لي حۇڭجۇڭ ۇكىمەتتىڭ قارىز باسقارۋ احۋالىنان مالىمەت تىڭداۋ جانە قاراۋ ءتۇزىمىن ورناتۋ قىزمەتى اڭگىمە ماجىلىسىندە بىلاي دەپ دارىپتەدى
ۇكىمەتتىڭ قارىزدى باقىلاۋىن زاڭ بويىنشا كۇشەيتىپ، ەكونوميكانىڭ، قوعامنىڭ ساپالى دامۋىن ىلگەرىلەتۋ كەرەك
2023.09.12 16:13 كەلۋ قاينارى : حالىق تورابى
«حالىق گازەتى»، 9 - ايدىڭ 11 - كۇنى، بەيجيڭ (ءتىلشى حۋاڭ چيڭچاڭ). ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى لي حۇڭجۇڭ 9 - ايدىڭ 11 - كۇنى بەيجيڭدە ۇكىمەت قارىزىن باسقارۋ احۋالىنان مالىمەت بەرۋ ءتۇزىمىن ورناتۋ جانە قاراۋ قىزمەتى اڭگىمە ماجىلىسىنە قاتىناستى جانە ءسوز سويلەدى. ول بىلاي دەپ دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، ۇكىمەت قارىزىن باسقارۋ احۋالىنان بەرىلگەن مالىمەتتى تىڭداۋ جانە قاراۋ ءتۇزىمىن شىن مانىندە ويداعىداي ورناتىپ، ويداعىداي اتقارىپ، ۇكىمەت قارىزىن باقىلاۋدى زاڭ بويىنشا كۇشەيتىپ، ۇكىمەت قارىزىنىڭ جۇڭگو ۇلگىسىندەگى وسىزامانداندىرۋدى ىلگەرىلەتۋدە، ساپالى دامۋدى جۇزەگە اسىرۋدا اناعۇرلىم جاقسى رول اتقارۋىن جەبەۋ كەرەك.
لي حۇڭجۇڭ مىنالاردى اتاپ كورسەتتى: مەملەكەتتىك حالىق قۇرىلتايى تۇراقتى كوميتەتىنىڭ مەملەكەتتىك كەڭەستىڭ ۇكىمەت قارىزىن باسقارۋ جاعدايى جونىندەگى مالىمەتىن تىڭداۋ جانە قاراۋ ءتۇزىمىن ورناتۋى − شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ حالىق قۇرىلتايىنىڭ باقىلاۋىن، اسىرەسە، مەجە ەسەپتى تەكسەرۋ، باقىلاۋ قىزمەتىن كۇشەيتۋدەگى كەلەلى ورنالاستىرۋى. يدەيا مەن ارەكەتتى پارتيا ورتالىق كوميتەتىنىڭ ۇكىمەتتىڭ قارىز حاۋىپ - قاتەرىنەن ساقتانۋ جانە ونى جويۋ جونىندەگى شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، جۇيەلىك حاۋىپ - قاتەر تۋىلماۋدىڭ تومەنگى شەگىن باتىل ساقتاپ، ارتۋدى ورنىقتىرۋ مەن حاۋىپ - قاتەردەن ساقتانۋدىڭ ۇزاق ۋاقىت بىركەلكى بولۋىن جۇزەگە اسىرىپ، ەكونوميكانىڭ، قوعامنىڭ ساپالى دامۋىن ىلگەرىلەتۋ كەرەك.
لي حۇڭجۇڭ بىلاي دەپ دارىپتەدى: حالىق قۇرىلتايىنىڭ ۇكىمەت قارىزىن باقىلاۋداعى ورنى مەن پرينسيبىن دۇرىس يگەرىپ، پارتيا ورتالىق كوميتەتىنىڭ شەشىمدەرى، ورنالاستىرۋلارى نەگىزىندە زاڭ بويىنشا باقىلاۋ جۇرگىزىپ، حالىقتىڭ ءجىتى قاداعالاپ وتىرعان ىستەرىنە بەلسەنە جاۋاپ قاتىپ، ۇكىمەت قارىزىنىڭ كولەمىن عىلمي، ۇيلەسىمدى تۇراقتاندىرۋدى ىلگەرىلەتىپ، باقىلاۋ ءتۇيىنىن كورنەكتىلەندىرىپ، تەكسەرۋ - زەرتتەۋدى ىشكەرىلەي ورىستەتىپ، باقىلاۋ ءتاسىلى مەن ءادىسىن جان - جاقتى قولدانىپ، حالىق قۇرىلتايى ۋاكىلدەرى مەن مامانداردىڭ اقىل - پاراسات قويماسى رولىن تولىق ساۋلەلەندىرىپ، باقىلاۋدىڭ ناقتى ونىمدىلىگىن كۇش سالا نىعايتۋ كەرەك. جۇيە كوزقاراسىندا، جالپى جاعداي كوزقاراسىندا تاباندى بولىپ، جوعارى مەن تومەن بىرلەسىپ قيمىلداپ، ۇقساس ماسەلەگە بىرگە جاۋاپ بەرىپ، حالىق قۇرىلتايىنىڭ ۇكىمەت قارىزىن باقىلاۋ قىزمەت بىرىككەن كۇشىن قالىپتاستىرۋ كەرەك.
مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى شياۋ جيە، جاڭ چيڭۋەي ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
