جۇڭگو تەلەۆيزيا كوركەمونەرشىلەر قوعامىنىڭ مەملەكەتتىك 7 - قۇرىلتايى بەيجيڭدە اشىلدى
لي شۋلەي اشىلۋ سالتىنا قاتىناستى ءارى ءسوز سويلەدى
2023.09.12 16:12 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 11 - كۇنى، بەيجيڭ. جۇڭگو تەلەۆيزيا كوركەمونەرشىلەر قوعامىنىڭ مەملەكەتتىك 7 - قۇرىلتايى 9 - ايدىڭ 11 - كۇنى بەيجيڭدە اشىلدى. ءماجىلىس مىنالاردى دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا 20 - قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا مادەنيەت بورىشىن سانالى تۇردە ارقالاپ، اپپارات كوزىن حالىققا تۋرالاپ، كەسكىندەۋ ارقىلى ءداۋىردى بەينەلەپ، اناعۇرلىم كوپ تەلەۆيزيا سارا تۋىندىلارىن شىعارىپ، تەلەۆيزيا كوركەمونەر ىستەرى گۇلدەنۋىنىڭ، دامۋىنىڭ جاڭا تاراۋىن جازىپ، جۇڭحۋا ۇلتىنىڭ وسى زامانعى وركەنيەتىن قۇرۋعا كۇش قوسۋ كەرەك. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق ۇگىت ءبولىمىنىڭ باستىعى لي شۋلەي اشىلۋ سالتىنا قاتىناستى ءارى ءسوز سويلەدى.
جاڭا داۋىردەگى 10 جىلدان بەرى ەلىمىزدىڭ تەلەۆيزيا كوركەمونەر ىستەرى ارشىندى قاداممەن العا باسىپ، قۋانارلىق ناتيجەلەرگە قول جەتكىزىپ، سارا تۋىندىلار ۇزدىكسىز جارىققا شىعىپ، جاسامپازدىق ومىرشەڭدىگى ۇزدىكسىز تاسقىنداپ، جاسامپازدىق قوسىنى دامىپ، زورايىپ، ادەبيەت - كوركەمونەردىڭ گۇلدەنىپ - كوركەيۋىن جەبەۋگە، سوتسياليستىك مادەنيەتتە قۇدىرەتتى ەل قۇرۋعا ماڭىزدى ۇلەس قوستى.
ۋاكىلدەر بىلاي دەپ قارادى: قالىڭ تەلەۆيزيا كوركەمونەر قىزمەتكەرلەرى ءداۋىردىڭ الدىڭعى لەگىندە ءجۇرىپ، حالىققا تەرەڭ سۇيىسپەنشىلىك ورناتىپ، جاڭا ءداۋىردىڭ جاڭا ساپارىنىڭ رۋحاني بەينەسىن دەن قويا كەسكىندەپ، ءتىپتى دە كوپ حالىق ۇناتاتىن تەلەۆيزيالىق تاڭداۋلى تۋىندىلاردى جاراتۋى كەرەك. مادەنيەت سەنىمىن بەكەمدەپ، جاسامپازدىقپەن تۇرلەندىرۋدى، جاسامپازدىقپەن دامۋدى ىلگەرىلەتىپ، جۇڭحۋانىڭ تاڭداۋلى ءداستۇرلى مادەنيەتىنىڭ داۋىرلىك كەلبەتىن جاندى ايگىلەۋ كەرەك. كەمەلدەندىرە تۇسۋدەن جازباي، ينتەرنەتتىڭ دامۋ بەتالىسىنا ۇيلەسىپ، ۇستانىمدا، تاسىلدە، ادىستە جاڭالىق اشىپ، قازىرگى زامان تەلە تۋىندىلارىنىڭ كوركەمونەرلىك ساپاسىن ۇزدىكسىز جوعارىلاتۋ كەرەك. كوركەمونەر مۇراتىنان جازباي، ءمورال مەن ونەرگە بىردەي جەتىك بولۋعا تالپىنىپ، جاڭا داۋىردەگى تەلەۆيزيا ونەرىنىڭ بيىك شىڭىنا باتىلدىقپەن شىعۋ كەرەك.
مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى، جۇڭگو ادەبيەت - كوركەمونەرشىلەر بىرلەستىگىنىڭ ءتوراعاسى تيە نيڭ اشىلۋ سالتىنا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
