يۇننان جۇڭگو - لاوس تەمىر جولىنىڭ التىن جەلىسىن بار كۇشپەن قالىپتاستىردى
«حالىق گازەتىنىڭ» تىلشىلەرى جۋ سىشيۇڭ، شۇي يۋانفىڭ، يە چۋانزىڭ
2023.09.21 16:28 كەلۋ قاينارى : حالىق تورابى
حالىقارالىق زات بىرلەسپە تاسىمالى كۇنىنە ورتا ەسەپپەن 2 كەزەكتەن كۇنىنە 14 كەزەككە كوبەيدى، تاسىمالداناتىن زات 10 نەشە تۇردەن 2 مىڭنان استام تۇرگە كوبەيدى، زات يمپورت - ەكسپورتىنىڭ جالپى كەدەننەن ءوتۋ ۋاقىتى العاشقى مەزگىلدەگىدەن تەڭ جارتىسىنان استام قىسقاردى... جۇڭگو - لاوس تەمىر جولى اشىلعان ءبىر جىلدان استام ۋاقىتتان بەرى التىن لەنيا بارعان سايىن كەمەلدەندى. 8 – ايدىڭ 31 – كۇنىنە دەيىن جۇڭگو - لاوس تەمىر جولىنىڭ تۇتاس لەنياسىندا ورىندالعان جۇك تاسىمال مولشەرى 25 ميلليون 220 مىڭ تونناعا جەتىپ، زات جەتكىزىلەتىن ورىن مەن زات قاينارى جەرى ەل ىشىندەگى 25 ولكەگە سايدى؛ جۇڭگو - لاوس تەمىر جول تاسىمال تورابى 13 مەملەكەت پەن رايونعا ىقپال جاسادى.
2021 - جىلى 12 - ايدىڭ 3 - كۇنى باس شۋجي شي جينپيڭ بەينە ەكران ارقىلى جۇڭگو - لاوس تەمىر جولىندا پويەز قاتىناۋ سالتىنا قاتىناسقاندا بىلاي دەپ اتاپ كورسەتتى: ەكى جاق تاعى دا قايراتتانىپ، تىڭعىلىقتى ىستەپ، تياناقتى ناتيجەگە قول جەتكىزىپ، تەمىر جولدى ويداعىداي قورعاپ، ويداعىداي جۇرگىزىپ، جەلى بويىن ويداعىداي اشىپ، ويداعىداي گۇلدەندىرىپ، التىن جەلى تۇلعالاپ، ەكى ەل حالىقتارىن باقىتقا كەنەلتۋى كەرەك.
يۇننان ولكەسى باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، 3 جىلدىق ارەكەت جوسپارىن جاساپ جانە اتقارىپ، نازاردى ارنا قابىلەتىن جوعارىلاتۋعا، زات اينالىمى تورابى قۇرىلىسىنا، جەلى بويىنداعى كاسىپ سالاسىن اشۋ جانە تيجارات ەتۋ تۇلعالارىن جەتىلدىرۋگە شوعىرلاندىرىپ، جۇڭگو - لاوس تەمىر جولىنىڭ التىن جەلىسىن كۇش سالا قالىپتاستىردى.
”ءبىر جەلىنى“ ”ءبىر توراپقا“ اينالدىرعان يۇننان ارنا قابىلەتىن كۇش سالا جوعارىلاتىپ، زات اينالىمى تورابىن قۇرىپ، جۇڭگو - لاوس تەمىر جولىنىڭ شارپۋ اسەرىن كۇشەيتتى.
7 - ايدىڭ 2 - كۇنى اۆتوكولىك زاپچاستارى سياقتى زاتتاردى تيەگەن پويەز تايلاندتىڭ رايوڭ قالاسىنان جولعا شىعىپ، جۇڭگو - لاوس تەمىر جولىنداعى موحان وتكەلى ارقىلى يۇننانعا كىرىپ، سولتۇستىكتە سىچۋاننىڭ چىڭدۋىنا بارعاننان كەيىن جۇڭگو - ەۆروپا كەزەكشى پويەزىنە تيەلدى، ەڭ سوڭىندا ۆەنگريانىڭ استاناسى بۋداپەشتكە جەتكىزىلەدى. بۇل ”لانساڭجياڭ - مەكونگ - رۇڭچىڭ - ەۆروپا جەدەل جەلىسى“ اشىلعاننان كەيىن تۇڭعىش رەت ”جۇڭگو - لاوس تەمىر جولى + جۇڭگو - ەۆروپا كەزەكشى پويەزى“ ۇلگىسىمەن شەكارادان وتكەن جۇك پويەزى، سونداي - اق يۇنناننىڭ ارنا قابىلەتىن جوعارىلاتىپ، زات اينالىمى تورابىن قۇرۋداعى ماڭىزدى ىزدەنىسى سانالادى.
يۇننان جۇڭگو - لاوس تەمىر جولى بويىنداعى ماڭىزدى زات اينالىمى تورابى مەن ءتۇيىندى توراپتى ورنالاستىرۋ قۇرىلىسىن ۇزدىكسىز كۇشەيتىپ، وڭىرلىك حالىقارالىق زات تاسىمال كەزەكشى پويەزىن جيناۋ ورتالىعىن كۇش سالا قالىپتاستىردى. كۇنميڭ قالاسى قازىر قۇرلىقتىق پورت ۇلگىسىندەگى، اۋە پورت ۇلگىسىندەگى جانە ساۋدالىق قىزمەت وتەۋ ۇلگىسىندەگى 3 وتكەل وزەكتى تورابىن قۇرۋدا، پۋىر قالاسى شەكارا ىشىندەگى اۋدان ءوڭىرى جوعارى قارقىندىق تاس جولىنىڭ تۇتاسۋىن، ۇلاسۋىن ىلگەرىلەتتى...
وڭىرلىك ابزالدىقتى تياناق ەتىپ، ناقتى جوبا جاساعان يۇننان جۇڭگو - لاوس تەمىر جولى بويىنداعى كاسىپ سالاسىن اشۋدى جانە تيجارات تۇلعاسىن جەتىلدىرۋدى ماڭىزدى ءتۇيىن ەتىپ، كاسىپ قۇرىلىمىن ۇزدىكسىز ساپالىلاندىردى.
اۋىل شارۋاشىلىعى، ورمان شارۋاشىلىعى ونىمدەرىن جىنتىكتەي مانەرلەۋ، ازىق - تۇلىك، جەڭىل ونەركاسىپ، ورتانى قورعاۋ قۇرىلىس ماتەريالدارى سياقتىلار ءتۇيىندى دامىتىلاتىن كاسىپكە اينالۋدا. كۇنميڭ قالاسى كۇش توپتاپ ”زات اينالىمى + ۇستىرتتەگى ەرەكشە اۋىل شارۋاشىلىق قوسىمشا ونىمدەرى + سيفرلى جاڭا بەلەس“ كاسىپ سالاسىن قۇردى، يۇيشي قالاسى جاسىل بولات - تەمىر، بيولوگيالىق ءدارى - دارمەك، جاسىل ازىق - تۇلىكتى دامىتۋ سياقتى قىزمەت ارناۋلى توپتارىن قۇردى، پۋىر قالاسى نيڭىر حاني ۇلتتىق اۆتونوميالى اۋدانى پويەز بەكەتى سۋىق تىزبەكتى زات اينالىمى باقشاسى سياقتىلارعا سۇيەنىپ، ەگىن، ورمان شارۋاشىلىعى ونىمدەرى كاسىبىن دامىتتى. شيشۋاڭباننا دايزۋ اۆتونوميالى وبلىسى مادەنيەت، ساياحات، كۇتىنۋ، تابيعي كاۋچۇك كاسىبى جانە وتكەل ەكونوميكاسى سياقتىلاردى ءتۇيىندى تۇردە جەتىلدىردى. بيىل الدىڭعى جارتى جىلدا يۇننان جۇڭگو - لاوس تەمىر جولىنىڭ بويىنداعى 4 وبلىس (قالا) جيىنى 350 نىسانعا قول قويىپ، 38 رەت ساۋدا جارمەڭكەسىن وتكىزىپ، قول قويعان سوماسى 100 ميلليارد يۋانعا تايادى.
يۇننان ولكەلىك دامۋ جانە رەفورما كوميتەتىنىڭ قاتىستى جاۋاپتىسى مىنانى ءبىلدىردى: جۇڭگو - لاوس تەمىر جولى جەلى بويىنداعى مول اۋىل شارۋاشىلىعى، ورمان شارۋاشىلىعى سياقتى بايلىق ابزالدىعىن ەكونوميكالىق ابزالدىققا اينالدىرىپ، جەلى بويىنداعى كاسىپ سالالارىنىڭ دامۋىنا ”قوزعالتقىش ورناتتى“.
2022 – جىلى 5 - ايدا يۇننان ولكەسى شيشۋاڭباننا وبلىسىنا قاراستى موحان قالاشىعىن كۇنميڭ قالاسىنىڭ باسقارۋعا الۋىنا وتكىزىپ بەردى. موحان قالاشىعى حالىقارالىق ساۋدا، مانەرلەۋ - جاساۋ، وسى زامانعى زات اينالىمىن ءتۇيىندى تۇردە دامىتىپ، حالىقارالىق فينانس، حالىقارالىق ساياحات جانە وقۋ - اعارتۋ، ەمدەۋ سياقتى كاسىپتەردى سايكەستى دامىتتى. وتكەن جىلى موحان قالاشىعىنىڭ سىرتقى ساۋدا يمپورت - ەكسپورت جالپى سوماسى سايكەس مەزگىلدەگىدەن ءبىر ەسەگە جۋىق ارتتى. بيىل الدىڭعى جارتى جىلدا موحان قالاشىعىنىڭ يمپورت - ەكسپورت زات ساۋداسىنىڭ جالپى سوماسى 23 ميلليارد 413 ميلليون يۋان بولىپ، %3.5 ارتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
