2 تاراۋ پىكىر باسىپ تاراتىپ، مۇگەدەكتەرگە زاڭدىق قىزمەت وتەۋدى كۇشەيتەدى
2024.01.10 14:54 كەلۋ قاينارى : حالىق تورابى
شينحۋا اگەنتتىگىنىڭ 1 – ايدىڭ 9 – كۇنى بەيجيڭنەن بەرگەن حابارى. ءادىليا مينيسترلىگى، جۇڭگو مۇگەدەكتەر بىرلەستىگى بىرنەشە كۇننىڭ الدىندا مۇگەدەكتەرگە زاڭدىق قىزمەت وتەۋ قىزمەتىن اناعۇرلىم كۇشەيتۋ جونىندەگى پىكىردى باسىپ تاراتىپ، 2025 – جىلعا بارعاندا مۇگەدەكتەرگە زاڭدىق قىزمەت وتەۋدىڭ قالا مەن اۋىلدى قامتىعان، قولايلى دا تەز، ساپالى دا جوعارى ءونىمدى تورابىن قالىپتاستىرىپ، مۇگەدەكتەرگە زاڭدىق قىزمەت وتەۋدىڭ دالدىگىن، ونىمدىلىگىن كورنەكتى ارتتىرىپ، قىزمەت وتەۋ ساپاسىن كورنەكتى جوعارىلاتىپ، مۇگەدەكتەردىڭ نەگىزگى الەۋمەتتىك زاڭدىق قىزمەت وتەۋدەن تەڭ يگىلىكتەنۋ ۇقىعىن اناعۇرلىم ويداعىداي جۇزەگە اسىرۋدى ايقىندايدى.
پىكىردە مۇگەدەكتەرگە زاڭدىق قىزمەت وتەۋ قۋاتىن اناعۇرلىم كۇشەيتۋ، مۇگەدەكتەرگە زاڭدىق قىزمەت وتەۋ مازمۇنى مەن ءتاسىلىن بايىتۋ، مۇگەدەكتەردىڭ زاڭدى ۇقىق – مۇددەسىن ءونىمدى قورعاۋ، مۇگەدەكتەر ىستەرىنىڭ جاپپاي دامۋىن جەبەۋ جونىندە ورنالاستىرۋ جاسالدى. بايلىقتى بىرىكتىرۋدى كۇشەيتىپ، مۇگەدەكتەرگە زاڭدىق قىزمەت وتەۋ كۇشىن ونان ارى كۇشەيتىپ، مۇگەدەكتەرگە زاڭدىق قىزمەت وتەۋدىڭ ادۆوكات، الەۋمەتتىك كۋالاندىرۋ، زاڭدىق كومەك بەرۋ، ءادىليالىق ساراپتاۋ، زاڭمەن باسقارۋ ۇگىتى سياقتى جاقتارداعى مازمۇنى مەن ءتاسىلىن بايىتىپ، مۇگەدەكتەردىڭ كۇن سايىن ارتىپ وتىرعان زاڭدىق قىزمەت وتەۋ قاجەتىن ۇزدىكسىز قاناعاتتاندىرىپ، مۇگەدەكتەردىڭ تاماشا تۇرمىستان بىرگە يگىلىكتەنۋىنە دەم بەرۋدى تالاپ ەتتى.
پىكىردە قازىر مۇگەدەكتەر ەڭ شۇعىل قاجەت ەتىپ وتىرعان زاڭدىق قىزمەت وتەۋگە نازار اۋدارىلدى، 11 ءتۇرلى ءتۇيىندى قىزمەت مىندەتىن العا قويدى، ول مىنالاردى قامتيدى: مۇگەدەكتەرگە الەۋمەتتىك زاڭدىق قىزمەت وتەۋ تورابىن كەمەلدەندىرۋ، مۇگەدەكتەرگە زاڭدىق كومەك بەرۋ شارتىن تومەندەتۋ، مۇگەدەكتەرگە زاڭدىق كومەك بەرۋ قىزمەت مەحانيزمىن ساپالىلاندىرۋ، مۇگەدەكتەرگە زاڭدىق كومەك بەرۋ ساپاسىن جوعارىلاتۋ، مۇگەدەكتەرگە كومەكتەسۋ الەۋمەتتىك يگىلىكتىك زاڭدىق قىزمەت وتەۋ قيمىلىن ورىستەتۋ، مۇگەدەكتەردىڭ ۇقىق - مۇددەسىن قامتاماسىزداندىرۋ كاسىپتىك كوميتەتىن قۇرۋ، مۇگەدەكتەرگە قاتىستى زاڭدىق قىزمەت وتەۋ اقىسىن ازايتۋ، كەشىرىم ەتۋ، كەدەرگىسىز ورتا قۇرىلىسىن كۇشەيتۋ، مۇگەدەكتەرگە زاڭدىق كومەك بەرۋ قىزمەتىنىڭ تولىقتاۋ رولىن ساۋلەلەندىرۋ، ”زاڭدى كىم اتقارسا، سول جالپىلاستىرۋ“ سىندى زاڭ جالپىلاستىرۋ جاۋاپكەرشىلىك ءتۇزىمىن تياناقتاندىرۋ، مۇگەدەكتەردىڭ زاڭمەن باسقارۋ ۇگىت قيمىلىن ورىستەتۋ سياقتىلار.
پىكىردە تاعى مىنالار العا قويىلدى: ءار دارەجەلى ءادىليا اكىمشىلىك ورگاندارى مەن مۇگەدەكتەر بىرلەستىگى سايكەسۋدى، سەلبەسۋدى كۇشەيتىپ، قارجىمەن قامتاماسىز ەتۋدى كۇشەيتىپ، مۇگەدەكتەرگە زاڭدىق قىزمەت وتەۋ قابىلەتى مەن ماماندانۋ دەڭگەيىن جوعارىلاتىپ، تاجىريبەلەردى دەر كەزىندە قورىتىندىلاپ، تيپتەردى ۇگىتتەپ، بۇكىل قوعام مۇگەدەكتەردى تۇسىنەتىن، ولارعا قۇرمەت ەتەتىن، كوڭىل بولەتىن، قامقورلىق جاسايتىن تاماشا راي قالىپتاستىرۋ كەرەك.
كەلۋ قاينارى: حالىقت تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
