2023 - جىلعى مەملەكەتتىك ەمدەۋدى قامسىزداندىرۋ كولەمىندەگى ءدارى - دارمەكتەردىڭ تىزىمدىگى جاريالاندى
126 ءتۇرلى جاڭا ءدارى ەمدەۋدى قامسىزداندىرۋ كولەمىنە ەنگىزىلدى
2023.12.15 16:12 كەلۋ قاينارى : حالىق تورابى
جۇمىسشىلار گازەتىنىڭ ءتىلشىسى لي دانچيڭ حابارلايدى. 12 - ايدىڭ 13 - كۇنى، مەملەكەتتىك ەمدۋدى قامتاماسىزداندىرۋ مەكەمەسى 2023 - جىلعى مەملەكەتتىك ەمدەۋدى قامسىزداندىرۋ كولەمىندەگى ءدارى - دارمەكتەردىڭ تىزىمدىگىن جاريالادى. وسى رەتكى رەتتەۋدە 126 ءتۇرلى ءدارى ەمدەۋدى قامسىزداندىرۋ كولەمىنە جاڭادان ەنگىزىلدى، الدا بازاردان شەگىندىرىلەتىن ءبىر ءتۇرلى ءدارى تىزىمدىكتەن شىعارىلدى. كەلىسسوز وتكىزۋ نەمەسە باعاعا تالاسۋ ءساتتى بولعان ءدارى - دارمەكتەردىڭ باعاسى ورتا ەسەپپەن %61.7 ارزاندايدى. كەلىسسوز بارىسىندا باعاسىن ارزانداتۋ مەن ەمدەۋدى قامسىزداندىرۋ قاراجاتىنىڭ ەسەبىنەن كوتەرۋ سىندى فاكتورلاردىڭ قاباتتاسۋىنا بايلانىستى، الداعى ەكى جىلدا ناۋقاستاردىڭ قاراجات جاعىنداعى اۋىرتپالىعى 40 ميلليارد يۋان جەڭىلدەتىلەدى.
مەملەكەتتىك ەمدەۋدى قامسىزداندىرۋ مەكەمەسى ءدارى - دارمەكتەرگە قاتىستى قىزمەت وتەۋدى باسقارۋ مەڭگەرمەسىنىڭ باستىعى حۋاڭ شينيۇيدىڭ تانىستىرۋىنشا، كەلىسسوز جانە باعاعا تالاسۋ باسقىشىنا تىزىمدىكتەن تىسقارى 143 ءتۇرلى ءدارى قاتىناستىرىلعان، مۇنىڭ ىشىندە 121 ءدارى جونىندە كەلىسسوز وتكىزۋ مەن باعاعا تالاسۋ ءساتتى بولعان. وسى رەت رەتتەۋ جۇرگىزىلگەن سوڭ، تىزىمدىكتەگى ءدارى - دارمەكتەردىڭ جالپى سانى 3088 تۇرگە ارتادى، مۇنىڭ ىشىندە باتىسشا ءدارى - دارمەكتەر 1698 ءتۇرلى، جۇڭگوشا دايىن ءدارى - دارمەكتەر 1390 ءتۇرلى، سوزىلمالى اۋرۋ، سيرەك كەزدەسەتىن اۋرۋ، بالالار پايدالاناتىن ءدارى - دارمەك قاتارلى سالالاردا قامتاماسىزداندىرۋ ورەسى اناعۇرلىم جوعارىلاتىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
