ەكى تاراۋ قىزمەت گرۋپپاسىن جىبەرىپ، بۇقارانىڭ قىستان جىلى ءوتۋ جاعدايىن ۇعىستى
2024.01.11 13:24 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى يە حاۋميڭ 1 - ايدىڭ 10 - كۇنى بەيجيڭنەن حابارلايدى. ءتىلشىنىڭ 1 - ايدىڭ 10 - كۇنى شۇعىل جاعدايلارعا توتەپ بەرۋ ىستەرىن باسقارۋ مينيسترلىگىنەن ۇعىسۋىنشا، مەملەكەتتىك اپاتتان ساقتانۋ، اپاتتىڭ زيانىن ازايتۋ، اپاتتان قۇتقارۋ كوميتەتى كەڭسەسى مەن شۇعىل جاعدايلارعا توتەپ بەرۋ ىستەرىن باسقارۋ مينيسترلىگى جۋىردا ءبىرقانشا قىزمەت گرۋپپاسىن جىبەرىپ، تەكسەرۋ - زەرتتەۋ جۇرگىزىپ، اپاتقا ۇشىراعان بۇقارانىڭ قىستان جىلى ءوتۋ جاعدايىن ۇعىسقان.
ۇعىسۋعا قاراعاندا، شۇعىل جاعدايلارعا توتەپ بەرۋ ىستەرىن باسقارۋ مينيسترلىگىنىڭ قاتىستى جاۋاپتىسىنىڭ تانىستىرۋىنشا، وسى رەتكى قىزمەت گرۋپپاسى حىبەي، حەيلۇڭجياڭ، جيلين، سانشي قاتارلى ءتۇيىندى ولكەلەردەن 17 ولكەگە، اسىرەسە، جۋىردا جەر سىلكىنىسى تۋىلعان جانە تومەن تەمپەراتۋرالى اۋا رايى، جاۋىن - شاشىن، قار، توڭ ءجۇرۋ قاتارلى اپاتتار تۋىلعان جەرلەرگە ىشكەرىلەي بارىپ، اپاتقا ۇشىراعان وڭىرلەردەگى قۇلاعان، بۇلىنگەن ۇيلەردى قالپىنا كەلتىرىپ، قايتادان جاساۋ، اپاتقا ۇشىراعان وتپەلى كەزەڭدەگى بۇقارانى ورنالاستىرۋ جانە ولاردىڭ قىستان جىلى ءوتۋىن قامتاماسىزداندىرۋ قىزمەتى جونىندە سول جەردىڭ وزىنە بارىپ تەكسەرىپ - زەرتتەۋ جۇرگىزدى.
بۇل جاۋاپتى ادامنىڭ ايتۋىنشا، وسى رەتكى تەكسەرۋ - زەرتتەۋ قىزمەتىنىڭ ماقساتى — اپاتقا ۇشىراعان بۇقارانىڭ قىس پەن كوكتەمنەن جايلى وتۋىنە كومەك بەرۋ قاتارلى قىزمەتتەرگە جەتەكشىلىك ەتۋ جانە كومەكتەسۋ، اپاتقا ۇشىراعان جەرلەردەگى شۇعىل جاعدايلارعا توتەپ بەرۋ ىستەرىن باسقارۋ تاراۋلارىن ءتۇرلى قىزمەت شارالارىن ناقتى تياناقتاندىرۋعا، قىس پەن كوكتەمنەن جايلى وتۋگە كومەكتەسۋ ءۇشىن بەرىلگەن قاراجات پەن زاتتاردى جوعارى ونىمدىلىكپەن، جۇيەلى، ءتارتىپتى تاراتۋعا قۋزاۋ ءارى وعان جەتەكشىلىك ەتۋ، قاتىستى تاراۋلارمەن بىرگە، كومەكتەسۋ - قۇتقارۋعا، سۇيەمەلدەۋگە ارنالعان ساياساتتاردى سايكەستىرە ۇشتاستىرىپ، اپاتقا ۇشىراعان بۇقاراعا دەر كەزىندە باعىتتامالى تۇردە كومەك بەرۋ.
بيىل شىعىس - سولتۇستىك، سولتۇستىك جۇڭگو قاتارلى وڭىرلەر اۋىر اپاتقا ۇشىراپ، قىس پەن كوكتەمدە كومەكتەسۋ مىندەتى ءبىرشاما اۋىر بولعان جاعدايعا باعىتتاي وتىرىپ، شۇعىل جاعدايلارعا توتەپ بەرۋ ىستەرىن باسقارۋ مينيسترلىگى قازىنا مينيسترلىگىمەن بىرگە اپاتقا ۇشىراعان بۇقارانىڭ قىس پەن كوكتەمنەن جايلى وتۋىنە كومەكتەسۋ قىزمەتى جونىندە ەرتە باستان ورنالاستىرۋ جاساعان ءارى قىزمەتتى ورىستەتكەن. وسىنىڭ الدىندا، شۇعىل جاعدايلارعا توتەپ بەرۋ ىستەرىن باسقارۋ مينيسترلىگى قازىنا مينيسترلىگىمەن بىرگە 26 ولكە مەن شينجياڭ ءوندىرىس - قۇرىلىس بيڭتۋانىنا قىس پەن كوكتەمنەن جايلى وتۋگە كومەكتەسۋگە ارنالعان ورتالىقتىڭ كومەك قاراجاتىنان ءتورت ميلليارد 846 ميلليون يۋان قاراجاتتى بولگەن، مەملەكەتتىك استىقتى جانە زاتتاردى زاپاس ساقتاۋ مەڭگەرمەسىمەن بىرگە ءتۇيىندى ولكەلەردەن 15 ولكەگە ماقتالى كيىم، كورپە قاتارلى ورتالىقتىڭ كومەككە بەرگەن زاتتارىنان 370 مىڭ زاتتى جەتكىزىپ، جەرگىلىكتى ورىننىڭ اپاتقا ۇشىراعان بۇقارانىڭ قىس پەن كوكتەمنەن جايلى وتۋىنە كومەكتەسۋ قىزمەتىن ويداعىداي ىستەۋىنە قولداۋ كورسەتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
