سىچۋان جاڭا داۋىردەگى اناعۇرلىم جوعارى دەڭگەيدەگى ”ىرىستى القاپ استىق قامباسىن“ تۇلعالادى
«حالىق گازەتىنىڭ» تىلشىلەرى جاڭ فان، سۇڭ حاۋشين
2024.01.10 16:34 كەلۋ قاينارى : حالىق تورابى
باس شۋجي شي جينپيڭ 2022 - جىلى 6 - ايدا سىچۋاندا قىزمەت تەكسەرگەندە بىلاي دەپ دارىپتەدى: ”ەگىستىك جەردىڭ قىزىل سىزىعىن قاتاڭ ساقتاپ، استىق وندىرەتىن ىرىستى القاپتى ويداعىداي قورعاپ، استىق ءوندىرىسىن دەن قويا، مىقتاپ يگەرۋ كەرەك“. باس شۋجي شي جينپيڭ 2023 - جىلى 7 - ايدا سىچۋاندا قىزمەت تەكسەرگەندە بىلاي دەپ دارىپتەدى: ”تۇقىم جانە ەگىستىك جەر سىندى ەكى ماڭىزدى ءتۇيىندى مىقتاپ يگەرىپ، ساپالى تۇقىم مەن قۇنارلى اتىزدى سايكەستىرۋدى كۇشەيتىپ، جاڭا داۋىردەگى اناعۇرلىم جوعارى دەڭگەيدەگى ’ىرىستى القاپ استىق قامباسىن‘ تۇلعالاۋ كەرەك“.
استىق حاۋىپسىزدىگى − مەملەكەتتىڭ زور ءىسى. باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاعان سىچۋانداعى قالىڭ كادرلار مەن بۇقارا جاڭا داۋىردەگى اناعۇرلىم جوعارى دەڭگەيدەگى ”ىرىستى القاپ استىق قامباسىن“ قۇلشىنا تۇلعالادى.
زەردەلى مەحانيكالىق بىلەك ساقتاۋ ساندىعىنىڭ جولاقتى ءنومىرىن اۆتوماتتى پارىقتاپ، سۇرىپتاۋ جانە قۇرعاتۋ ارقىلى ءبىر جاقتى ەتىلگەن جابايى كۇرىش پەن ساپالى كۇرىش تۇقىمىن نولدەن نولدەن تومەن 4 سەلتسي گرادۋستىق ورتا مەرزىمدىك قامباعا نەمەسە نولدەن تومەن 20 سەلتسي گرادۋستىق ۇزاق ۋاقىتتىق قامباعا جەتكىزىپ ساقتايدى... بۇل ارا − تاياۋدا ىسكە قوسىلعالى تۇرعان سىچۋان ولكەسىنىڭ ساپالى تۇقىم بايلىعى ورتالىق قامباسى، ەگىن، ورمان، مال شارۋاشىلىعى، بالىق شارۋاشىلىعى سياقتىلاردان ءبىر ميلليون 800 مىڭنان استام ساپالى تۇقىم بايلىعىن ساقتاي الادى، ەڭ ۇزاق ساقتاۋ ۋاقىتى 50 جىلعا جەتەدى.
سىچۋان ساپالى تۇقىم بايلىعىن قورعاۋ، پايدالانۋ، تۇقىم شارۋاشىلىعىندا جاڭالىق اشۋدان قامال الۋ، تۇقىم شارۋاشىلىعى كاسىپورىندارىن سۇيەمەلدەۋ، تۇقىم شارۋاشىلىعى بازاسىن جوعارىلاتۋ، تۇقىم شارۋاشىلىعى بازارىن تازارتۋ سياقتى 5 ۇلكەن ارەكەتتى اتقارىپ، تۇقىم شارۋاشىلىعىندا ءىرى ولكەدەن تۇقىم شارۋاشىلىعىندا قۋاتتى ولكە بولۋعا قاراي قادام تاستاۋدى ىلگەرىلەتتى. «سىچۋان ولكەسىنىڭ تۇقىم جاساۋ بازاسىنىڭ 3 جىلدىق قامال الۋ ارەكەت جوباسىندا» مىنالار العا قويىلدى: 2025 - جىلعا بارعاندا، سىچۋان ولكەسىنىڭ تۇقىم ءوندىرۋ بازاسىنىڭ اۋدانى 700 مىڭ مۋدان اسىپ، تۇقىم جاساۋ كولەمى 300 مىڭ مۋدان اسادى.
2023 - جىلى تۇڭعىش رەت كادمي قۇرامى تومەن 2 كۇرىش سورتى، 2 سويا بۇرشاق سورتى، ءبىر ماشينامەن ورىلاتىن ارناۋلى جۇگەرى سورتى سياقتى كوپتەگەن جاڭا سورت تەكسەرىپ بەكىتىلدى؛ حوش ءيىستى ەرەكشە سورتتى كۇرىشتىڭ ”يشياڭ ساپالى 2115“ سورتى ءۇرتىس 4 جىل چاڭجياڭ وزەنىنىڭ جوعارعى اعارىنداعى رايونداردا جالپىلاستىرىلۋ كولەمى الدىڭعى قاتارعا ءوتتى، ”چۋاندان 99 “ سياقتى جۇگەرى جاڭا سورتتارى باتىس وڭتۇستىك رايونداعى جەتەكشى سورتقا اينالدى... سىچۋان تۇقىم كاسىبىندە جاڭالىق جاراتۋدا ۇزدىكسىز تىڭ ىلگەرىلەۋشىلىكتەرگە، تىڭ تابىستارعا قول جەتكىزدى.
ميشان قالالىق اتىز باستىعى ءتۇزىمى كەڭسەسىنىڭ ورنالاستىرۋ ورتالىعىنا باردىق، قىزمەتكەرلەر كارتاداعى كەز كەلگەن ءبىر تور كوزىن باسىپ، ۇلكەن ەكراننان سايكەستى تور كوزىندەگى جاساندى سەرىكتىڭ الىستان اڭعارۋ كەسكىنىن، سونداي - اق قاتىستى ەگىستىك جەردىڭ سانى، ساپاسى، اتىز باستىعى سياقتى ديناميكالىق ينفورماتسيالاردى كورسەتەدى. ”جاساندى سەرىك ارقىلى الىستان اڭعارۋ تەحنيكاسىنا سۇيەنىپ، قاراستى اۋماقتاعى ەگىستىك جەردى باقىلاۋ - ولشەۋدىڭ جاپپاي قامتۋىن جۇزەگە اسىردىق“ دەدى ميشان قالالىق اتىز باستىعى ءتۇزىمى كەڭسەسى مەڭگەرۋشىسىنىڭ ورىنباسارى، قالالىق جوبا جانە جاراتىلىستىق بايلىق مەكەمەسىنىڭ باستىعى دىڭ جيانجۇن.
سىچۋان وسى زامانعى ينفورماتسيا تەحنيكاسىنان پايدالانىپ، اتىز باستىعى ءتۇزىمىن سيفرلاندىرۋ، توركوزدەندىرىپ باسقارۋ تۇعىرىن قۇرىپ، ءبىر تۇتاس ارناعا تۇسكەن ەلەكتروندىق قورعاۋ جۇيەسىن ورناتىپ، كۇندەلىكتى يكەمدى ارالاپ تەكسەرۋگە قوسىمشا ەتىپ، ەگىستىك جەردىڭ اۋىل شارۋاشىلىعىنان تىس پايدالانىلۋى، استىقتان تىس پايدالانىلۋى سياقتى ارەكەتتەردى ەرتە بايقاپ، ەرتە تەجەپ، ەگىستىك جەردى قورعاۋدىڭ قىزىل سىزىعىن قاتاڭ ساقتادى.
جەردى تەگىستەۋ، ارىق قازۋ، توعان قازۋ جۇمىستارى ىستەلۋدە. گۋاڭ - ان قالاسى گۋاڭ - ان رايونى لۇڭتاي قالاشىعى گاۋدىڭ قىستاعىنىڭ، ۋاڭشىڭ قىستاعىنىڭ ەگىس اتىزدارىندا جوعارى ولشەمدى ەگىس اتىزى قۇرىلىسىنىڭ سايكەستى نىساندارى سالىنۋ ۇستىندە، ” اتىز رەتتى، جول تورلانعان، ارىق - توعاندار تۇتاسقان“ جاعداي قالىپتاسقان. 2023 - جىلى سىچۋان ىرىستى القاپتاعى قۇنارلى اتىز قۇرىلىسىندا قامال الىپ، ساپاسىن جوعارىلاتۋ ارەكەتىن اتقارىپ، 63 ميلليون 80 مىڭ مۋ ماڭگىلىك نەگىزگى ەگىنجايدى تۇگەلدەي جوعارى ولشەمدى ەگىنجاي ەتىپ قۇرىپ شىقتى.
زىياڭ قالاسى انيۋە اۋدانى چيانفۋ اۋىلى مياۋپو قىستاعى پارتيا ياچەيكاسىنىڭ شۋجيى جوۋ ۋەييۋان بىلاي دەپ تانىستىردى: ”ءبىرىڭعاي ەككەن جۇگەرى نەمەسە سويا بۇرشاقتىڭ مۋ باسىندىق ءتۇسىمى 800 جىڭ، سويا بۇرشاقتىڭ مۋ باسىندىق ءتۇسىمى 300 جىڭ بولدى. 2023 - جىلى ءبىز 210 مۋ جەرگە بەلدەۋلەتىپ ارالاس ەگۋدى جالپىلاستىردىق، مۋ باسىندىق ورتاشا ءونىم مولشەرى 700 جىڭ، سويا بۇرشاقتىكى شامامەن 200 جىڭ بولدى“.
”2023 ـ جىلى سىچۋان 4 ميلليون 950 مىڭ مۋ جەردە سويا بۇرشاق، جۇگەرىنى بەلدەۋلەتىپ ارالاس ەگۋ مىندەتىن تياناقتاندىرىپ، سايكەس مەزگىلدەگىدەن ءبىر ميلليون 850 مىڭ مۋ ارتىپ، بۇكىل ەل بويىنشا جاڭادان ارتقان جەر كولەمىنىڭ %30 تەن استامىن ۇستادى“ دەدى سىچۋان ولكەلىك اۋىل شارۋاشىلىعى، اۋىل ـ قىستاق مەڭگەرمەسىنىڭ باستىعى شۇي جىۋىن.
مەملەكەتتىك ساناق مەكەمەسى جاريالاعان ساندى مالىمەتتە كورسەتىلۋىنشە، 2023 – جىلى سىچۋان ولكەسىنىڭ استىق ەگىلگەن جالپى جەر اۋدانى 96 ميلليون 60 مىڭ مۋ بولىپ، جالپى ءونىم مولشەرى 71 ميلليارد 880 ميلليون جىڭعا جەتىپ، تۇتاس جىلداعى استىق ءونىمى 26 جىلدان بەرگى ەڭ جوعارى دەڭگەيگە جەتكەن. بۇكىل ولكەدەگى استىقتىڭ مۋ باسىندىق ءونىمى 374.1 كيلوگرامعا جەتىپ، 2022 ـ جىلداعىدان %3.3 ارتقان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
