حان جىڭ بىرلەسكەن مەملەكەتتەر ۇيىمىنىڭ باس حاتشىسىمەن، امەريكانىڭ مەملەكەت ىستەرى حاتشىسىمەن كەزدەستى
2023.09.20 16:37 كەلۋ قاينارى : حالىق تورابى
شينحۋا اگەنتتىگى، 9 ـ ايدىڭ 18 ـ كۇنى، بىرلەسكەن مەملەكەتتەر ۇيىمى (تىلشىلەر ماۋ لەي، ياڭ شىلۇڭ). سول جەر ۋاقىتى 9 ـ ايدىڭ 18 ـ كۇنى مەملەكەت ءتوراعاسىنىڭ ورىنباسارى حان جىڭ نيۋ ـ يوركتە بىرلەسكەن مەملەكەتتەر ۇيىمىنىڭ جينالىسىنا قاتىناسقان كەزدە جەكە ـ جەكە بىرلەسكەن مەملەكەتتەر ۇيىمىنىڭ باس حاتشىسى گۋتتەرەسپەن، امەريكانىڭ مەملەكەت ىستەرى حاتشىسى بلينكولينمەن كەزدەستى.
گۋتتەرەسپەن كەزدەسكەندە حان جىڭ مىنانى ءبىلدىردى: قازىر دۇنيە جۇزىندە 100 جىلدىق وزگەرىس جەدەل قۇبىلىپ، ءتۇرلى ورنىقسىز، تۇراقسىز فاكتورلار ءوزارا توعىستى. حالىقارالىق جاعداي نەعۇرلىم كۇردەلى، قاتاڭ بولعان سايىن، ناعىز كوپ جاقتىلىقتا سولعۇرلىم تاباندى بولۋ، پارمەندى بىرلەسكەن مەملەكەتتەر ۇيىمىنا سولعۇرلىم سۇيەنۋ قاجەت. ءتوراعا شي جينپيڭ العا قويعان ادامزاتتىڭ تاعدىرلاس ورتاق تۇلعاسىن قۇرۋ ۇستانىمى مەن ”ءبىر بەلدەۋ، ءبىر جولدى“ بىرگە قۇرۋ باستاماسى، دۇنيە جۇزىلىك دامۋ باستاماسى، دۇنيە جۇزىلىك حاۋىپسىزدىك باستاماسى، دۇنيە جۇزىلىك وركەنيەت باستاماسى بىرلەسكەن مەملەكەتتەر ۇيىمىنىڭ ارمانىمەن جانە نىساناسىمەن وسكەلەڭ ءبىر اۋىزدىلىقتى ساقتاپ، حالىقارالىق قوعامنىڭ جاپپاي قۇپتاۋىنا جانە بەلسەندى قولداۋىنا يە بولدى. جۇڭگو باستان ـ اياق دۇنيە ءجۇزى بەيبىتشىلىگىنىڭ قۇرۋشىسى، دۇنيە ءجۇزى دامۋىنىڭ ۇلەس قوسۋشىسى، حالىقارالىق ءتارتىپتىڭ قورعاۋشىسى بولىپ، بىرلەسكەن مەملەكەتتەر ۇيىمىنىڭ حالىقارالىق ىستەردە ۇيىتقىلىق رولىن ساۋلەلەندىرۋىن قولدايدى.
گۋتتەررەس مىنانى ءبىلدىردى: جۇڭگونىڭ بىرلەسكەن مەملەكەتتەر ۇيىمى ىستەرىن باتىل قولداعانىنا العىس ايتامىن، ءتوراعا شي جينپيڭ العا قويعان ماڭىزدى باستامالاردى ايرىقشا القايمىن، جۇڭگونىڭ دۇنيە ءجۇزىن دۇرىس بەتالىسقا باستاپ العا باسۋىن ءۇمىت ەتەمىن.
بلينكولينمەن كەزدەسكەندە حان جىڭ مىنانى ءبىلدىردى: اقاۋسىز، ورنىقتى جۇڭگو ـ امەريكا قارىم - قاتىناسى ەكى ەلگە دە، دۇنيە جۇزىنە دە ءتيىمدى. جۇڭگونىڭ دامۋى امەريكا ءۇشىن سىن ەمەس، قايتا وراي بولادى، حاۋىپ - قاتەر ەمەس، قايتا پايدانى ارتتىرادى، ەكى جاق ءوزارا تابىسقا جەتىپ، بىرگە گۇلدەنىپ - كوركەيە الادى. جۇڭگو امەريكاعا قاراتقان ساياساتىندا ۇلاسپالىلىق پەن ورنىقتىلىقتى ساقتاپ، جۇڭگو ـ امەريكا قارىم - قاتىناسىنا ءتوراعا شي جينپيڭ العا قويعان ءوزارا قۇرمەت ەتۋ، بەيبىت قاتار تۇرۋ، سەلبەسىپ تەڭ يگىلىككە كەنەلۋ سىندى 3 پرينسيپ بويىنشا مامىلە جاسايدى جانە ونى ءبىر جاقتى ەتەدى. امەريكا جاقتىڭ جۇڭگو جاقپەن ءبىر باعىتتا ىلگەرىلەپ، ەكى ەل مەملەكەت باسشىلارىنىڭ بالي ارالى كەزدەسۋىندەگى ماڭىزدى ورتاق تانىمدى تياناقتاندىرىپ، ءىس جۇزىندىك ارەكەت قولدانىپ، ءتيىمدى شارت ـ جاعداي جاراتىپ، ءوزارا ءتۇسىنىسۋ، ءوزارا سەنىم ارتۋ جانە ءوزارا ءتيىمدى سەلبەستىك ىستەرىن كوبىرەك ىستەپ، جۇڭگو ـ امەريكا قارىم ـ قاتىناسىنىڭ اقاۋسىز، ورنىقتى ارناعا قايتا ورالۋىن ىلگەرىلەتىپ، ەكى ەلگە پايدا جەتكىزىپ، دۇنيە جۇزىنە باقىت جاراتۋىن ءۇمىت ەتەمىن.
بلينكولين مىنانى ءبىلدىردى: امەريكا جاق جۇڭگونىڭ تابىسقا جەتىپ، دۇنيە ءجۇزى ەكونوميكاسىنىڭ ارتۋىن ۇزدىكسىز ىلگەرىلەتۋىن ءۇمىت ەتەدى، جۇڭگومەن قارىم ـ قاتىناستى كۇشەيتىپ، الاۋىزدىقتاردى تەجەپ، سەلبەستىكتى ىلگەرىلەتىپ، امەريكا ـ جۇڭگو قارىم - قاتىناسىن ورنىقتى دامىتۋدى ءۇمىت ەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
