جياڭسۋدىڭ نانجيڭ قالاسى جياڭنيڭ رايونى سازدىقتى قورعاۋدى كۇشەيتتى −
جاسىل تيپتە بۇرىلىس جاساۋدى ىلگەرىلەتىپ، تاماشا ەكولوگيانى بىرگە قورعادى (كوكتەم مەرەكەسىندە نەگىزگى ساتىعا بارۋ)
«حالىق گازەتىنىڭ» ءتىلشىسى ياۋ شۋەچيڭ
2024.01.26 16:26 كەلۋ قاينارى : حالىق تورابى
قىس كۇندەرى كۇن جىلىنىپ، جياڭسۋ ولكەسى نانجيڭ قالاسى جياڭنيڭ رايونىنداعى چاڭجياڭ شينجيجوۋ مەملەكەتتىك سازدىق باقشاسىنداعى التىن سارى ءتۇستى قامىس، قوڭىر ءتۇستى سامىرسىن، قانىق سارى وزەن تالدارى ەرەكشە كوز تارتتى... ءتىلشى تاياۋدا ساقا بالىقشى سۇن شۋەفا ايداعان باقىلاۋ قايىعىنا وتىرىپ، شينجيجوۋ ارالىنا شىقتى.
عىلمي زەرتتەۋ ۇيىرمەسى وسى ارادا ورگانيزمدەردىڭ الۋان تۇرلىلىگىن تەكسەرۋدى ورىستەتۋدە، اترەت مۇشەلەرى ينفرا قىزىل ساۋلەلى فوتو اپپاراتتى اعاشقا بايلاپ، ءار جولى تۇراقتى تەمپەراتۋرالى حايۋاناتتار وتكەن كەزدە، ينفرا قىزىل ساۋلەلى فوتو اپپارات قاس قاعىمدا سۋرەتكە الىپ، الىس ارالىقتان مازالاماي باقىلاۋ جۇرگىزىپ، ەكولوگيانى قورعاۋ شارالارىن بەلگىلەۋدى عىلمي نەگىزبەن قامدايدى.
نانجيڭ داشۋەسى تىرشىلىك عىلىمى شۋەيۋانىنىڭ دوتسەنتى حۋاڭ چىڭ ساندى مالىمەتتى بىلايشا ايتىپ بەردى: 2016 - جىلدان قازىرگە دەيىن اۋدانى 26.81 شارشى كيلومەتر كەلەتىن 5 ارالدا وسىمدىك 354 تۇردەن 584 تۇرگە، بالىق 34 تۇردەن 38 تۇرگە، شينجيجوۋ بولەگىندەگى دەلفين 16 باستان 30 باسقا كوبەيدى.
چاڭجياڭ شينجيجوۋ مەملەكەتتىك سازدىق باقشاسىن باسقارۋ ورتالىعى كەڭسەسىنىڭ مەڭگەرۋشىسى ليچۋانۋىن بىلاي دەپ تانىستىردى: 2000 - جىلدان باستاپ تاسقىننان ساقتانۋ قاجەتى ءۇشىن، جياڭنيڭ رايونى شينجيجوۋداعى 3 مىڭنان استام تۇرعىندى جوتكەدى. 2020 - جىلى چاڭجياڭ وزەنىندە 10 جىل بالىق اۋلاۋعا تيىم سالۋ باستالدى، ارالدا عىلمي زەرتتەۋ، عىلىم جالپىلاستىرۋ يقۋاتى عانا ساقتالدى، سازدىق ەكولوگياسى جەدەل قالپىنا كەلدى، تابيعي وسىمدىك جامىلعىسى قاۋىرت ءوستى، سيرەك كەزدەسەتىن باعالى تۇرلەر ءجيى جارىققا شىقتى.
ارالدا بۇرىن بالىق اۋلاۋدى كاسىپ ەتكەن كونە تۇرعىندار قالاي بۇرىلىس جاسايدى؟ جياڭنيڭ رايونى جياڭنيڭ ءمالى باسقارماسى قوقىر - قوقسىقتى تۇرگە ايىرۋ، تازالىق، اماندىق ساقتاۋ سياقتى قىزمەت ورىندارىن قامتىعان 4 رەتكى ارناۋلى ۇسىنىس ەتۋ ءماجىلىسىن اشتى. 60 جاستان تومەنگى بالىقشىلار تاربيەلەۋ جانە تانىستىرۋ ارقىلى باسقا جۇمىسقا شىقتى.
بالىقشىلىقتان شەگىنىپ جاعاعا شىققاننان كەيىن، سۇن شۋەفا تەڭىز جاعالاۋى الەۋمەتتىك اۋماعى قۇرعان ”چاڭجياڭ وزەنىن قورعاۋشىلار وداعىنا“ قاتىناسىپ، سالاۋاتىن دا، تۇرمىس ءتاسىلىن دە اۋىستىردى. قازىر ول ءار كۇنى تاڭەرتەڭ ەلەكترلى ۆەلەسيپەدكە ءمىنىپ، اترەت مۇشەلەرىمەن بىرگە 19.08 كيلومەتر كەلەتىن چاڭجياڭ وزەنىنىڭ جياڭنيڭ بولەگىنىڭ جاعالاۋىن شارلاپ تەكسەرەدى. تاياۋدا سۇن شۋەفا دەلفيندى زەرتتەۋ ۇيىمىنىڭ، جوعارى مەكتەپتەردىڭ عىلمي زەرتتەۋ توبىنىڭ جول باستاۋشىسىنا ۇسىنىس ەتىلدى، ”قازىر بالىقتار كوبەيدى، قاشان بولسىن شورشىعان بالىقتى كورەمىز، دەلفيندى دە ۇنەمى كەزىكتىرۋگە بولادى“.
چاڭجياڭ شينجيجوۋ مەملەكەتتىك سازدىق باقشاسىندا ءبىر توپ فوتو سۋرەت كورمە تاقتاسى وسى ارانىڭ ەكولوگيالىق وزگەرىسىن ەستەلىككە الدى: ءبىرىنشى سۋرەت 2003 - جىلى تۇسىرىلگەن، قوڭىر ءتۇستى جەر بەتى، ۇزىنشاق ەگىس اتىزى، ءوندىرىس ۇستىندەگى بالىق فەرماسى بار؛ ەڭ سوڭعى سۋرەت 2023 - جىلى تۇسىرىلگەن، كول كوبەيگەن، جاسىل القاپ كەڭەيگەن. لي چۋانۋىن تانىستىرىپ بىلاي دەدى: قازىر شينجيجوۋ ارالىنىڭ ىلعالدى جەر مولشەرى %39.98 تەن %69.9 كە كوتەرىلىپ، سۋ ساپاسى Ⅱ تۇردەگى ولشەمگە جەتىپ، جياڭنيڭ رايونىنىڭ زاپاس سۋ قاينارىنا اينالدى.
تانىستىرۋعا قاراعاندا، 2019 – جىلدان بەرى جياڭنيڭ رايونى وزەن جاعالاۋىنداعى ”بىتىراڭقى، بىلىققان، لاستاۋشى“ 52 كاسىپورىندى جاۋىپ، توقتاتىپ، بوساعان ورىنعا جاڭا بۋىن ينفورماتسيا، حابارلاسۋ تەحنيكاسى، جاسىل زەردەلى اۆتوموبيل، جوعارى دەڭگەيلى جابدىق جاساۋ سىندى 3 ۇلكەن جەتەكشى كاسىپ پەن وسى زامانعى قىزمەت وتەۋ كاسىبى، سالاماتتىق كاسىبى سىندى 2 ۇلكەن جاڭادان گۇلدەنگەن كاسىپ سالاسىن ورنالاستىرعان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
