باس شۋجي شي جينپيڭنىڭ ماڭىزدى نۇسقاۋىنىڭ رۋحىن باتىل دايەكتىلەندىردى، تياناقتاندىردى —
ۋاقىتتى ۇتىپ، قۇتقارۋ قىزمەتىن ورىستەتىپ، جۇدىرىقتاي جۇمىلىپ، جەر سىلكىنىسىنە قارسى اتتانىپ، اپاتتان قۇتقاردى
2023.12.20 16:25 كەلۋ قاينارى : حالىق تورابى
12 – ايدىڭ 18 - كۇنى ساعات 23 تەن 59 مينۋت وتكەندە گانسۋ لينشيا وبلىسى جيشى اۋدانىندا 6.2 بال جەر سىلكىنىسى بولدى. جەر سىلكىنىسى تۋىلعاننان كەيىن باس شۋجي شي جينپيڭ ايرىقشا ءمان بەرىپ ءارى ماڭىزدى نۇسقاۋ بەرىپ، ”ىزدەۋ - قۇتقارۋدى بار كۇشپەن ورىستەتىپ، جارالانعانداردى دەر كەزىندە قۇتقارىپ - ەمدەپ، ءولىم - ءجىتىمدى مۇمكىندىكتىڭ بارىنشا ازايتۋ“، ”اپاتقا ۇشىراعان بۇقارانى ۇيلەسىمدى ورنالاستىرىپ، بۇقارانىڭ نەگىزگى تۇرمىسىن قامتاماسىز ەتۋ“، ”حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن مۇمكىندىكتىڭ بارىنشا قامتاماسىز ەتۋ“ كەرەكتىگىن دارىپتەدى.
باس شۋجي شي جينپيڭنىڭ ماڭىزدى نۇسقاۋىنىڭ رۋحىن باتىل دايەكتىلەندىرىپ، تياناقتاندىرعان مەملەكەتتىك كەڭەستىڭ قىزمەت گرۋپپاسى گانسۋ، چيڭحايداعى جەر سىلكىنىسى اپاتى تۋىلعان رايونعا شۇعىل بارىپ، جەر سىلكىنىسىنە قارسى اتتانىپ، اپاتتان قۇتقارۋ قىزمەتىنە جەتەكشىلىك ەتتى؛ گانسۋ، چيڭحايداعى اپاتقا ۇشىراعان رايوندار جانە قاتىستى تاراۋلار حالىقتى بارىنەن جوعارى قويۋدا، ءومىردى بارىنەن جوعارى قويۋدا تاباندى بولىپ، نەگىزى ساتى پارتيا ۇيىمدارىنىڭ جاۋىنگەر قورعاندىق رولىن جانە قالىڭ پارتيا مۇشەلەرىنىڭ وزىقتىق، ۇلگىلىك رولىن تولىق ساۋلەلەندىرىپ، جەر سىلكىنىسى اپاتىنا قارسى اتتانىپ، اپاتتان قۇتقارۋ ۇلى رۋحىن زور كۇش پەن ساۋلەلەندىرىپ، ۋاقىتتان ۇتىپ قاتەردەن قۇتقارۋ قىزمەتىن ۇيىمداستىرىپ، قامالىپ قالعانداردى، جارالىلاردى بار كۇشپەن قۇتقارىپ، اپاتقا ۇشىراعان بۇقارانى ۇيلەسىمدى جوتكەپ ورنالاستىرىپ، جەر سىلكىنۋ اپاتىنا قارسى تۇرىپ، اپاتتان قۇتقارۋ قىزمەتتەرىن شۇعىل، ءتارتىپتى ورىستەتىپ، حالىق بۇقاراسىنىڭ ءومىرى جانە مال - مۇلكىنىڭ حاۋىپسىزدىگىنە شىنايى كەپىلدىك ەتتى.
كوپتەگەن تاراۋ شۇعىل جاعدايعا توتەپ بەرۋ ۇندەۋىن ىسكە قوسىپ، ادامدى قۇتقارۋدى ماڭداي الدى ورىنعا قويۋدا تاباندى بولدى
ءومىر بارىنەن قىمبات، قۇتقارۋ - كومەكتەسۋدە ۋاقىتتى ۇتىپ، ادام قۇتقارۋدى ماڭداي الدى ورىنعا قويۋدا تاباندى بولدى. جەر سىلكىنىسى تۋىلعاننان كەيىن كوپتەگەن تاراۋ شۇعىل جاعدايعا توتەپ بەرۋ، ءۇن قوسۋ مەحانيزمىن جەدەل ىسكە قوسىپ، ءبىر تۇتاس سايكەستىرۋدى كۇشەيتىپ، اقىلداسىپ تۇجىرىم جاساۋدى كۇشەيتىپ، شۇعىل كۇش ۇيىمداستىرىپ، اپات تۋىلعان رايونعا بارىپ قاتەردەن اراشالاۋ، قۇتقارۋ قىزمەتىن ورىستەتتى.
مەملەكەتتىك كەڭەستىڭ جەر سىلكىنىسىنە قارسى اتتانىپ، اپاتتان قۇتقارۋ قولباسشىلىق شتابى، شۇعىل جاعدايعا توتەپ بەرۋدى باسقارۋ مينيسترلىگى مەملەكەتتىڭ جەر سىلكىنىسىنە شۇعىل توتەپ بەرۋ ۇندەۋىن 2 - دارەجەگە كوتەردى، مەملەكەتتىك اپاتتان ساقتانۋ، اپات زيانىن ازايتۋ، اپاتتان قۇتقارۋ كوميتەتى، شۇعىل جاعدايعا توتەپ بەرۋدى باسقارۋ مينيسترلىگى مەملەكەتتىڭ اپاتتان قۇتقارۋ، شۇعىل جاعدايعا توتەپ بەرۋ ۇندەۋىن 2 - دارەجەگە كوتەردى. مەملەكەتتىك اپاتتان ساقتانۋ، اپات زيانىن ازايتۋ، اپاتتان قۇتقارۋ كوميتەتى، شۇعىل جاعدايعا توتەپ بەرۋدى باسقارۋ مينيسترلىگى مەملەكەتتىك استىق جانە زات زاپاسى مەكەمەسىمەن بىرگە الدىڭعى مەزگىلدە گانسۋدەگى اپات تۋىلعان رايونعا ورتالىقتىڭ 90 مىڭ اپاتتان قۇتقارۋ زاتتارىن جوتكەۋ نەگىزىندە، گانسۋعا 3 - توپتاعى 22 مىڭ اپاتتان قۇتقارۋ زاتتارىن كوبەيتىپ جەتكىزدى. 12 - ايدىڭ 19 - كۇنى ساعات 17 گە دەيىن گانسۋ، چيڭحاي ولكەلەرىندەگى جەر سىلكىنىسى اپاتى تۋىلعان رايوندارعا ورتالىقتىڭ اپاتتان قۇتقارۋ زاتتارىنان جيىنى 133 مىڭ 500 داناسى جوتكەلدى. 12 - ايدىڭ 19 - كۇنى قازىنا مينيسترلىگى، شۇعىل جاعدايعا توتەپ بەرۋدى باسقارۋ مينيسترلىگى گانسۋ، چيڭحاي ولكەلەرىنە ورتالىقتىڭ جاراتىلىستىق اپاتتان قۇتقارۋ قارجىسىنان 200 ميلليون يۋان بوساتىپ، جەرگىلىكتى ورىنداردىڭ جەر سىلكىنىسىنە قارسى اتتانىپ، اپاتتان قۇتقارۋ قىزمەتىن ورىستەتۋىنە قولداۋ كورسەتتى.
قاتەردە قالعانداردى قۇتقارۋدا ۋاقىتپەن جارىستى. قاي جەردە اپات جاعدايى قاتەرلى بولسا، سول جەرگە قاراي ۇمتىلدى، قاي جەردە اپاتقا ۇشىراعان بۇقارا بولسا، سول جەرگە جينالدى. ءار جاقتىڭ كاسىپتىك كۇشتەرى ۇستىرتتەگى ءۇستىرت، سۋىق بولۋ سياقتى ءتيىمسىز شارت - جاعدايدى كۇش سالا جەڭىپ، دەرەكسىز كەتكەندەردى بار كۇشپەن ىزدەپ قۇتقاردى، ءارقانداي ءبىر بۇلىنگەن ءۇيدى قاعىس قالدىرماي تەكسەرىپ قۇتقارۋ ىستەرىن ورىستەتتى، قيراندىنىڭ استىنداعى ءاربىر تىرشىلىك يەسىن قاعىس قالدىرمادى.
شۇعىل جاعدايعا توتەپ بەرۋدى باسقارۋ مينيسترلىگى ورتالىق كاسىپورىندارىنىڭ شۇعىل جاعدايعا توتەپ بەرۋ، بىرلەسىپ قيمىلداۋ مەحانيزمىن، ارميا مەن جەرگىلىكتى ورىننىڭ قاتەردەن اراشالاۋ، اپاتتان قۇتقارۋدى سايكەستىرۋ، بىرلەسىپ قيمىلداۋ مەحانيزمىن جانە اۆياتسيالىق قۇتقارۋدى سايكەستىرۋ، بىرلەسىپ قيمىلداۋ مەحانيزمىن شۇعىل ىسكە قوسىپ، شۇعىل جاعدايعا توتەپ بەرۋ، قۇتقارۋ كۇشتەرىن اپات تۋىلعان رايونعا كومەككە جىبەرۋدى جەدەل ءبىر تۇتاس جوسپارلادى؛ گانسۋدىڭ قوعامدىق شۇعىل جاعدايعا توتەپ بەرۋ كۇشتەرىن ناق مايداندا سايكەستىرۋ مەحانيزمىن ىسكە قوسۋىنا جەتەكشىلىك ەتىپ، قوعامدىق شۇعىل جاعدايعا توتەپ بەرۋ كۇشتەرىنەن 294 ادامنىڭ اپات تۋىلعان رايونعا بارىپ قۇتقارۋ، اپاتتان قۇتقارۋ، قۇتقارۋ قىزمەتىن ورىستەتۋىنە جەتەكشىلىك ەتتى.
ازاتتىق ارميا جانە قارۋلى ساقشى ءبولىمى 12 - ايدىڭ 19 - كۇنى تاڭەرتەڭ قىرۋار قۇتقارۋ كۇشىن جەر سىلكىنىسى اپاتى تۋىلعان رايونعا قۇتقارۋ، كومەكتەسۋ ىستەرىن ورىستەتۋگە جىبەردى. باتىس بولىك سوعىس رايونى قۇرلىق ارمياسى 76 - قۇراما ارمياسىنىڭ بەلگىلى بريگاداسىنداعى 300 دەي كوماندير - جاۋىنگەر تۇندەلەتىپ ادام ىزدەۋ، قۇتقارۋ، جولدى تازالاۋ سياقتى قىزمەتتەردى جەدەل ورىستەتتى. باتىس بولىك سوعىس رايونى اۋە ارمياسى جەر سىلكىنىسىنە توتەپ بەرۋ، قاتەردەن اراشالاۋ، اپاتتان قۇتقارۋ، شۇعىل جاعدايعا توتەپ بەرۋ جوباسىن دەرەۋ ىسكە قوسىپ، شۇعىل قۇتقارۋ جۇرگىزدى. 12 – ايدىڭ 19 - كۇنى تاڭعى ساعات 3 مولشەرىندە قارۋلى ساقشى گانسۋ باس اترەتىندەگى 300 دەن استام كوماندير - جاۋىنگەر ەڭ تەز قارقىنمەن سىلكىنىس ورتالىعى وڭىرىنە جەتىپ، قاتەردەن اراشالاۋ، قۇتقارۋ قىزمەتىنە كىرىستى. قارۋلى ساقشى چيڭحاي باس اترەت 158 اسكەر كۇشىن اجىراتىپ، قۇتقارۋ ارەكەتىنە قاتىناستى.
12 – ايدىڭ 19 - كۇنى ساعات 21 دەن 30 مينۋت وتكەنگە دەيىن مەملەكەتتىڭ ءورت ءسوندىرۋ، ورتتەن ساقتانۋ امبەباپ قۇتقارۋ - كومەكتەسۋ قوسىنى جىبەرگەن 2042 ادام، 381 اۆتوموبيل سياقتىلار تۇگەلدەي اپات تۋىلعان رايونعا جەتتى، ءورت ءسوندىرۋ، ورتتەن ساقتانۋ قۇتقارۋ - كومەكتەسۋ كۇشتەرى 18 قالاشىق، 93 قىستاق، 64 الەۋمەتتىك اۋماق، 4647 وتباسىن جاپپاي تەكسەرىپ، ىزدەۋ جۇرگىزدى. مەملەكەتتىك دەنساۋلىق ساقتاۋ، سالاماتتىق كوميتەتى بەيجيڭ شيەحى شيپاحاناسىنىڭ، سىچۋان داشۋەسى حۋاشي شيپاحاناسىنىڭ ەمدەۋ ماماندارىن گانسۋعا جىبەرىپ، مەملەكەتتىڭ 3 شۇعىل مەديتسينالىق قۇتقارۋ - كومەكتەسۋ قوسىنىن دەرەۋ جيناپ، گانسۋ، چيڭحايعا كومەككە جىبەرىپ، ەڭ زور قۇلشىنىسپەن ادام قۇتقارۋعا كىرىستى.
جەر سىلكىنىسى تۋىلعاننان كەيىن قاتىستى تاراۋلار شۇعىل جاعدايعا توتەپ بەرۋ كۇشتەرىن ۇيىمداستىرىپ، بۇلىنگەن ەلەكتر، حابارلاسۋ، قاتىناس، جىلۋمەن قامداۋ سياقتى نەگىزدىك قۇرىلعىلاردى شۇعىل جوندەپ، جول قاتىناسىن باسقارۋ - مەڭگەرۋدى كۇشەيتىپ، قاتەردەن اراشالاۋ، قۇتقارۋ جانە اپاتتان قۇتقارۋ بۇيىمدارىنىڭ تەز قاتىناۋىنا الدىمەن كەپىلدىك ەتتى.
مەملەكەتتىك دامۋ جانە رەفورما كوميتەتى توسىن وقيعالارعا شۇعىل توتەپ بەرۋ مەحانيزمىن ىسكە قوسىپ، اپات تۋىلعان رايوننىڭ كومىر، ەلەكتر، مۇناي، تابيعي گاز تاسىمالىن قامتاماسىزداندىرۋ، شۇعىل جاعدايعا توتەپ بەرۋ، اپاتتان قۇتقارۋ بۇيىمدارىن ورنالاستىرۋ سياقتى قىزمەتتەردى بار كۇشپەن ويداعىداي ىستەدى. ونەركاسىپ جانە ينفورماتسيالاندىرۋ مينيسترلىگى 12 – ايدىڭ 19 – كۇنى: ينفورماتسيا - حابارلاسۋ كاسىپ جۇيەسىنىڭ شۇعىل جوندەۋى ارقىلى 12 – ايدىڭ 19 - كۇنى ساعات 14 كە دەيىن جەر سىلكىنىسى مەن ەلەكتر قۋاتىنىڭ ءۇزىلۋى سەبەبىنەن جۇمىستان قالعان 314 نەگىزگى پۋنكتتەن 279 پۋنكت قالپىنا كەلتىرىلدى، 2 ۇزىلگەن حابارلاسۋ وپتيكالىق كابەلى تۇگەلدەي قالپىنا كەلتىرىلدى، — دەگەن حابار جاريالادى. مەملەكەتتىك ەنەرگيا مەكەمەسى ناق مايداندا قىزمەت گرۋپپاسىن قۇرىپ، اپات تۋىلعان رايونعا بارىپ، قاتىستى ورىنداردىڭ ەلەكتر قۋاتىن شۇعىل جوندەۋگە قۋزاۋشىلىق جانە جەتەكشىلىك ەتتى. شۇعىل جوندەۋ ارقىلى 12 – ايدىڭ 19 - كۇنى ساعات 19 دان 20 مينۋت وتكەندە گانسۋدىڭ لينشيا وبلىسىنداعى جەر سىلكىنىسىندە توگى توقتاعان تۇتىنۋشىلاردىڭ ەلەكترمەن قامداۋى تۇگەلدەي قالپىنا كەلتىرىلدى. قاتىستى ورتالىق كاسىپورىندارى قىزمەتكەرلەردى ناق مايدانعا بارىپ، ەلەكتر، قاتىناس، توراپ سياقتى نەگىزدىك قۇرىلعىلاردى بەلسەنە جوندەۋگە ۇيىمداستىردى.
جاراتىلىستىق بايلىق مينيسترلىگى گەولوگيالىق اپاتتان ساقتانۋدىڭ 3 - دارەجەلى ۇندەۋىن ىسكە قوسىپ، ماماندار قىزمەت گرۋپپاسىن اپات تۋىلعان رايونعا جىبەرىپ، جەرگىلىكتى ورىنداردىڭ قۇتقارۋ - كومەكتەسۋگە تەحنيكالىق تىرەك بولۋ، قوسالقى اپاتتاردى تەكسەرۋ، شۇعىل جاعدايعا توتەپ بەرۋ، ءبىر جاقتى ەتۋ سياقتى قىزمەتتەردى ويداعىداي ىستەۋىنە كومەكتەستى جانە جەتەكشىلىك ەتتى. تۇرعىن ءۇي، قالا - اۋىل قۇرىلىسى مينيسترلىگى جەر سىلكىنىسىنە شۇعىل توتەپ بەرۋدىڭ 2 - دارەجەلى ۇندەۋىن ىسكە قوسىپ، جەر سىلكىنىسىنەن كەيىنگى ءۇي قۇرىلىستارى مەن قالا قۇرىلعىلارى حاۋىپسىزدىگىنە شۇعىل توتەپ بەرۋ، باعالاۋ، قاتەردەن اراشالاۋ، شۇعىل جوندەۋ سياقتى قىزمەتتەردى ورىستەتۋگە جەتەكشىلىك ەتتى. قوعام حاۋىپسىزدىگى مينيسترلىگىنىڭ قاتىناس باسقارۋ مەكەمەسى گانسۋدىڭ جەر سىلكىنىسىنە قارسى اتتانىپ، اپاتتان قۇتقارۋ قاتىناسىن قامتاماسىزداندىرۋ بىرلەسكەن قىزمەت مەحانيزمىن ىسكە قوسىپ، گانسۋدىڭ، اسىرەسە، جەر سىلكىنگەن ءوڭىردىڭ توڭىرەگىندەگى جول قاتىناس جاعدايىن 24 ساعات باقىلاپ، توسىن تۋىلعان قاتىناس قاتەرلى جاعدايلارىن دەر كەزىندە رەتكە كەلتىرىپ، ءبىر جاقتى ەتتى. قاتىناس - تاسىمال مينيسترلىگى 2 - دارەجەلى شۇعىل جاعدايعا توتەپ بەرۋ ۇندەۋىن ۇزدىكسىز ساقتادى، 12 – ايدىڭ 19 - كۇنى ساعات 19 عا دەيىن گانسۋ، چيڭحايداعى جەر سىلكىنگەن رايوندارداعى بارلىق جوعارى قارقىندى تاس جول، مەملەكەتتىك، ولكەلىك نەگىزگى لەنيا ىركىلىسسىز قاتىناپ، اۋىر اپات تۋىلعان رايوندارعا باراتىن اۋىل - قىستاق تاس جولدارى تۇگەلدەي اشىلدى.
سۋ يگىلىگى مينيسترلىگى سۋ، قۋاڭشىلىق اپاتىنان ساقتانۋدىڭ 4 - دارەجەلى شۇعىل جاعدايعا توتەپ بەرۋ ۇندەۋىن ىسكە قوسىپ، گانسۋ، چيڭحاي ەكى ولكەنىڭ سۋ يگىلىگى مەڭگەرمەسى مەن حۋاڭحى سۋ يگىلىگى كوميتەتىنەن سۋ قويماسى، توسپا، اۋىل - قىستاق سۋمەن قامداۋ قۇرىلعىلارى سياقتى سۋ يگىلىگى ينجەنەريالارىن، سونداي - اق تۋىلۋى مۇمكىن جەر كوشكىنى، لاي تاسقىنى سياقتى سىلكىنىس زيانىن تەكسەرۋ، حاۋىپ - قاتەردى ءبىر جاقتى ەتۋ، قاتەرلى رايوندارداعى ادامداردى جوتكەۋ سياقتى قىزمەتتەردى ويداعىداي ىستەۋدى شۇعىل تالاپ ەتتى. جۇڭگو اۋا رايى مەكەمەسى 12 – ايدىڭ 19 - كۇنى ساعات 6 دان 30 مينۋت وتكەندە جەر سىلكىنىسى اپاتى مەزگىلىندە اۋا رايىنا قىزمەت وتەۋدىڭ 2 - دارەجەلى شۇعىل جاعدايعا توتەپ بەرۋ كۇيىنە ءوتتى. مەملەكەتتىك اۋرۋدى تىزگىندەۋ مەكەمەسى شۇعىل جاعدايعا توتەپ بەرۋ ۇندەۋىن دەرەۋ ىسكە قوسىپ، اپات تۋىلعان رايونعا قىزمەت گرۋپپاسىن جىبەرىپ، جەرگىلىكتى ورىنداردىڭ جۇقپالى اۋرۋدان ساقتانۋ جانە ونى تىزگىندەۋ، اۋىز سۋ تازالىعى سياقتى قىزمەتتەردى ويداعىداي ىستەۋىنە جەتەكشىلىك ەتتى جانە قولداۋ كورسەتتى.
اپاتقا ۇشىراعان رايونداعى كادرلار مەن بۇقارا ءبىر نيەتپەن ىنتىماقتاسىپ، ءبىر جاعادان باس، ءبىر جەڭنەن قول شىعارىپ، قيىن وتكەلدەن بىرگە ءوتتى
جەر سىلكىنىسى تۋىلعاننان كەيىن گانسۋ ولكەسى مەن چيڭحاي ولكەسى شۇعىل اتتانىسقا كەلىپ، شۇعىل جاعدايعا توتەپ بەرۋ ۇندەۋىن باستادى، ولكەلىك پارتكوم مەن ولكەلىك ۇكىمەتتىڭ نەگىزگى جاۋاپتى جولداستارى قىزمەت گرۋپپاسىن باستاپ جەر سىلكىنىسى اپاتى تۋىلعان رايونعا بارىپ، قۇتقارۋ قىزمەتىن بەلسەنە ۇيىمداستىردى. اپاتقا ۇشىراعان رايونداعى پارتيالى كادرلار اتويلاپ الدا ءجۇرىپ، شۇعىل جاعدايعا توتەپ بەرۋ، قاتەردەن اراشالاۋ، قۇتقارۋ قىزمەتىن دەر كەزىندە جاقسى ىستەپ، حالىق بۇقاراسىنا سۇيەنىش بولىپ، اپاتقا ۇشىراعان بۇقارانى ۇيلەسىمدى ورنالاستىرىپ، بۇقارانى حاۋىپسىز ۋاقىتتىق تۇراق، تازا سۋ، ىستىق تاماق، ماقتا كيىممەن قامداپ، اۋرۋ بولسا دەر كەزىندە ەمدەلۋىنە كەپىلدىك ەتتى.
12 – ايدىڭ 19 - كۇنى جيشىشان اۋدانى داحىجيا قالاشىعى داحى قىستاعىنىڭ مادەنيەت الاڭىندا لاعمان قازانى قايناپ جاتتى. ”جەر سىلكىنىسى تۋىلعانىن بىلگەننەن كەيىن ءبىز تاڭەرتەڭ ەرتە گۋاڭحى اۋدانىنان اۆتوكولىكپەن كەلدىك“. ءبىر سيىر ەتى كەسپە اس - سۋ سەرىكتەستىگىنىڭ جاۋاپتىسى ما ۋايشىم بىلاي دەدى: مەن 25 قىزمەتكەردى ەرتىپ، 50 قالتا ۇن الا كەلدىم، تاڭەرتەڭنەن كەشكە دەيىن اپاتقا ۇشىراعان قىستاق تۇرعىندارى مەن قۇتقارۋ - كومەكتەسۋ قىزمەتكەرلەرىنىڭ ءبىر شىنى ىستىق كەسپە ىشۋىنە مۇمكىندىك جاسايمىن.
جيشىشان اۋدانى داحىجيا قالاشىعى داحى قىستاعىندا ەرىكتىلەر قۇتقارۋ شاعىن اترەتىن ۇيىمداستىرىپ، كاسىپتىك قۇتقارۋ قوسىنى كەلۋدەن بۇرىن بۇكىل قىستاقتى ەكى رەت ارالاپ شىقتى ءارى قيراندىنىڭ استىنان قامالىپ قالعان 23 تۇرعىندى قۇتقاردى؛ لينشيا وبلىستىق ءورت ءسوندىرۋ، ورتتەن ساقتانۋ قۇتقارۋ - كومەكتەسۋ بولىمشە اترەتى گۋاڭحى ۇلكەن اترەتى گۋاڭتۇڭ ءورت ءسوندىرۋ، ورتتەن ساقتانۋ پۋنكتىنىڭ باستىعى لۋ جينرۇي دەرەۋ اپات تۋىلعان رايونعا باردى، تاۋ كوشكىنى ءتۇسىپ، جول ءۇزىلىپ قالعاندىقتان، لۋ جينرۇي مەن ساپتاستارى زۋزانى كوتەرىپ، تىرشىلىك جولىن قۇلشىنا اشىپ، جارالانعان كوپتەگەن بۇقارانى قۇتقاردى؛ تاڭعى ساعات 5 تە گانسۋ كوك اسپان قۇتقارۋ اترەتىنىڭ العاشقى توپتاعى 32 مۇشەسى داحىجيا قالاشىعىنا جەتتى، 12 – ايدىڭ 19 - كۇنى قۇتقارۋ اترەتى 160 مۇشە شىعارىپ، قۇتقارۋ قىزمەتىن بار كۇشپەن ورىستەتتى.
12 – ايدىڭ 19 - كۇنى ساعات 15 كە دەيىن گانسۋ ولكەلىك ءورت ءسوندىرۋ، ورتتەن ساقتانۋ قۇتقارۋ - كومەكتەسۋ باس اترەتىنىڭ ناق مايدانداعى ءورت ءسوندىرۋ، ورتتەن ساقتانۋ قۇتقارۋ - كومەكتەسۋ كۇشتەرى قامالىپ قالعان 67 ادامدى قۇتقارىپ، 685 ادامدى جوتكەپ بىتىراتىپ، 153 شاتىر تىگىپ، 397 ورىندا حاۋىپ - قاتەردى الاستاپ، 14.5 توننا زات تاسىدى، سونداي - اق جەرگىلىكتى پارتيالى كادرلارمەن جانە بۇقارامەن بىرگە 2 قالاشىق، 17 قىستاقتى جاپپاي تەكسەردى. 12 – ايدىڭ 19 - كۇنى ساعات 11 دەن 30 مينۋت وتكەنگە دەيىن جيشىشان اۋداندىق قوسىننان شەگىنگەن اسكەريلەر ىستەرى مەكەمەسى قوسىننان شەگىنگەن 230 اسكەري ەرىكتىنى جەر سىلكىنىسى ورتالىعىندا قۇتقارۋعا كومەكتەسۋگە ۇيىمداستىردى.
ساناققا قاراعاندا، 12 – ايدىڭ 19 - كۇنى ساعات 14 تەن 30 مينۋت وتكەنگە دەيىن گانسۋ ولكەسىندەگى 14 كاسىپتىك قۇتقارۋ تۇرىندەگى قوعامدىق ۇيىمنان 244 ادام، 58 اۆتوموبيل كاسىپتىك جابدىقتاردى الىپ اپات تۋىلعان رايونعا بارىپ قۇتقارۋ جۇرگىزگەن؛ 5 قوعامدىق ۇيىم ءبىر ميلليون 200 مىڭ يۋاننان استام جىلۋ اتاعان، كيىم - كەشەك، ازىق - تۇلىك، ءدارى - دارمەك سياقتى قۇتقارۋ بۇيىمدارىن اقشاعا سىندىرعاندا 345 مىڭ يۋانعا تۋرا كەلگەن.
حايدۇڭ قالاسى مينحى حۇيزۋ - تۋزۋ اۆتونوميالى اۋدانى جينتيان قىستاعىندا ۋاقىتتىق ورنالاستىرۋ تۇيىندەرىندە كوك ءتۇستى شاتىر ورناتىلدى. اپات تۋىلعاننان كەيىن جينتيان قىستاعىنداعى جاستار مەن ورتا جاستاعىلار وزدىكتەرىنەن ۇيىمداسىپ، ءۇي سايىن ارالاپ ىزدەۋ، قۇتقارۋ، تەكسەرۋ جۇرگىزدى. وسى رەتكى جەر سىلكىنىسى چيڭحاي ولكەسىنىڭ حايدۇڭ قالاسىنداعى مينحى، حۋالۇڭ، شۇنحۋا سىندى 3 اۋدانداعى 46 اۋىل - قالاشىق 419 اكىمشىلىك قىستاققا ىقپال جاسادى. جەر سىلكىنگەننەن كەيىن حايدۇڭ قالاسىنداعى قوعام حاۋىپسىزدىگى، شۇعىل جاعدايعا توتەپ بەرۋ، ءورت ءوشىرۋ، جەر سىلكىنىسى، دەنساۋلىق ساقتاۋ، قاتىناس سياقتى تاراۋلاردىڭ كۇشتەرى جەدەل جينالىپ، جەر سىلكىنىسىنە قارسى اتتانىپ، اپاتتان قۇتقارۋ قىزمەتىن ورىستەتتى. شۇعىل جاعدايعا توتەپ بەرۋدى باسقارۋ تاراۋلارى اپات تۋىلعان رايونعا اپاتتان قۇتقارۋ بۇيىمدارىن دەر كەزىندە جوتكەپ، 6 مىڭ 498 ادامدى شوعىرلى ورنالاستىرىپ، 15 مىڭ 450 ادامدى بىتىراندى ورنالاستىردى.
ءار جاقتاعى قۇتقارۋ كۇشتەرى شۇعىل كومەك بەرىپ، اپاتتان قۇتقارۋدىڭ ءبىرىنشى شەبىنە جەدەل اتتاندى
ءبىر جاقتا قيىنشىلىق بولسا، جان - جاقتان كومەكتەستى. جەر سىلكىنىسى بۇكىل ەل حالقىنىڭ جۇرەگىن تەبىرەنتتى. قۇتقارۋ كۇشتەرى دەرەۋ جينالىپ، قوعامدىق بايلىق توپتالىپ، مەيىر باعىشتاۋ ورلەۋى كوتەرىلدى. ءار وڭىردەگى كوپ جاقتىڭ كۇشى ىرىقتىلىقپەن كومەك بەرىپ، اپاتتان قۇتقارۋدىڭ ءبىرىنشى شەبىنە جەدەل ات سالىسىپ، اپاتقا ۇشىراعان بۇقارانىڭ قيىن وتكەلدەن بىرگە وتۋىنە كومەكتەستى.
قۇتقارۋ قىزمەتكەرلەرى جەدەل جينالىپ، اپاتتان قۇتقارۋ بۇيىمدارى تۇندەلەتىپ كومەككە جىبەرىلدى. قىزىل كرەست باس قوعامى 2 - دارەجەلى شۇعىل جاعدايعا توتەپ بەرۋ جوباسىن شۇعىل ىسكە قوسىپ، اپات رايونىنا قىزمەت گرۋپپاسىن جىبەردى، قىزىل كرەست شۇعىل جاعدايعا توتەپ بەرۋ، قۇتقارۋ اترەتى باتىس سولتۇستىك سەلبەستىك رايونىنىڭ سەلبەستىك مەحانيزمىن ىسكە قوستى، قىزىل كرەست قۇتقارۋ، ەمدەۋ اترەتتەرىن اپات رايونىنىڭ الدىڭعى شەبىنە جىبەردى، العاشقى توپتا اپاتتان قۇتقارۋ قاراجاتىنان 5 ميلليون يۋان ءبولىنىپ، ماقتا شاتىر، بۇكتەمەلى توسەك، كورپە، ماقتا كيىم، وتباسى كومەك قالتاسى سياقتى زات بۇيىمداردى جوتكەدى.
ىشكى مۇڭعۇل اۆتونوميالى رايونى اپاتتان قۇتقارۋ زاتتىق بۇيىمدارىن شۇعىل جوتكەۋ ءتارتىبىن دەرەۋ ىسكە قوسىپ، اپاتتان قۇتقارۋ زاتتىق بۇيىمدارىنان 20 مىڭ داناسىن اپات رايونىنا شۇعىل جوتكەدى، جياڭسۋ ولكەلىك پارتكوم مەن ولكەلىك ۇكىمەت جياڭسۋ ولكەسىنىڭ چيڭحايعا كومەك بەرۋ الدىڭعى شەپ قولباسشىلىق شتابىنان جياڭسۋ ولكەسىندەگى كۇشتەردى اپاتتان قۇتقارۋعا بەلسەنە ۇيىمداستىرۋدى تالاپ ەتتى، ۋشي قالاسى الدىمەن 5 ميلليون يۋان قۇتقارۋ قاراجاتىن ورنالاستىردى، العاشقى توپتاعى قۇنى 6 ميلليون يۋان كەلەتىن ءدارى، شاتىر سياقتى زات بۇيىمداردى جىبەردى؛ اۋمىن قىزىل كرەست قوعامى جەر سىلكىنىسى اپاتى تۋىلعان رايونعا 200 مىڭ يۋان شۇعىل قارجى بوساتىپ، اپاتتان قۇتقارۋ بۇيىمدارىن شۇعىل ساتىپ الۋعا جۇمسادى...
كوپ جاقتىڭ كۇشى جىلى اعىس قالىپتاستىرىپ، تار جول، تايعاق كەشۋلەردەن بىرگە ءوتىپ، قيىنشىلىقتاردى بىرگە جەڭدى. كوممۋنيستىك جاستار وداعى ورتالىق كوميتەتى جاستار وداعى گانسۋ ولكەلىك كوميتەتىنە ءبىر ميلليون يۋان وداق قاراجاتىن، جاستار وداعى چيڭحاي ولكەلىك كوميتەتىنە 300 مىڭ يۋان وداق قاراجاتىن ءبولىپ بەرىپ، جۇڭگو جاس ەرىكتىلەر قوعامىنىڭ شۇعىل جاعدايعا توتەپ بەرۋ، ءۇن قوسۋ مەحانيزمىن ىسكە قوستى. جۇڭگو جاستار مەن ورەندەردى دامىتۋ قور قوعامى، جۇڭگو گۋاڭحۋا عىلىم - تەحنيكا قور قوعامى، جۇڭگو جاستاردىڭ شارۋاشىلىق قۇرۋ، جۇمىستانۋ قور قوعامى قاتارلىلار اپات تۋىلعان رايونعا ءبىر ميلليون 700 مىڭ يۋان الەۋمەتتىك يگىلىك قارجىسىن شۇعىل بوساتتى. جۇڭگواۋىل شارۋاشىلىق بانكەسى شۇعىل جاعدايعا توتەپ بەرۋ فينانستىق قىزمەت وتەۋىن جولعا قويىپ، شۇعىل جاعدايعا توتەپ بەرۋ قاراجاتىمەن ۋاعىندا قامداۋعا كەپىلدىك ەتتى، جۇڭگو پيڭ – ان بىرلەستىگى جۇڭحۋا قوعامدىق قۇتقارۋ قور قوعامى ”پيڭ – ان بىرلەستىگىنىڭ گانسۋ، چيڭحايداعى جەر سىلكىنىسى اپاتى تۋىلعان رايوندارعا مەيىر باعىشتاۋى“ ارەكەتىن ورىستەتىپ، اپات تۋىلعان رايونعا 10 ميلليون يۋان جىلۋ اتادى.
12 – ايدىڭ 19 - كۇنى ساعات 15 تەن 30 مينۋت وتكەنگە دەيىن شىعىس اۆياتسيا سەرىكتەستىگى 7 ”گانسۋعا كومەككە باراتىن كەزەكشى ۇشاقتى“ ۇشىرىپ، قۇتقارۋ قىزمەتكەرلەرىن، قۇتقارۋ زاتتارىن جەتكىزۋدى جوسپارلادى. 12 – ايدىڭ 19 - كۇنى چۇنچيۋ اۆياتسياسى سول كۇننەن باستاپ ۇشقان گانسۋدا پورتتان كىرىپ - شىعاتىن بارلىق اۋە لەنياسى ۇشاقتارىنىڭ كاسىپتىك قۇتقارۋ - كومەكتەسۋ قوسىنى مەن قۇتقارۋ - كومەكتەسۋ بۇيىمدارىن اقىسىز تاسيتىنىن جاريالادى. شۇنفىڭ توبىنىڭ، شۇنفىڭ الەۋمەتتىك يگىلىك قور قوعامىنىڭ تۇڭعىش توپتاعى زاتتارى اپات تۋىلعان رايونعا جەتكىزىلدى. جيڭدۇڭ جاقىن ماڭداعى كوپتەگەن قامبالاردان اۋىز سۋ، ازىق - تۇلىك، سۋىقتان قورعاناتىن كيىم - كەشەك سياقتى زاتتاردى شۇعىل جوتكەپ، ارناۋلى ادام ارناۋلى اۆتوموبيلمەن ءجۇرۋ تاسىلىمەن اپات تۋىلعان رايونعا جەتكىزدى.
(«حالىق گازەتىنىڭ» تىلشىلەرى چىن جۋان، چىڭ چىن، شۇي نو، ليۋ ۋىنشين، دۋ حايتاۋ، جين جىڭبو، لي جو - ىر، چي يۇيكۇن، باي جيانفىڭ، ليۋ جىچياڭ، حان شين، ديڭ ي - تيڭ، لي شينپيڭ، چاڭ چين، ۋاڭ حاۋ، لي حۇڭمەي، لين ليلي، چۇي شينميڭ، دۇڭ حۇڭلياڭ، ۋاڭ جينتاۋ، جاۋ شۋايجيە، حى يۇڭ، چياۋ دۇڭ، ۋاڭ مەي، جيا فىڭفىڭ، لي لۇڭ - ي، شىن شاۋتيە، جاڭ چىڭ، ۋاڭ ۋەيجيان، فۋ زىمەي، ياڭ حاۋ، جۋ جۇن، شيە ۋەيچۇن، شىن ۋىنميندەردىڭ جانە شينحۋا اگەنتتىگىنىڭ تىلشىلەرى ۋاڭ يۋەياڭ، جاڭ شينشين، رىن چينچين، گۋ تيانچىڭدەردىڭ حابارى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
