405 تور بەكەتى قوعامداعىلارعا اشكەرەلەۋدى قابىلداۋ ءتاسىلىن ءبىرتۇتاس جاريالادى
2023.09.20 14:39 كەلۋ قاينارى : حالىق تورابى
شينحۋا اگەنتتىگىنىڭ 9 - ايدىڭ 19 - كۇنى بەيجيڭنەن بەرگەن حابارى. ينتەرنەتتى جان - جاقتى، ۇزدىكسىز، ىشكەرىلەي جونگە سالۋ، ينتەرنەتتەگى اناعۇرلىم كوپ تەكشەلەردىڭ قوعامداعى بۇقارانىڭ باقىلاۋىن قابىلداۋىن ىلگەرىلەتۋ ءۇشىن، ورتالىق ينتەرنەت ينفورماتسياسى كەڭسەسىنىڭ زاڭعا قايشى جانە ناشار ينفورماتسيالاردى اشكەرەلەۋ ورتالىعى جۋىردا 10 - توپتاعى 405 تور بەكەتىن اشكەرەلەۋدى قابىلداۋ ءتاسىلىن قوعامداعىلارعا ءبىرتۇتاس جاريالاۋعا ۇيىمداستىردى. وسىمەن، اشكەرەلەۋ ءتاسىلىن قوعامداعىلارعا ءبىرتۇتاس اشىق جاريالاعان ينتەرنەت تەكشەلەرىنىڭ سانى 4500 دەن اسىپ، ۇكىمەت ءىسى جاعىندا قىزمەت وتەۋ، اقپارات، الەۋمەتتىك جەلىدەگى ىقپالداستىق، تىكە تاراتىلىم، دىبىس - كەسكىن، ىزدەۋ تەكشەلەرى، تور شولعىشتار، ەلەكتروندى ساۋدا، ينتەرنەتتەگى ويىن قاتارلى ەل ىشىندەگى كوپ تۇردەگى نەگىزگى ينتەرنەت تەكشەلەرىن نەگىزىنەن قامتىدى.
ورتالىق ينتەرنەت ينفورماتسياسى كەڭسەسىنىڭ زاڭعا قايشى جانە ناشار ينفورماتسيالاردى اشكەرەلەۋ ورتالىعىنىڭ قاتىستى جاۋاپتىسى مىنانى ءبىلدىردى: اشكەرەلەۋدى قابىلداۋ ءتاسىلىن قوعامداعىلارعا ءبىرتۇتاس جاريالاۋ — ينتەرنەت تەكشەسىنىڭ نەگىزگى تۇلعالىق جاۋاپكەرشىلىگىن اتقارۋ، قوعامداعىلاردىڭ باقىلاۋىن سانالىلىقپەن قابىلداۋ جاعىنداعى ماڭىزدى شاراسى. ينتەرنەت تەكشەلەرى اشكەرەلەۋدى قابىلداۋ ءتاسىلىن جاريالاۋدى وراي ەتە وتىرىپ، ينتەرنەتتەگى زاڭعا قايشى جانە ناشار ينفورماتسيالاردى اشكەرەلەۋ قىزمەتىن جۇيەلى ورىستەتۋى، توراپتاستار اشكەرەلەگەن، شاعىمدانعان ماسەلەلەردى دەر كەزىندە قابىلداۋى، ءبىر جاقتى ەتۋى ءارى وعان جاۋاپ قايتارۋى، ينتەرنەتتى قولدانۋشىلاردىڭ زاڭدى ۇقىق - مۇددەسىن شىنايى، ويداعىداي قورعاۋى، پاك ينتەرنەت كەڭىستىگىن بىرگە جاراتۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
