جۇڭگو – ەۆروپا كەزەكشى پويەزى 10 جىلدا جالپى 77 مىڭ رەت قاتىنادى (جاڭا ساندى مالىمەت، جاڭا ءتۇيىن)
تاسىمالدانعان زاتتىڭ قۇنى 340 ميلليارد دوللاردان استى
2023.09.20 16:29 كەلۋ قاينارى : حالىق تورابى
«حالىق گازەتى»، 9 ـ ايدىڭ 19 ـ كۇنى، ليانيۇنگاڭ (تىلشىلەر لي شينپيڭ، باي گۋاڭدي). ءتىلشىنىڭ تاياۋدا جۇڭگو ـ ەۆروپا كەزەكشى پويەزى حالىقارالىق سەلبەستىك تالقى مىنبەرىنەن ۇعىسۋىنا قاراعاندا، 10 جىلدان بەرى جۇڭگو ـ ەۆروپا كەزەكشى پويەزىنەن 77 مىڭ پويەز قاتىناپ، 7 ميلليون 310 مىڭ ولشەمدى جۇك ساندىعى جونەلتىلىپ، زات قۇنى 340 ميلليارد دوللاردان اسىپ، حالىقارالىق ەكونوميكا ـ ساۋدا سەلبەستىگىنىڭ ماڭىزدى كوپىرىنە اينالعان.
10 جىلدىق دامۋدا جۇڭگو ـ ەۆروپا كەزەكشى پويەزى ازيا ـ ەۆروپا قۇرلىق جولى تاسىمالىنىڭ جاڭا ارناسىن اشتى. ەل ىشىندە الاتاۋ ساعاسى، قورعاس، ىرليانحوت، مانجۋريا، سۇيفىنحى سياقتى شەكارا وتكەلدەرى ارقىلى شەكارادان شىعاتىن باتىس، ورتا، شىعىس 3 تاسىمال نەگىزگى ارناسى قالىپتاسىپ، ساعاتتىق جىلدامدىعى 120 كيلومەتر كەلەتىن، تۇراقتى قاتىنايتىن جۇڭگو ـ ەۆروپا كەزەكشى پويەزىنىڭ قاتىناۋ جەلىسى 86 عا جەتىپ، 112 قالانى تۇتاستىردى؛ شەكارا سىرتىندا سولتۇستىك، ورتا، وڭتۇستىك سىندى ءۇش ۇلكەن ارنا العاشقى ادىمدا قالىپتاسىپ، ەۆروپاداعى 25 مەملەكەت پەن رايونداعى 217 قالاعا، سونداي - اق جەلى بويىنداعى 11 ازيا مەملەكەتى مەن رايونىنىڭ 100 دەن استام قالاسىنا تۇتاستى.
10 جىلدىق دامۋدا جۇڭگو ـ ەۆروپا كەزەكشى پويەزى حالىقارالىق تاسىمال سەلبەستىگىنىڭ جاڭا جاعدايىن اشتى. تەڭىز تاسىمالىمەن جانە اۋە تاسىمالىنا سالىستىرعاندا، جۇڭگو ـ ەۆروپا كەزەكشى پويەزدەرىنىڭ تاسىمال باعاسى اۆياتسيانىكىنىڭ 5/1 ندەي، تاسىمال ۋاقىتى تەڭىز تاسىمالىنىكىنىڭ 4/1 ندەي، جاراتىلىستىق ورتانىڭ ىقپالىنا ۇشىراۋى از، ورنىقتىلىعى جوعارى. جۇڭگو ـ ەۆروپا كەزەكشى پويەزدەرىنىڭ ورتاشا كومىر قىشقىل گازىن شىعارۋ مولشەرى اۆياتسيانىكىنىڭ 15/1 ندەي، تاس جول تاسىمالىنىكىنىڭ 7/1 ندەي، بۇكىل جەر شارىنىڭ كليمات وزگەرىسىنە توتەپ بەرۋ، كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ جاعىندا ماڭىزدى ۇلگىلىك رول اتقاردى.
10 جىلدىق دامۋدا جۇڭگو ـ ەۆروپا كەزەكشى پويەزى قاتىستى كاسىپتەردىڭ دامۋىنا جاڭا وراي اكەلدى. جۇڭگو - ەۆروپا كەزەكشى پويەزى قاتىناعاننان كەيىن چۇڭچيڭ، چىڭدۋ سياقتى جەرلەر تەز ارادا ەلەكتروندىق ينفورماتسيا، اۆتوموبيل، جابدىق جاساۋ كاسىپ بازاسىنا اينالدى؛ شي - ان، جىڭجوۋ، ۋحان سياقتى جۇڭگو - ەۆروپا كەزەكشى پويەزدەرى شىعاتىن قالالاردىڭ سىرتقا باعىتتالعان ەكونوميكالىق ءونىم قۇنى كورنەكتى ارتتى. جۇڭگونىڭ ەۆروپاعا تاسىمالداعان تاۋارلارى تۇتاس اۆتوموبيل، ماشينا جابدىقتارى، ەلەكتروندىق ونىمدەر سياقتى 50 مىڭنان استام تاۋارعا كەڭەيدى؛ ەۆروپانىڭ جۇڭگوعا تاسىمالداعان تاۋارلارى ماشينا - ەلەكتر ونىمدەرى، ەمدەۋ جابدىقتارى، ماشينا جابدىقتارى سياقتى تاۋارلارعا كەڭەيدى.
جۇڭگو مەملەكەتتىك تەمىر جول توبىنىڭ ساندى مالىمەتىندە كورسەتىلۋىنشە، بيىل 1 – ايدان 8 - ايعا دەيىن جۇڭگو ـ ەۆروپا كەزەكشى پويەزىنەن 11 مىڭ 638 پويەز قاتىناپ، ءبىر ميلليون 262 مىڭ ولشەمدى ساندىق جونەلتىپ، سايكەس مەزگىلدەگىدەن جەكە ـ جەكە %10، %23 ارتىپ، اناعۇرلىم جوعارى ساپاعا، اناعۇرلىم جاقسى ونىمدىلىككە، اناعۇرلىم حاۋىپسىز بەتالىسقا قاراي دامۋدا.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
