بەنزين مەن ديزەل مايىنىڭ باعاسى تومەندەتىلدى

2023.10.25 13:04 كەلۋ قاينارى : حالىق تورابى

　　شينحۋا اگەنتتىگىنىڭ 10 - ايدىڭ 24 - كۇنى بەيجيڭنەن بەرگەن حابارى (يان فۋجيڭ، جياڭ زىلين) مەملەكەتتىك دامۋ - رەفورما كوميتەتىنىڭ 10 - ايدىڭ 24 - كۇنى حابارلاۋىنشا، جۋىرداعى حالىقارالىق بازارداعى مۇناي باعاسىنداعى وزگەرىستەرگە نەگىزدەلىپ، قازىر اتقارىلىپ وتىرعان وڭدەلگەن مۇناي باعاسىن قالىپتاستىرۋ مەحانيزمى بويىنشا، 2023 - جىلى 10 - ايدىڭ 24 - كۇنى ساعات 24 تەن باستاپ، ەل ىشىندە بەنزين مەن ديزەل مايىنىڭ باعاسى ءار تونناسىنا ورتا ەسەپپەن 70 يۋان ارزانداتىلادى.

　　مەملەكەتتىك دامۋ - رەفورما كوميتەتىنىڭ قاتىستى جاۋاپتىسىنىڭ ايتۋىنشا، جۇڭگو مۇناي سەرىكتەستىگى، جۇڭگو مۇناي - حيميا سەرىكتەستىگى، جۇڭگو تەڭىز مۇنايى سەرىكتەستىگى سىندى ءۇش ءىرى سەرىكتەستىك پەن شيكىزاتتىق مۇنايدى مانەرلەۋمەن شۇعىلداناتىن باسقا سەرىكتەستىكتەر وڭدەلگەن مۇنايدى ءوندىرۋ جانە تاسىمالداۋدى ويداعىداي ۇيىمداستىرۋى، بازاردى ورنىقتى قامداۋعا كەپىلدىك ەتۋى، مەملەكەتتىڭ باعا جونىندەگى ساياساتىن قاتاڭ اتقارۋى كەرەك. جەر - جەردەگى قاتىستى تاراۋلار بازاردى باقىلاۋ - باسقارۋ تەبىنىن كۇشەيتىپ، مەملەكەتتىڭ باعاعا قاتىستى ساياساتتارىن اتقارماۋ ارەكەتىن قاتاڭ تەكسەرىپ ءبىر جاقتى ەتۋى، بازاردىڭ قالىپتى ءتارتىبىن قورعاۋى كەرەك. تۇتىنۋشىلاردىڭ 12315 تەكشەسى ارقىلى باعاعا قاتىستى زاڭعا قايشى ارەكەتتەردى اشكەرەلەۋىنە بولادى.

　　وڭدەلگەن مۇناي باعاسىنىڭ وسى اينالىمداعى رەتتەۋ پەريودىندا حالىقارالىق بازارداعى شيكىزاتتىق مۇناي باعاسى تولقۋلى كۇيدە تومەندەدى. مەملەكەتتىك دامۋ - رەفورما كوميتەتىنىڭ باعانى باقىلاۋ ورتالىعىنىڭ مەجەلەۋىنشە، كوپ ءتۇرلى فاكتوردىڭ ىقپالىندا، جۋىردا حالىقاراداعى مۇناي باعاسىنىڭ جوعارى دەڭگەيدە تولقۋلى كۇيدە بولۋىنىڭ ىقتيمالدىعى ءبىرشاما زور.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved