇرىلعان 130 نەشە جىلدان بەرى ءار ەل پارلامەنتتەرىنىڭ اۋىس - كۇيىس، سەلبەستىك ورىستەتۋىن ىلگەرىلەتىپ، ءتۇسىنىسۋدى، ءوزارا سەنىمدىلىكتى كۇشەيتىپ، ءار ەلدىڭ سايىسقا قول ۇستاسا توتەپ بەرۋىنە ماڭىزدى تۇعىر ازىرلەدى. جۇڭگو پارلامەنتتەر وداعىنىڭ حالىقارا ىستەردە ءتىپتى دە زور رول اتقارۋىن قارسى الادى.
جاۋ لىجي مىنالاردى دارىپتەدى: كوپ جاقتىلىق − بەيبىتشىلىكتى قورعاۋدىڭ، دامۋدى جەبەۋدىڭ ءونىمدى جولى. پارلامەنتتەر وداعىنىڭ ءوزى كوپ جاقتىلىقتى امالياتتا ايگىلەۋدىڭ ماڭىزدى جەمىسى. جۇڭگو مەملەكەتتىك حالىق قۇرىلتايى پارلامەنتتەر وداعىنىڭ ىقپال كۇشىن ءتىپتى دە ساۋلەلەندىرىپ، شىنايى كوپ جاقتىلىقتى قورعاپ جانە امالياتتا ايگىلەپ، ورتاق كەڭەسۋ، ورتاق قۇرۋ، تەڭ يگىلىكتەنۋدە تاباندى بولىپ، ءارقايسى ەلدەر پارلامەنتتەرىنىڭ پىكىرلەسۋدى كۇشەيتىپ، ورتاق تانىمدى كەڭ كولەمدە توپتاپ، ءتىپتى دە كوپ امالياتتىق ناتيجەلەرگە قول جەتكىزۋىن قولدايدى؛ پارلامەنتتەر وداعىنىڭ باياندى دامۋدى جەبەۋدەگى قۇلشىسىن قولدايدى، ءارقايسى ەلدەر پارلامەنتتەرىمەن سەلبەستىكتى كۇشەيتىپ، وڭتۇستىك جانە سولتۇستىكتىڭ دامۋ جىلعاسىن كىشىرەيتۋ، دۇنيە ءجۇزىنىڭ ورتاق گۇلدەنۋىن ىلگەرىلەتۋ ءۇشىن ۇلەس قوسۋدى قالايدى. جۇڭگو مەملەكەتتىك حالىق قۇرىلتايى پارلامەنتتەر وداعىمەن جانە ءار ەل پارلامەنتتەرىمەن بىرگە بەيبىتشىلىك، دامۋ، ادىلدىك، ادىلەتتىلىك، دەموكراتيا، ەركىندىك سىندى بۇكىل ادامزاتتىڭ ورتاق قۇنىن ساۋلەلەندىرىپ، ءار ەل حالقىنىڭ ءوزارا ءتۇسىنىسۋىن، ەتەنە بولۋىن جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى.
جاۋ لىجي مىنانى ءبىلدىردى: جۇڭگو جاق پارلامەنتتەر وداعىنىڭ ۇزاق ۋاقىتتان بەرى جۇڭگونىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءادىل مايداندا تۇرعانىن القايدى، پارلامەنتتەر وداعىمەن دوستىق قارىم - قاتىناستى ونان ارى كۇشەيتۋدى ءۇمىت ەتەدى. جۇڭگو مەملەكەتتىك حالىق قۇرىلتايى پارلامەنتتەر وداعىمەن بىرگە وركەندەپ كەلە جاتقان ەلدەردىڭ پارلامەنت مۇشەلەرىنىڭ تالقى كلاسىن 5 رەت اشىپ، ازيا، افريكا ەلدەرىنەن كەلگەن 150 دەن استام پارلامەنت مۇشەسى جۇڭگوعا كەلىپ پىكىر اۋىستىرىپ، تەكسەرۋ جۇرگىزدى. جۇڭگو وسى اۋىس - كۇيىس تۇعىرىن ۇزدىكسىز ويداعىداي جۇرگىزىپ، ءار ەل پارلامەنت مۇشەلەرىمەن تاجىريبەلەردەن بىرگە يگىلىكتەنىپ، سەلبەستىكتى بىرگە جوسپارلاۋدى قالايدى.
جاۋ لىجي حالىق قۇرىلتايى ءتۇزىمى مەن مەملەكەتتىك حالىق قۇرىلتايىنىڭ قاتىستى جاعدايلارىن تانىستىردى. ول مىنانى ءبىلدىردى: جۇڭگو اتقارىپ وتىرعان حالىق قۇرىلتايى ءتۇزىمى − جۇڭگو كوممۋنيستىك پارتياسىنىڭ باسشىلىعىنىڭ، حالىقتىڭ وزىنە - ءوزى قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىندە تاباندى بولۋداعى ءتۇبىرلى ساياسي تۇزىمدىك ورنالاستىرۋ. بۇل ءتۇزىم ءارى دەموكراتيانى كەڭ كولەمدە ساۋلەلەندىرىپ، حالىقتىڭ تىلەگىن تولىق قابىلداپ، حالىقتىڭ اقىل - پاراساتىن شوعىرلاندىرادى، ءارى دەر كەزىندە عىلمي شەشىم جاساپ، ءىستى زاڭ بويىنشا ىستەپ، مەملەكەتتىڭ ءتۇرلى ىستەردى ءبىر تۇتاس، جوعارى ءونىمدى ۇيىمداستىرۋىن جۇزەگە اسىرادى. جۇڭگو جاق پارلامەنتتەر وداعىمەن زاڭ شىعارۋ قۇرىلىمدارىنىڭ فۋنكتسيالىق رولىن اناعۇرلىم ويداعىداي ساۋلەلەندىرۋ، حالىقتىڭ قوجايىن بولۋىن قامتاماسىز ەتۋ جاقتارىندا اۋىس - كۇيىستى كۇشەيتۋدى قالايدى.
پاچەكو مىنانى ءبىلدىردى: كەلەر جىل − جۇڭگونىڭ مەملەكەتتىك حالىق قۇرىلتايىنىڭ پارلامەنتتەر وداعىنا كىرگەنىنىڭ 40 جىلدىعى. جۇڭگو جاق پارلامەنتتەر وداعىنىڭ ءتۇرلى قىزمەتتەرىن باستان - اياق بەلسەنە قولداپ كەلەدى، كەدەيلىكتى ازايتۋ، بۇكىل دۇنيە ءجۇزىنىڭ سيىسىمدى بولۋىن جەبەۋ، افريكادا باياندى دامۋ نىساناسىن ىلگەرىلەتۋ سياقتى كوپتەگەن جاقتاردا ەكى جاقتىڭ سەلبەستىگىندە سۇبەلى تابىستارعا قول جەتتى. ەكى جاقتىڭ اۋىس - كۇيىستى ونان ارى كۇشەيتىپ، سەلبەستىكتى ۇزدىكسىز تىڭ ساتىعا كوتەرۋىن ءۇمىت ەتەمىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
