ناقتى ىستەپ، الدىڭعى لەكتە ءجۇرىپ، اتويلاپ العا شىقتى
− ”سەگىز سەگىز ستراتەگياسى“ اتقارىلعانىنىڭ 20 جىلدىعىنا ارنالعان كولەمدى تاقىرىپتىق كورمە جۇرت نازارىن اۋداردى
«حالىق گازەتىنىڭ» تىلشىلەرى لي جۇڭۋىن، گۋ چۇن، ليۋ جۇنگو
2023.09.20 16:39 كەلۋ قاينارى : حالىق تورابى
ۇلى جوبا ەكپىندەي ىلگەرىلەۋگە جەتەكشىلىك ەتتى.
2003 - جىلى 7 - ايدا سول كەزدە جىجياڭ ولكەلىك پارتكومنىڭ شۋجيى بولىپ تۇرعان شي جينپيڭ جولداس ىشكەرىلەي تەكسەرۋ - زەرتتەۋ جۇرگىزۋ جانە جۇيەلى وي جۇگىرتۋ، جوبالاۋ ارقىلى جىجياڭ ولكەسىنىڭ وڭىرلىك دامۋىنىڭ جالپى بەتتىك جوباسى جانە جوعارى دەڭگەيلى جوباسى بولعان ”سەگىز سەگىز ستراتەگياسىن“ جاسادى.
20 جىلدان بەرى ”سەگىز سەگىز ستراتەگياسىنىڭ“ جەتەكشىلىگىندە، جىجياڭدا جان - جاقتى، جۇيەلى، تەرەڭ قاتپارلى تاماشا وزگەرىستەر جارىققا شىقتى. جىجياڭ ءبىر جوبانى سوڭىنا دەيىن جاساۋدا، ءبىر مىندەتتى بىرىنەن كەيىن ءبىرىن اتقارۋدا تاباندى بولىپ، ”سەگىز سەگىز ستراتەگياسىنىڭ“ تەرەڭدەۋىن، ناقتىلانۋىن ۇزدىكسىز ىلگەرىلەتىپ، ”ناقتى ىستەپ، الدىڭعى لەكتە ءجۇرىپ، اتويلاپ العا شىعۋعا“ قۇلشىنا كەپىلدىك ەتىپ، جوبانى بىرتىندەپ حالىقتى اۋقاتتاندىرىپ، ولكەنى قۇدىرەتتەندىرۋدىڭ، بىركەلكى دامۋدىڭ، جاسىل دامۋدىڭ، بىرگە جونگە سالىپ، بىرگە يگىلىكتەنۋدىڭ، شوگەلدىلىكپەن ەكپىندەي ىلگەرىلەۋدىڭ رەال كارتيناسىنا اينالدىردى.
جاندى تاريحي كورىنىستەر، مول زاتتىق بۇيىمدار كورمەسى…”داڭعىل جول ساپارى − ’سەگىز سەگىز ستراتەگياسىنىڭ‘ اتقارىلعانىنىڭ 20 جىلدىعى كولەمدى تاقىرىپتىق كورمەسى“ 9 – ايدىڭ 8 - كۇنى جىجياڭنىڭ حاڭجوۋ قالاسىندا اشىلعاننان بەرى كورەرمەندەردىڭ اياعى ۇزىلمەي، جۇرتتىڭ نازارىن اۋداردى. كوپشىلىك جابال بىلاي دەستى: كورمە ادامداردىڭ شي جينپيڭ جاڭا ءداۋىر جۇڭگوشا سوتسياليزم يدەياسىنىڭ نازاريالىق قاينارى مەن دامۋ جۇلگەسىن اناعۇرلىم جاقسى ۇيرەنۋىنە، تۇسىنۋىنە كومەكتەسەدى، قالىڭ كادرلار مەن بۇقارانى ”ەكىنى تۇراقتاندىرۋدىڭ“ شەشۋشى ءمانىن تەرەڭ تۇسىنۋگە، ”ەكىنى قورعاۋدى“ باتىل ورىنداۋعا اناعۇرلىم جەتەكتەيدى، ايبىندى جوبانى تاماشا رەالدىققا اينالدىرۋ سەنىمى مەن بەكىمىن اناعۇرلىم بەكەمدەيدى.
اسپانمەن تىلدەسكەن اعاشتىڭ تامىرى، جوڭكىلە اققان سۋدىڭ قاينار كوزى بولادى. ”’سەگىز سەگىز ستراتەگياسىنىڭ‘ ورتاعا قويىلۋى مادەنيەتتە ءىرى ولكە قۇرۋدى جەدەلدەتتى، بۇل كۇندە چياۋشيدەگى لاشىقتار رايونى كورىنىس رايونىنا وزگەرتىلىپ، ەسكىرگەن كونە زاۆود ۇيلەرى تاريحي مادەنيەت مۇراجايىنا اينالدى“. حاڭجوۋ قالاسى گۇڭيە رايونى گۇڭچىنچياۋ ءمالى باسقارماسى چياۋشي الەۋمەتتىك اۋماعى 1 ـ پارتيا ياچەيكاسىنىڭ شۋجيى چىڭ زانجىن بىلاي دەدى: كەلەسى قادامدا ”سەگىز سەگىز ستراتەگياسىن“ امالياتتا ايگىلەۋگە ۇزدىكسىز ۇلەس قوسىپ، كانال مادەنيەتىن تاراتۋعا ءبىر كىسىلىك ەڭبەك سىڭىرەمىز.
بيىل 8 ـ ايدا جىجياڭ 10 ميلليون تيجارات كۋالىگىن تاراتتى، 10 ميلليون تيجارات تۇلعاسىنىڭ %97 ى جەكە تيجارات تۇلعاسى، 107 كاسىپورىن 2022 ـ جىلى جۇڭگونىڭ حالىقتىق كاسىپورىندارىنداعى 500 مىقتى كاسىپورىن قاتارىنا كىردى. ”حالىقتىق شارۋاشىلىقتىڭ دامۋىن ىلگەرىلەتۋ ’سەگىز سەگىز ستراتەگياسىنىڭ‘ ماڭىزدى مازمۇنى“. جاس ۇگىتشى، ۋىنجوۋ قالاسى لۋچىڭ رايوندىق حالىق قۇرىلتايى ورگانى پارتكومى شۋجيىنىڭ ارناۋلى مىندەتتەگى ورىنباسارى چىن جى مىنانى ءبىلدىردى: ”كاسىپورىندارعا كومەكتەسىپ، قيىنشىلىعىن شەشۋدى“ ارقاۋ ەتىپ، حالىق قۇرىلتايىنىڭ زاڭ شىعارۋ، باقىلاۋ قىزمەتىن ويداعىداي ىستەپ، نازاردى ”حالىقتىق كاسىپورىنداردىڭ دامۋىنا“ شوعىرلاندىرىپ، قاتىستى قىزمەتتەردى ويداعىداي ىستەيمىز.
”سەگىز سەگىز ستراتەگياسىنىڭ“ جالپى تۇلعالىق ورنالاستىرۋىنا ساي، جىجياڭ ”قاپاستى بوساتىپ، قۇستاردى اۋىستىرۋدا“ تاباندى بولىپ، كاسىپ قۇرىلىمىن رەتتەۋدى جانە ەكونوميكانىڭ دامۋ تاسىلىنە بۇرىلىس جاساۋدى جەدەلدەتتى. چاڭشيڭ اۋدانى جۋشي ءمالى باسقارماسى پارتيا قىزمەت كوميتەتىنىڭ شۋجيى لي جىيۇن بىلاي دەدى: ”سەگىز سەگىز ستراتەگياسىنىڭ“ جەتەكشىلىگىندە، حۋاشي ءمالى باسقارماسى كاسىپ سالاسىنىڭ دارەجەسىن جوعارىلاتۋدى ۇزدىكسىز ىلگەرىلەتىپ، جاڭا ەنەرگيا مەن جاسىل جاساۋدى نەگىز ەتكەن ولكە دارەجەلى ەرەكشە شاعىن قالاشىق − چاڭشيڭ جاڭا ەنەرگيا شاعىن قالاشىعىن بىرتىندەپ جەتىلدىردى، ”ءبىز ەكولوگيانى الدىمەن ەسكەرۋ، جاسىل، تومەن كومىرتەكتى دامۋ جولىنان اۋىتقىماي، حالىقتى وزەك ەتەمىز، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتامىز“.
”1000 قىستاقتا ۇلگى كورسەتۋ، 10 مىڭ قىستاقتى رەتتەۋ - وڭاۋ“ ينجەنەرياسى − شي جينپيڭ جولداس جىجياڭدا قىزمەت ىستەگەن كەزدە ءوزى جوسپارلاپ، ءوزى ورنالاستىرىپ، ءوزى ىلگەرىلەتكەن كەلەلى شەشىم، وسى شەشىم 20 جىلدان بەرى سان مىڭداعان كورىكتى اۋىل - قىستاق قۇرىپ، سان مىڭداعان شارۋا بۇقاراسىنا باقىت جاراتىپ، اۋىل شارۋاشىلىعىن، اۋىل - قىستاقتى وسىزامانداندىرۋدىڭ تابىستى تاجىريبەلەرى مەن امالياتتىق ۇلگىسىن جاراتتى. چىنيۇن اۋدانى حۋجىن قالاشىعى ليانفىڭ قىستاعى پارتيا باس ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى لوۋ گانچياڭ بىلاي دەدى: ”1000 قىستاقتا ۇلگى كورسەتۋ، 10 مىڭ قىستاقتى رەتتەۋ - وڭاۋ“ ينجەنەرياسىنىڭ تىڭعىلىقتى ىلگەرىلەۋىنە ىلەسە، ليانفىڭ قىستاعى لاس، بىلىققان، ناشار بولۋدان جاسىل، كوركەم بولۋعا وزگەردى، كەلەسى قادامدا اۋىل شارۋاشىلىعىنىڭ ساپاسى جوعارى، جوعارى ءونىمدى، اۋىل - قىستاقتىڭ قونىستانۋعا جايلى، كاسىپكە قولايلى، شارۋالار باياشات تۇرمىس كەشىرەتىن دامۋ جولىمەن ۇزدىكسىز جۇرەمىز.
”سەگىز سەگىز ستراتەگياسىنىڭ“ جەتەكشىلىگىندە، جىجياڭنىڭ نەگىزگى ساتى قوعامدىق جونگە سالۋ قۇرىلىسى ۇزدىكسىز تەرەڭدەپ، 2022 – جىلى جىجياڭداعى بۇقارانىڭ حاۋىپسىزدىك سەزىمىنە ريزا بولۋ شاماسى %99.28 كە جەتىپ، ءۇرتىس كوپ جىل مەملەكەت بويىنشا الدىڭعى قاتاردا تۇردى. ”فىڭيۋان قىستاعى ’فىڭچياۋ تاجىريبەسى‘ باستالعان جەردىڭ ءبىرى، ’فىڭچياۋ تاجىريبەسىنىڭ‘ جاۋھارى − بۇقاراعا سۇيەنۋ“. جۋجي قالاسى فىڭچياۋ قالاشىعى فىڭيۋان قىستاعى پارتيا باس ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى لو گىنتۋ مىنانى ءبىلدىردى: ”فىڭچياۋ تاجىريبەسىنە“ ويداعىداي مۇراگەرلىك ەتىپ، نەگىزگى ساتىنى جونگە سالۋدىڭ جاڭا ۇلگىسى جونىندە ۇزدىكسىز ىزدەنىس جاساپ، ”فىڭچياۋ تاجىريبەسىنىڭ“ داۋىرمەن بىرگە العا باسۋىن ىلگەرىلەتىپ، وعان تىڭ ومىرشەڭدىك كۇش باعىشتايمىز.
داڭعىل جول بولعاندا الەمدە ادىلدىك بولادى، داڭعىل جول قاراپايىم، ناقتى ىستەۋ بارىنەن ماڭىزدى. كورمەنى تاماشالاۋعا كەلگەن قالىڭ كادرلار مەن بۇقارا ءبىر اۋىزدان مىنالاردى ءبىلدىردى: كورمەدەن قۇدىرەتتى اقيقات كۇشى مەن امالياتتىق ۇلى كۇشتى اڭعارىپ، جاڭالىق اشۋ ارقىلى قيىندىقتى جەڭىپ، رەفورما ارقىلى ماسەلەنى شەشىپ، ەسىك اشۋ ارقىلى جاعدايدى وزگەرتىپ، ”سەگىز سەگىز ستراتەگياسىنىڭ“ جاڭا امالياتىن جاپپاي تەرەڭدەتىپ، جىجياڭدى جاڭا داۋىردە جۇڭگوشا سوتسياليزم ءتۇزىمىنىڭ ابزالدىعىن جاپپاي ايگىلەيتىن ماڭىزدى تەرەزە ەتىپ قۇرىپ شىعۋعا قۇلشىنامىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
