لي چياڭ دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىنىڭ جانە پارتيادا، توپتا جوق قايراتكەرلەردىڭ ۋاكىلدەرىنىڭ اڭگىمە ءماجىلىسىن باسقارىپ اشتى
ۇكىمەت قىزمەتىنەن بايانداما جونىندەگى ۇسىنىس - پىكىرلەردى تىڭدادى
ديڭ شۋەشياڭ قاتىناستى
2024.01.26 16:21 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 25 – كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ 1 - ايدىڭ 24 - كۇنى تۇستەن كەيىن اڭگىمە ءماجىلىسىن باسقارىپ اشىپ، دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىنىڭ جانە پارتيادا، توپتا جوق قايراتكەرلەر ۋاكىلدەرىنىڭ «ۇكىمەت قىزمەتىنەن بايانداما (پىكىر الۋ نۇسقاسى)» جونىندەگى ۇسىنىس - پىكىرلەرىن تىڭدادى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ قاتىناستى.
اڭگىمە ماجىلىسىندە جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى جىڭ جيانباڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتى ءتوراعاسىنىڭ ۇنەمىلىك ىستەرگە جاۋاپتى ورىنباسارى چين بويۇڭ، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو جۇمىسشى - شارۋا دەموكراتيالىق پارتياسى ورتالىق كوميتەتىنىڭ ءتوراعاسى حى ۋەي، جۇڭگو ادىلەت پارتياسى ورتالىق كوميتەتىنىڭ ءتوراعاسى جياڭ زوجۇن، ”3 – قىركۇيەك“ ءىلمي قوعامى ورتالىق كوميتەتىنىڭ ءتوراعاسى ۋ ۋەيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ، پارتيادا، توپتا جوق قايراتكەرلەردىڭ ۋاكىلى لي داۋكۇي قاتارلىلار ىلگەرىندى – كەيىندى ءسوز سويلەدى. كوپشىلىك بىلاي دەپ قارادى: وتكەن ءبىر جىلدا كۇردەلى دە قاتاڭ حالىقارالىق جاعداي مەن ەل ىشىندەگى جاپالى دا اۋىر دامۋ مىندەتى الدىندا، شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ پارمەندى باسشىلىعىندا، بۇكىل ەل حالقى ءبىر نيەتپەن سەلبەسىپ، قيىنشىلىقتاردى جەڭىپ، حالىق شارۋاشىلىعىنىڭ قايتا ورلەۋى جاقسارىپ، ساپالى دامۋ تىڭعىلىقتى ىلگەرىلەپ، حالىق تۇرمىسىن قامتاماسىز ەتۋ پارمەندى، ءونىمدى بولىپ، جاپپاي سوتسياليستىك وسىزاماندانعان مەملەكەت قۇرۋدا نىق قادام تاستالدى. ناتيجە وڭاي - وسپاق قولعا كەلگەن جوق، ادامدى ەرەكشە جەلپىندىرەدى. كوپشىلىك بيىلعى ۇكىمەت قىزمەتىن ارقاۋ ەتىپ، ماكرولىق رەتتەۋ - مەڭگەرۋدى اناعۇرلىم ويداعىداي ىستەۋ، عىلىم - تەحنيكادا جاڭالىق اشۋدى كۇشەيتۋ، جاڭادان گۇلدەنگەن كاسىپ سالالارىن جەتىلدىرۋ، بازاردىڭ ومىرشەڭدىك كۇشىن قاۋلاتۋ، جاسىل دامۋدى ىلگەرىلەتۋ سياقتىلار جونىندە ۇسىنىس - پىكىر بەردى.
لي چياڭ كوپشىلىكتىڭ لەبىزىن مۇقيات تىڭداپ، دەموكراتيالىق پارتيا - توپتاردىڭ، مەملەكەتتىك ساۋدا - ونەركاسىپشىلەر بىرلەستىگىنىڭ، پارتيادا، توپتا جوق قايراتكەرلەردىڭ ۇكىمەت قىزمەتىنە كوڭىل ءبولىپ، قولداۋ كورسەتكەنىنە العىس ايتىپ، كوپشىلىكتىڭ ۇسىنىس - پىكىرلەرىنىڭ «ۇكىمەت قىزمەتىنەن بايانداماعا» ويداعىداي وزگەرىس ەنگىزۋدە، ۇكىمەتتىڭ قىزمەتتى جاقسارتۋىنا كومەكتەسۋدە اسا قۇندى بولاتىنىن، مەملەكەتتىك كەڭەستىڭ مۇقيات زەرتتەپ قابىلدايتىنىن ءبىلدىردى. ول مىنالاردى دارىپتەدى: بيىل − جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، ”14 – بەسجىلدىق“ جوبانىڭ نىسانا - مىندەتتەرىن جۇزەگە اسىرۋداعى شەشۋشى جىل. ءبىز ەل ءىشى - سىرتىنداعى جاعدايدى عىلمي يگەرىپ، ەلىمىزدىڭ ۇزاق بولاشاقتىق دامۋ اۋقىمىن ايقىن تانىپ، سەنىم مەن جىگەردى باستان - اياق كۇشەيتۋمەن بىرگە، سىرتقى ورتانىڭ كۇردەلىلىگىن، قاتاڭدىعىن، تۇراقسىزدىعىن دا كورە ءبىلىپ، وي - سانانى باستان - اياق سەرگەك ۇستاپ، زەيىن - زەردەنى شوعىرلاندىرا وتىرىپ ءوز ءىسىمىزدى ويداعىداي ىستەۋىمىز كەرەك. پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جاپپاي تياناقتاندىرىپ، ەكونوميكالىق، قوعامدىق دامۋدىڭ ءتۇيىندى مىندەتتەرىن ارقاۋ ەتىپ، كوپ بولىپ اقىل قوسىپ، زەرتتەۋدى تەرەڭدەتىپ، قىزمەتتىڭ تياناقتانۋىن پارمەندى، ءونىمدى ىلگەرىلەتۋ كەرەك.
لي چياڭ ءارقايسى دەموكراتيالىق پارتيا - توپتاردىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جانە پارتيا- توپتا جوق قايراتكەرلەردىڭ ۇكىمەت قىزمەتىن باقىلاۋدى جانە قولداۋدى كۇشەيتىپ، بايلانىس اۋماعى كەڭ بولۋ، دارىندىلار توپتالۋ ابزالدىعىن ءۇرتىس ساۋلەلەندىرىپ، ۇكىمەتتىڭ امالياتتىق احۋالدى ءتىپتى دە جاقسى تەكسەرۋىنە، حالىقتىڭ تىلەگىنە قۇلاق اسۋىنا، قيىن ماسەلەلەردى شەشۋىنە كومەك بەرىپ، دەموكراتيالىق شارا بەلگىلەۋ، عىلمي شارا بەلگىلەۋ ورەسىن جوعارىلاتۋىن، سونىمەن بىرگە، ورتاق تانىمدى كەڭ كولەمدە ۇيىستىرىپ، اقىل - پاراسات جانە كۇش - قۋات توپتاۋ جاقتارىندا ءتىپتى دە زور رول اتقارىپ، بيىلعى ەكونوميكالىق، قوعامدىق دامۋدىڭ نىسانالى مىندەتتەرىن ورىنداۋعا اناعۇرلىم زور ۇلەس قوسۋىن ءۇمىت ەتتى.
شى تايفىڭ، ۋ جىڭلۇڭ، شاۋ حۇڭ، حى باۋشياڭ، ۋاڭ گۋاڭچيان، جۋ يۇڭشين، ياڭ جىن اڭگىمە ماجىلىسىنە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
