14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 6 - ءماجىلىسى بەيجيڭدە جابىلدى
2023.10.25 16:19 كەلۋ قاينارى : حالىق تورابى
جاڭادان وزگەرىس ەنگىزىلگەن تەڭىز - مۇحيت ورتاسىن قورعاۋ زاڭى، وتانشىلدىق تاربيە زاڭى سياقتىلاردى داۋىسقا سالىپ ماقۇلدادى
يىن حىجۇندى عىلىم – تەحنيكا مينيسترلىگىنىڭ مينيسترى، لان فۋ - اندى قازىنا مينيسترلىگىنىڭ مينيسترى ەتىپ تاعايىنداۋدى ۇيعاردى
شي جينپيڭ ءتوراعا بۇيرىعىنا قول قويدى
جاۋ لىجي ءماجىلىستى باسقاردى
«حالىق گازەتى»، 10 - ايدىڭ 24 - كۇنى، بەيجيڭ (ءتىلشى حۋاڭ چيڭچاڭ). 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 6 - ءماجىلىسى 10 - ايدىڭ 24 - كۇنى تۇستەن كەيىن بەيجيڭدەگى حالىق سارايىندا جابىلدى. جيىن داۋىسقا سالۋ ارقىلى جاڭادان وزگەرىس ەنگىزىلگەن تەڭىز - مۇحيت ورتاسىن قورعاۋ زاڭىن، وتانشىلدىق تاربيە زاڭىن ماقۇلدادى؛ لي شاڭفۋدى مەملەكەتتىك كەڭەستىڭ مۇشەسى، مەملەكەت قورعانىسى مينيسترلىگىنىڭ مينيسترى مىندەتىنەن قالدىرۋدى، چين گاڭدى مەملەكەتتىك كەڭەستىڭ مۇشەسى مىندەتىنەن قالدىرۋدى، ۋاڭ جىگاڭدى عىلىم - تەحنيكا مينيسترلىگىنىڭ مينيسترى مىندەتىنەن قالدىرۋدى، يىن حىجۇندى عىلىم - تەحنيكا مينيسترلىگىنىڭ مينيسترى ەتىپ تاعايىنداۋدى، ليۋ كۇندى قازىنا مينيسترلىگىنىڭ مينيسترى مىندەتىنەن قالدىرۋدى، لان فۋ - اندى قازىنا مينيسترلىگىنىڭ مينيسترى ەتىپ تاعايىنداۋدى ۇيعاردى. مەملەكەت ءتوراعاسى شي جينپيڭ جەكە - جەكە 12 -، 13 -، 14 - ءنومىرلى ءتوراعا بۇيرىقتارىنا قول قويدى. كوميتەت باستىعى جاۋ لىجي جابىلۋ جيىنىن باسقاردى.
تۇراقتى كوميتەت قۇرامىنداعىلاردان 162 ادام ماجىلىسكە قاتىناستى، ماجىلىسكە قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ مەملەكەتتىك كەڭەستىڭ مەملەكەت زايومىن كوبەيتىپ تاراتۋىن جانە 2023 - جىلعى ورتالىق مەجە ەسەبىن رەتتەۋ جوباسىن بەكىتۋ جونىندەگى قاۋلىسىن، 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ مەملەكەتتىك كەڭەسكە جاڭادان ارتقان ءبىر ءبولىم جەرگىلىكتى ۇكىمەتتەردىڭ قارىز شەگىن الدىن الا تۇسىرۋگە ۇقىق بەرۋ جونىندەگى قاۋلىسىن داۋىسقا سالىپ ماقۇلدادى.
ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ «جۇڭحۋا حالىق رەسپۋبليكاسى جانە كولۋمبيا رەسپۋبليكاسىنىڭ سوتتالعانداردى جوتكەپ باسقارۋ تۋراسىنداعى كەلىسىمناماسىن» بەكىتۋ تۋراسىنداعى قارارىن، «جۇڭحۋا حالىق رەسپۋبليكاسى مەن ماۋريتيۋس رەسپۋبليكاسىنىڭ وتكىزىپ بەرۋ كەلىسىمناماسىن» بەكىتۋ تۋراسىنداعى قارارىن، «بىرلەسكەن مەملەكەتتەر ۇيىمىنىڭ مەملەكەت اتتاعان ۇيىمدىق قىلمىسقا سوققى بەرۋ شارتىنىڭ مىلتىق جانە ونىڭ ۇساق بولشەكتەرى مەن وق - دارىلەرىن زاڭسىز جاساۋعا جانە تاسىپ ساتۋعا سوققى بەرۋ جونىندەگى تولىقتاما كەلىسىمىن» بەكىتۋ جونىندەگى قاۋلىسىن، «ازيا ءوزارا سەلبەستىك جانە سەنىمدىلىك شارالارى ءماجىلىسىنىڭ حاتشىلار باسقارماسى مەن ونىڭ قىزمەتكەرلەرىنىڭ، مۇشە ەلدەردىڭ ۋاكىلدەرىنىڭ ەرەكشە ۇقىعى مەن تەكتەلمەۋ شارتىن» بەكىتۋ جونىندەگى قاۋلىسىن، «حالىقارالىق اۋە بەلگىسى ۇيىمى شارتىنا» كىرۋ جونىندەگى قاۋلىسىن داۋىسقا سالىپ ماقۇلدادى.
ءماجىلىس مەملەكەتتىك حالىق قۇرىلتايىنىڭ باقىلاۋ - تەكسەرۋ جانە ءادىليا كوميتەتى، قازىنا - ەكونوميكا كوميتەتى، قورشاعان ورتا جانە بايلىقتى قورعاۋ كوميتەتى، قوعامدىق قۇرىلىس كوميتەتى جەكە - جەكە العا قويعان 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ ءتوراعالار القاسى قاراۋعا تاپسىرعان ۋاكىلدەر العا قويعان كەڭەس جوبالاردى قاراۋ ناتيجەسى جونىندەگى باياندامانى داۋىسقا سالىپ ماقۇلدادى.
ءماجىلىس داۋىسقا سالۋ ارقىلى لي شاڭفۋدى ورتالىق اسكەري ىستەر كوميتەتىنىڭ مۇشەلىگى مىندەتىنەن قالدىردى.
ءماجىلىس داۋىسقا سالۋ ارقىلى ليۋ شاۋيۇندى جۇڭگو حالىق ازاتتىق ارمياسى اسكەري سوت مەكەمەسىنىڭ باستىقتىعىنا تاعايىندادى.
ءماجىلىس تاعى باسقا دا مىندەتكە تاعايىنداۋ، مىندەتىنەن قالدىرۋ جوبالارىن داۋىسقا سالىپ ماقۇلدادى.
مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋەي، ۋ ۋەيحۋا، تيە نيڭ، پىڭ چيڭحۋا، جاڭ چيڭۋەي، لوساڭ جياڭسۇن، شوكىرات زاكىر، باس حاتشى ليۋ چي ماجىلىسكە قاتىناستى.
مەملەكەتتىك كەڭەس زۇڭليىنىڭ ورىنباسارى جاڭ گوچيڭ، ەڭ جوعارى حالىق سوتى مەكەمەسىنىڭ باستىعى جاڭ جۇن، مەملەكەتتىك باقىلاۋ - تەكسەرۋ كوميتەتىندەگى، ەڭ جوعارى حالىق پروكۋراتۋراسىنداعى جاۋاپتى جولداستار، مەملەكەتتىك حالىق قۇرىلتايى ارناۋلى كوميتەتتەرىنىڭ مۇشەلەرى، ولكەلىك، اۆتونوميالى رايوندىق، قالالىق حالىق قۇرىلتايى تۇراقتى كوميتەتتەرىندەگى جاۋاپتى جولداستار، تەتە ولكە دارەجەلى قالالاردىڭ ءبىر ءبولىم حالىق قۇرىلتايى تۇراقتى كوميتەتتەرىندەگى نەگىزگى جاۋاپتى جولداستار، مەملەكەتتىك حالىق قۇرىلتايىنىڭ ءبىر ءبولىم ۋاكىلدەرى، قاتىستى تاراۋلارداعى جاۋاپتى جولداستار قاتارلىلار ماجىلىسكە سىرتتاي قاتىناستى.
جابىلۋ ماجىلىسىنەن كەيىن 14 - كەزەكتى مەملەكەتتىك حالىق قۇرىلتايىنىڭ تۇراقتى كوميتەتى 7 - رەتكى ارناۋلى تاقىرىپتا لەكسيا جاسادى، كوميتەت باستىعى جاۋ لىجي باسقاردى. مەملەكەتتىك دامۋ جانە رەفورما كوميتەتىنىڭ پارتگرۋپپا مۇشەسى، مەڭگەرۋشىسىنىڭ ورىنباسارى لي چۇنلين «شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭاشا ەنەرگيا جۇيەسىن جەدەل جوبالاپ، قۇرايىق» دەگەن تاقىرىپتا لەكسيا جاسادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
