جۇڭگو بەيبىت بىرلىككە كەلۋدى جەبەۋ قوعامى 10 - كەزەكتى كوميتەتىنىڭ 1 - رەتكى القالار ءماجىلىسى اشىلدى
ۋاڭ حۋنيڭ ماجىلىسكە قاتىناستى
2023.09.12 16:11 كەلۋ قاينارى : حالىق تورابى
«حالىق گازەتى»، 9 - ايدىڭ 11 - كۇنى، بەيجيڭ (ءتىلشى جاڭ شو). جۇڭگو بەيبىت بىرلىككە كەلۋدى جەبەۋ قوعامى 10 - كەزەكتى كوميتەتىنىڭ 1 - رەتكى القالار ءماجىلىسى 9 - ايدىڭ 11 - كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ ماجىلىسكە قاتىناستى ءارى قوعام باستىعى بولىپ سايلاندى. ۋاڭ حۋنيڭ مىنانى ءبىلدىردى: جۇڭگو بەيبىت بىرلىككە كەلۋدى جەبەۋ قوعامى − ەل ءىشى - سىرتىنداعى جۇڭحۋا ۇلاندارىنىڭ ”دەربەستەندىرۋگە“ قارسى تۇرىپ، جۇڭگونىڭ بەيبىت بىرلىككە كەلۋىن جەبەۋدەگى ماڭىزدى كۇشى، وتانشىلدىق تۋدى باستان - اياق بيىك ۇستاپ، ەل ءىشى - سىرتىنداعى باۋىرلاستاردى ىنتىماقتاستىرۋعا، ۇيىستىرۋعا، ءتۇرلى بولشەكتەۋ ارەكەتتەرىنە باتىل قارسى تۇرۋعا، وتاننىڭ بەيبىت جولمەن بىرلىككە كەلۋىن جەبەۋگە، مەملەكەتتىڭ وزەكتى مۇددەسىن قورعاۋعا ماڭىزدى ۇلەس قوستى. ۇلى ىنتىماق پەن ۇلى بىرلىكتە تاباندى بولىپ، تاريحتىڭ جالپىلىق اۋقىمىنا سايكەسىپ، ۇلتتىق ادىلەتتىلىكتى بەرىك ساقتاپ، ”دەربەستەندىرۋگە“ باتىل قارسى تۇرىپ، بىرلىككە كەلۋدى جەبەپ، وتاندى بىرلىككە كەلتىرۋ ۇلى ءىسىن بىرگە ىلگەرلەتۋ كەرەك.
ۋاڭ حۋنيڭ مىنانى ءبىلدىردى: جاڭا داۋىردەگى پارتيانىڭ تايۋان ماسەلەسىن شەشۋدەگى جالپى جوباسى تايۋان ماسەلەسىن شەشۋگە، وتاننىڭ تولىق بىرلىككە كەلۋىن جۇزەگە اسىرۋعا باعىت سىلتەپ، ءتۇبىرلى تياناق ازىرلەپ بەردى، ءسوز جوق، كەمەلدى، ءدال، جاپپاي دايەكتى تياناقتاندىرىپ، ”دەربەستەندىرۋگە“ قارسى تۇرۋ، بىرلىككە كەلۋدى جەبەۋ دۇرىس باعىتىن مىقتى يگەرۋ كەرەك. كۇرەس جۇرگىزۋگە باتىل بولۋدا، كۇرەس جۇرگىزۋگە شەبەر بولۋدا تاباندى بولىپ، ”تايۋان دەربەستىگى“ بولشەكتەۋشى كۇشتەرىمەن جانە سىرتقى كيلىگۋشى كۇشتەرمەن كۇرەس جۇرگىزۋ جاۋاپكەرلىگىن، بورىشىن ارقالاپ، ”دەربەستەندىرۋگە“ قارسى تۇرىپ، بىرلىككە كەلۋدى جەبەۋ سەنىمىن، بەكىمىن نىعايتۋ كەرەك. ەكى جاعالاۋدىڭ اۋىس - كۇيىسىن، بارىس - كەلىسىن جەبەۋگە كۇش سالۋدا تاباندى بولىپ، اۋىس - كۇيىس، بارىس - كەلىس ارقىلى ەكى جاعالاۋداعى باۋىرلاستاردىڭ تۋىسقاندىق سۇيىسپەنشىلىگىن، جاقىنداسۋىن جەبەپ، ”دەربەستەندىرۋگە“ قارسى تۇرىپ، بىرلىككە كەلۋدى جەبەۋدەگى حالىق رايى نەگىزىن بەكەمدەۋ كەرەك. جۇڭگو مەن شەتەلدىڭ دوستىعىن كۇشەيتۋدە تاباندى بولىپ، حالىقارالىق قوعامنىڭ ءتۇسىنۋى مەن قولداۋىنا كەڭىنەن قول جەتكىزىپ، ”دەربەستەندىرۋگە“ قارسى تۇرىپ، بىرلىككە كەلۋدى جەبەۋگە ءتيىمدى سىرتقى ورتا جاراتۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت بىرلىكساپ ءبولىمىنىڭ باستىعى شى تايفىڭ ءماجىلىستى باسقاردى. ءماجىلىس جۇڭگو بەيبىت بىرلىككە كەلۋدى جەبەۋ قوعامى 9 - كەزەكتى القالار كەڭەسىنىڭ قىزمەت بايانداماسىن قاراپ ماقۇلدادى، 10 - كەزەكتى القالار كەڭەسىنىڭ باسشىلىق القاسىن، باس حاتشىسىن جانە تۇراقتى القالارىن سايلادى. شى تايفىڭ ءتوراعانىڭ جۇمىس جۇرگىزۋشى ورىنباسارلىعىنا سايلاندى، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋەي، ۋ ۋەيحۋا، پابالا گىلەلاڭجيە، سۋ حۇي، گاۋ يۇنلۇڭ، جياڭ زوجۇن، حى باۋشياڭ ءتوراعانىڭ ورىنباسارلىعىنا سايلاندى.
جۇڭگو بەيبىت بىرلىككە كەلۋدى جەبەۋ قوعامى 10 - كەزەكتى القالار كەڭەسىنىڭ القالارى جانە قاتىستى جاقتاردىڭ جاۋاپتىلارى ماجىلىسكە قاتىناستى.
وسىدان كەيىن اشىلعان جۇڭگو بەيبىت بىرلىككە كەلۋدى جەبەۋ قوعامىنىڭ 10 - كەزەكتى 1 - رەتكى تۇراقتى القالار كەڭەسىندە شى تايفىڭ مىنانى دارىپتەدى: القالاردىڭ نازاريامەن قارۋلانۋدى ۇزدىكسىز كۇشەيتۋىنە بەلسەنە جەتەكشىلىك ەتىپ، ورتاق يدەيالىق - ساياسي نەگىزدى بەكەمدەپ، حالىقتىڭ قولداۋىنا بەلسەنە قول جەتكىزىپ، ىنتىماقتىلىق پەن بىرلەستىكتى كۇشەيتىپ، وزىندىك ابزالدىقتى ساۋلەلەندىرىپ، وزىندىك قۇرىلىستى كۇشەيتىپ، ”دەربەستەندىرۋگە“ قارسى تۇرىپ، بىرلىككە كەلۋدى جەبەۋ قىزمەتىن بەرىك كەپىلمەن قامتاماسىزداندىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
