«جۇڭگو قايىرىمدىلىق قىزمەت وتەۋىن دامىتۋ بايانداماسى» جاريالاندى
قايىرىمدىلىق قىزمەت وتەۋ زاڭ - ساياسات جۇيەسىن كەمەلدەندىرەيىك
2023.09.19 13:42 كەلۋ قاينارى : حالىق تورابى
تاياۋدا، جۇڭگو قايىرىمدىلىق كورمەسىن ۇيىمداستىرۋ كوميسسياسى ۇيىمداستىرعان، جۇڭگو قوعامدىق قامتاماسىزداندىرۋ عىلىمي قوعامى ۇستىنە الىپ وتكىزگەن 10 ـ كەزەكتى جۇڭگو الەۋمەتتىك يگىلىك قايىرىمدىلىق نىساندارى اۋىس ـ كۇيىس كورمەسى تاقىرىپتىق زەرتتەۋ ـ تالقى ماجىلىسىندە ”جۇڭگو قايىرىمدىلىق جەلىلەس مالىمەتىن زەرتتەۋ گرۋپپاسى“ «جۇڭگونىڭ قايىرىمدىلىق قىزمەت وتەۋىن دامىتۋ بايانداماسىن» (تومەندە قىسقاشا «بايانداما» دەلىنەدى) جاريالادى.
«بايانداما» ماڭىزدى زەرتتەۋ تابىسى رەتىندە، ەلىمىزدىڭ قايىرىمدىلىق قىزمەت وتەۋى دامۋىنىڭ جالپى جاعدايىن جان ـ جاقتى بەينەلەدى.
«باياندامادا» مىنالار اتاپ كورسەتىلدى: پارتيا مەن ۇكىمەت قايىرىمدىلىق قىزمەت وتەۋىنىڭ حالىق تۇرمىسىن قامتاماسىزداندىرۋداعى رولىنا كۇن سايىن ءمان بەرىپ كەلەدى، قايىرىمدىلىق قىزمەت وتەۋ ساياساتىن بەلگىلەۋ جانە اتقارۋ ورتالىقتان جەرگىلىكتى ورىنعا دەيىن بىرىككەن كۇش قالىپتاستىرۋدا. 1996 - جىلدان بەرى مەملەكەتتىك حالىق قۇرىلتايى مەن ونىڭ تۇراقتى كوميتەتى جاساعان زاڭداردىڭ ىشىندەگى 28 زاڭدا قايىرىمدىلىق قىزمەت وتەۋ مازمۇنى قامتىلعان، بۇل قازىر اتقارىلىپ وتىرعان كۇشكە يە زاڭداردىڭ وننان بىرىنە جۋىعىن ۇستايدى. 1998 - جىلدان بەرى، حالىق ىستەرى مينيسترلىگىن نەگىز ەتكەن مەملەكەتتىك 20 عا جۋىق مينيسترلىك، كوميتەت جانە باس مەكەمە ورگاندارى ىلگەرىندى - كەيىندى قايىرىمدىلىق قىزمەت وتەۋىنە ساياتىن تاراۋلاردىڭ ەرەجە - تارتىپتەرى مەن ولشەمدى قۇجاتتارىن جاريالادى. جەر - جەر تاعى 50 دەن استام جەرگىلىكتى زاڭ - ەرەجە شىعاردى. وسى زاڭدار، زاڭدىق ەرەجەلەر مەن ساياساتتار قايىرىمدىلىق قىزمەت وتەۋىنىڭ دامۋىن جەبەۋدى ماڭىزدى نەگىزبەن قامدادى.
«باياندامادا» مىنالار اتاپ كورسەتىلدى: ەلىمىزدىڭ قايىرىمدىلىق قىزمەت وتەۋىندە دامۋ امالياتى بارىسىندا قايىرىمدىلىق قىزمەت وتەۋ سالاسى مەن مازمۇنى ۇزدىكسىز كەڭەيىپ، قىزمەت وتەۋ نەگىزگى تۇلعاسى كوپ نەگىزدەنۋگە بەت الىپ، قىزمەت وتەۋ نىسانىندا الۋان تۇرلىلىك جارىققا شىعىپ، قىزمەت وتەۋ فورماسىندا جاڭالىق اشا دامۋ، ەرىكتى قىزمەت وتەۋ، ءتارتىپتى دامۋ سياقتى 5 ۇلكەن ەرەكشەلىك جارىققا شىقتى. قايىرىمدىلىق قىزمەت وتەۋ قوعامدىق الەۋمەتتىك قىزمەت وتەۋ جۇيەسىنىڭ كۇن سايىن ماڭىزدى قۇرامداس بولىگىنە اينالدى.
«باياندامادا» ەلىمىزدىڭ قايىرىمدىلىق قىزمەت وتەۋىندەگى جەتەرسىزدىكتەر اتاپ كورسەتىلدى ءارى مىنالاردى ۇسىنىس ەتتى: جۇڭگوشا قايىرىمدىلىق قىزمەت وتەۋىنىڭ دامۋ تانىمى مەن نىساناسىن ايقىنداۋ؛ قايىرىمدىلىق جونىنەن قىزمەت وتەۋدىڭ زاڭ - ساياسات جۇيەسىن كەمەلدەندىرۋ؛ قايىرىمدىلىق جونىنەن قىزمەت وتەيتىن وبيەكتىلەر شوعىرى مەن مازمۇنىن ەگجەي - تەگجەيلى ايىرۋ؛ قايىرىمدىلىق قىزمەت وتەۋىنىڭ نەگىزگى تۇلعالىق نەگىزىن بەكەمدەۋ؛ قايىرىمدىلىق قىزمەت وتەۋ ءتاسىلىن ساپالىلاندىرىپ، قايىرىمدىلىق قىزمەت وتەۋ مەن ۇكىمەتتىڭ الەۋمەتتىك قىزمەت وتەۋىنىڭ ءونىمدى ۇشتاسۋىن جۇزەگە اسىرىپ، قىزمەت مەحانيزمى، قىزمەت وتەۋ مازمۇنى، بايلىق جانە ساندى مالىمەت سياقتى جاقتاردىڭ ۇشتاسۋىن كۇشەيتۋ.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
