گانسۋ ولكەسى جيشىشان اۋدانىنداعى جەر سىلكىنىسىندە قازىرگە دەيىن گانسۋ ولكەسىندە 105 ادام قازا بولىپ، 397 ادام جارالانعان
2023.12.19 13:53 كەلۋ قاينارى : حالىق تورابى
2023 - جىلى 12 - ايدىڭ 18 - كۇنى ساعات 23 تەن 59 مينۋت وتكەندە، گانسۋ ولكەسى لينشيا وبلىسى جيشىشان اۋدانىندا 6.2 بال جەر سىلكىنگەن، سىلكىنىس قاينارى 10 مىڭ مەتر تەرەڭدىكتە. سىلكىنىس ورتالىعى بولعان جيشىشان اۋدانى ليۋگوۋ اۋىلى لينشيا وبلىسى جيشىشان اۋدانىنىڭ اۋدان ورتالىعىنان 8 كيلومەتر قاشىقتىقتا، لينشيا قالاسىنان 39 كيلومەتر قاشىقتىقتا، لانجوۋ قالاسىنان 102 كيلومەتر قاشىقتىقتا. لانجوۋ، چيڭياڭ، پيڭلياڭ، تيانشۇي، لۇڭنان، ديڭشي، ۋ - ۋەي، جينچاڭ قاتارلى جەرلەردە سىلكىنىس ءدۇمپۋى كورنەكتى بولعان. قازىرگە دەيىن، جەر سىلكىنىسىندە گانسۋ ولكەسىندە 105 ادام قازا بولعان، 4782 اۋىز ءۇي قۇلاعان.
مۇنان سىرت، جەر سىلكىنىسىندە قازىرگە دەيىن 397 ادام جارالانعان، مۇندا 16 ادام حاۋىپتى، اۋىر جارالانعان، 76 ادام سالماقتى جارالانعان، 98 ادام ورتاشا دارەجەدە جارالانعان، 207 ادام جەڭىل جارالانعان، ولار جەكە - جەكە لينشيا وبلىسىنداعى، جيشىشان اۋدانىنداعى جانە اۋىل - قالاشىقتارداعى ەمدەۋ قۇرىلىمدارىندا ەمدەۋگە الىنعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
