شي جينپيڭ كەنيانىڭ زۇڭتۇڭى رۋتومەن جۇڭگو مەن كەنيانىڭ ديپلوماتيالىق قارىم - قاتىناس ورناتقانىنىڭ 60 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى
2023.12.15 15:56 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 14 – كۇنى، بەيجيڭ. 12 - ايدىڭ 14 - كۇنى مەملەكەت ءتوراعاسى شي جينپيڭ كەنيانىڭ زۇڭتۇڭى رۋتومەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقانىنىڭ 60 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: ديپلوماتيالىق قارىم - قاتىناس ورناتقان 60 جىلدان بەرى جۇڭگو مەن كەنيا باستان - اياق تىزە قوسا سەلبەسىپ، قول ۇستاسا دامىپ، ساياسي جاقتا ءبىر - بىرىنە سەنەتىن جاقسى دوسقا، ەكونوميكالىق جاقتا سەلبەسىپ تەڭ يگىلىككە كەنەلەتىن جاقسى سەرىككە اينالدى. تاياۋ جىلداردان بەرى ەكى ەلدىڭ جوعارى جىكتەگىلەرىنىڭ بارىس - كەلىسى جيىلەپ، ساياسي ءوزارا سەنىمدىلىگى ۇزدىكسىز تەرەڭدەپ، ”ءبىر بەلدەۋ، ءبىر جولدى“ بىرگە قۇرۋ سەلبەستىگىنىڭ تابىسى مول بولىپ، جۇڭگو - افريكا سەلبەستىگىنىڭ الدىڭعى لەگىندە ءجۇرىپ، ەكى ەل حالىقتارىنا ىرىس – قۇت اكەلۋمەن بىرگە، جۇڭگو - افريكا سەلبەستىگىنە دە ۇلگى ورناتتى. بيىل 10 - ايدا رۋتو زۇڭتۇڭ جۇڭگوعا كەلىپ، 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنە قاتىناستى، ءبىز ەكى ەل قارىم - قاتىناسىنىڭ بولاشاق دامۋى جونىندە ماڭىزدى ورتاق تانىمعا كەلدىك. مەن جۇڭگو - كەنيا قارىم - قاتىناسىنىڭ دامۋىنا ايرىقشا ءمان بەرەمىن، رۋتو زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقانىنىڭ 60 جىلدىعىن جاڭا باستاما ەتىپ، ءوز ەلدەرىنىڭ دامۋىن، گۇلدەنۋىن جۇزەگە اسىرۋ ساپارىندا ەرەكشەلىگى ايقىن سەلبەستىك جولىمەن ءجۇرىپ، جۇڭگو مەن كەنيانىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ مازمۇنىن ۇزدىكسىز بايىتىپ، جاڭا داۋىردەگى اناعۇرلىم تىعىز جۇڭگو - كەنيا تاعدىرلاس ورتاق تۇلعاسىن قول ۇستاسا قۇرۋدى قالايمىن.
رۋتو مىنانى ءبىلدىردى: ديپلوماتيالىق قارىم - قاتىناس ورناتقان 60 جىلدان بەرى كەنيا مەن جۇڭگو حالىقارالىق جاعدايدىڭ اۋمالى - توكپەلى وزگەرىسىنە بىرگە توتەپ بەرىپ، ءوزارا قۇرمەت ەتۋدە، ءوزارا قولداۋدا، دوستىق سەلبەستىكتە، ىنتىماقتاسىپ، ءوزارا كومەكتەسۋدە تاباندى بولدى، سەرىكتەستىك قارىم - قاتىناس ۋاقىت وتكەن سايىن بەكەمدەلدى. ەكى جاقتىڭ ەكونوميكالىق سەلبەستىگى، مادەنيەت اۋىس - كۇيىسى مول تابىستارعا قول جەتكىزدى. كەنيا جاق جۇڭگو جاقپەن بىرگە 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرى مەن يوحاننەسبۋرگ جۇڭگو - افريكا باسشىلارىنىڭ كەڭەس ءماجىلىسىنىڭ تابىستارىن ويداعىداي تياناقتاندىرىپ، ەكى ەل قارىم - قاتىناسىنىڭ باياندى دامۋدىڭ، گۇلدەنۋدىڭ، دوستىقتىڭ، بىرگە العا باسۋدىڭ كوركەم بولاشاعىن قارسى الۋىنا مۇمكىندىك جاساۋدى قالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
