2003 - جىلعى مەملەكەتتىك توراپ حاۋىپسىزدىگى ۇگىت اپتالىعىنىڭ اشىلۋ سالتى وتكىزىلدى
2023.09.12 16:15 كەلۋ قاينارى : حالىق تورابى
«حالىق گازەتى»، 9 - ايدىڭ 11 – كۇنى، فۋجوۋ (تىلشىلەر جين شين، جۇڭ زىۋەي، ليۋ شياۋيۇي). 9 – ايدىڭ 11 – كۇنى تۇستەن بۇرىن ورتالىق ۇگىت ءبولىمى، ورتالىق توراپ حاۋىپسىزدىگى جانە ينفورماتسيالاندىرۋ كەڭسەسى، وقۋ - اعارتۋ مينيسترلىگى، ونەركاسىپ جانە ينفورماتسيالاندىرۋ مينيسترلىگى، قوعام حاۋىپسىزدىگى مينيسترلىگى، جۇڭگو حالىق بانكەسى، مەملەكەتتىك راديو - تەلەۆيزيا باس مەكەمەسى، مەملەكەتتىك باس جۇمىسشى ۇيىمى، كوممۋنيستىك جاستار وداعى ورتالىق كوميتەتى، مەملەكەتتىك ايەلدەر بىرلەستىگى سياقتى تاراۋلار بىرلەسىپ وتكىزگەن 2023 – جىلعى مەملەكەتتىك توراپ حاۋىپسىزدىگى ۇگىت اپتالىعى فۋجيان ولكەسىنىڭ فۋجوۋ قالاسىندا اشىلۋ سالتىن وتكىزدى.
2023 – جىلعى مەملەكەتتىك توراپ حاۋىپسىزدىگى ۇگىت اپتالىعىنىڭ نەگىزگى تاقىرىبى ”توراپ حاۋىپسىزدىگى حالىق ءۇشىن، توراپ حاۋىپسىزدىگىندە حالىققا سۇيەنەمىز“ بولدى، بۇكىل ەل كولەمىندە 9 - ايدىڭ 17 - كۇنىنە دەيىن ۇزدىكسىز ورىستەتىلەدى. پارتيا 18 - قۇرىلتايىنان بەرى توراپ حاۋىپسىزدىگى سالاسىندا قول جەتكەن كەلەلى تابىستاردى ارقاۋ ەتە وتىرىپ نەگىزگى تاقىرىپتىق ۇگىت قيمىلى ورىستەتىلىپ، تالقى مىنبەرى، زەرتتەۋ - تالقى، كورمە، جارىس سياقتى فورمالار ارقىلى پارتيا، ۇكىمەت ورگاندارى، عىلمي زەرتتەۋ قۇرىلىمدارى، جوعارى مەكتەپتەر، كاسىپورىندار، قوعامدىق ۇيىمدار، بۇقارا سياقتى ءار جاقتاعى كۇشتەر توراپ حاۋىپسىزدىگى ۇگىت قيمىلىنا كەڭىنەن جۇمىلدىرىلىپ، تۇتاس قوعامدا توراپ حاۋىپسىزدىگى قورعانىس شەبىن بىرگە قۇراتىن قويۋ راي قالىپتاستىرىلادى.
توراپ حاۋىپسىزدىگى ۇگىت اپتالىعى كەزىندە شەشۋشى ينفورماتسيا نەگىزدىك قۇرىلعىلارىنىڭ حاۋىپسىزدىگىن قورعاۋ، بۇلتتىق ەسەپتەۋ قىزمەت وتەۋ حاۋىپسىزدىگى، اۆتوموبيل ساندى مالىمەتتەرىنىڭ حاۋىپسىزدىگى، توراپ حاۋىپسىزدىگى ولشەمى مەن امالياتى، جاستار مەن ورەندەردىڭ توراپ حاۋىپسىزدىگىن قورعاۋ، توراپ حاۋىپسىزدىگىنە قىزمەت وتەۋ كاسىبىن دامىتۋ سياقتى تاقىرىپتار توڭىرەگىندە 14 مايدان بولىمشە تالقى مىنبەرى مەن تاقىرىپتىق قيمىل وتكىزىلەدى. سونداي – اق مەكتەپ اۋلاسى كۇنى، تەلەگراف كۇنى، زاڭمەن جونگە سالۋ كۇنى، فينانس كۇنى، جاستار مەن ورەندەر كۇنى، جەكەلەردىڭ ينفورماتسياسىن قورعاۋ كۇنى سياقتى تاقىرىپتىق قيمىلدار، سونداي - اق توراپ حاۋىپسىزدىگىن الەۋمەتتىك اۋماقتارعا، اۋىل - قىستاققا، كاسىپورىندارعا، ورگاندارعا، مەكتەپتەرگە، وتباسىلارعا جەتكىزۋ سياقتى ۇگىت، جالپىلاستىرۋ قيمىلدارى وتكىزىلىپ، تۇتاس قوعامنىڭ توراپ حاۋىپسىزدىگى تانىمى مەن قورعانۋ شەبەرلىگىن جوعارىلاتۋى ىلگەرىلەتىلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
