ورتالىقتىڭ عالامتور حاۋىپسىزدىگى جانە ينفورماتسيالاندىرۋ كوميتەتى «”ساۋساق ۇشىنداعى فورماشىلدىقتان“ ساقتانۋ جانە ونى جونگە سالۋ جونىندەگى ءبىرقانشا پىكىردى» باسىپ تاراتتى
2023.12.19 13:47 كەلۋ قاينارى : حالىق تورابى
شينحۋا اگەنتتىگىنىڭ 12 - ايدىڭ 18 - كۇنى بەيجيڭنەن بەرگەن حابارى. جۋىردا، ورتالىقتىڭ عالامتور حاۋىپسىزدىگى جانە ينفورماتسيالاندىرۋ كوميتەتى «ساۋساق ۇشىنداعى فورماشىلدىقتان“ ساقتانۋ جانە ونى جونگە سالۋ جونىندەگى ءبىرقانشا پىكىردى» باسىپ تاراتىپ، باس شۋجي شي جينپيڭنىڭ فورماشىلدىقتى، تورەشىلدىكتى تيۋ جونىندەگى ماڭىزدى بايىمداۋلارىنىڭ رۋحىن جان - جاقتى دايەكتىلەندىرۋدى، ۇكىمەت قىزمەتىنە قاتىستى جىلجىمالى ينتەرنەتتەگى قولدانىلمالى پروگراممالاردى، ۇكىمەت ىسىنە قاتىستى ۋيشين تىركەلگىلەرىن جانە قىزمەت توپ - گرۋپپالارىن ولشەمدى، جۇيەلى باسقارۋدى كۇشەيتۋدى تالاپ ەتتى.
پىكىردە مىنالار اتاپ كورسەتىلگەن: ”ساۋساق ۇشىنداعى فورماشىلدىق“ — فورماشىلدىقتىڭ سيفرلانعان داۋىردەگى وزگەرگەن، جاڭارعان ءتۇرى، نەگىزگى ساتىداعىلاردىڭ اۋىرتپالىعىنىڭ ارتا تۇسكەنىنىڭ باستى بەينەسى. ”ساۋساق ۇشىنداعى فورماشىلدىقتان“ ساقتانۋ جانە ونى جونگە سالۋ پارتيا ستيلىن، اكىمشىلىك ستيلدى، قوعامدىق سالتتى العا باستىرۋدا، جاقسارتۋدا ماڭىزدى مانگە يە.
پىكىردە مىنالار اتاپ كورسەتىلگەن: جوبالاۋ مەن ءبىرتۇتاس جوسپارلاۋعا، شوعىرلى دا ءونىمدى ورنالاستىرۋعا، حالىققا قولايلى بولىپ، اۋىرتپالىقتى ازايتۋعا، حاۋىپسىزدىك پەن سەنىمدىلىك پرينسيپىنە تاباندى بولىپ، قۇرۋ، پايدالانۋ جانە حاۋىپسىزدىكتى باسقارۋدى كۇشەيتىپ، بارشا كادرلاردىڭ اناعۇرلىم كوپ ۋاقىتى مەن زەيىن - زەردەسىن قىزمەتتى تياناقتاندىرۋعا جۇمساۋىنا شارت - جاعداي ازىرلەپ، قۇدىرەتتى مەملەكەت قۇرۋعا، ۇلتتى كوركەيتۋگە ستيلدىك جاقتان بەرىك كەپىلدىك ازىرلەۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
