”حالىق تۇرمىسىنا تيىمدىلىك جەتكىزۋ، حالىق جۇرەگىن جىلىتۋ، حالىق قالاۋىنان شىعۋ قىزمەتىن بۇقارانىڭ جۇرەگىنە ۇيالاتۋ كەرەك“ (باس شۋجيدىڭ حالىقتىق ىنتا - ىقىلاسى)
«حالىق گازەتىنىڭ» تىلشىلەرى فىڭ حۋا، ۋ چيۋيۇي، چيۋ چاۋ – ي
2024.01.30 16:36 كەلۋ قاينارى : حالىق تورابى
”اپات تۋىلعان وڭىرلەردەگى حالىق بۇقاراسىنىڭ قامىن جەپ كەلەمىن“. 2023 - جىلى 11 - ايدىڭ 10 - كۇنى بەيجيڭ مىنتوۋگوۋ رايونى مياۋفىڭشان قالاشىعى شۇييۇيكوۋ قىستاعىندا اپاتتان كەيىنگى قالپىنا كەلتىرۋ، قايتا قۇرۋ قىزمەتىن تەكسەرگەن كەزدە، باس شۋجي شي جينپيڭ كوپشىلىككە بىلاي دەدى: ”كوممۋنيستىك پارتيا − حالىق ءۇشىن قىزمەت ەتەتىن پارتيا، بۇقاراعا ماڭگى كوڭىل تورىنەن ورىن بەرەدى، مەيلى قاتەردەن اراشالاپ، اپاتتان قۇتقارۋ بولسىن، الدە اپاتتان كەيىنگى قالپىنا كەلتىرۋ، قايتا قۇرۋ بولسىن، بارلىعىندا بار كۇشىن جۇمسايدى“.
باس شۋجي شي جينپيڭ قاي – قاشادا حالىق ءۇشىن قام جەپ، حالىقتى كوڭىل تورىنە قويدى.
2023 - جىلى 4 - ايدىڭ 3 - كۇنى شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيە قىزمەتى ماجىلىسىندە باس شۋجي شي جينپيڭ بىلاي دەپ اتاپ كورسەتتى: ”باس ماقساتتى امالياتتا ايگىلەپ، حالىققا باقىت جاراتىپ، قالىڭ پارتيا مۇشەلەرىن، كادرلاردى حالىقتى وزەك ەتكەن دامۋ يدەياسىن بەرىك ورناتۋعا تاربيەلەۋ، جەتەكتەۋ كەرەك“، ”حالىق تۇرمىسىنا تيىمدىلىك جەتكىزۋ، حالىق جۇرەگىن جىلىتۋ، حالىق قالاۋىنان شىعۋ قىزمەتىن بۇقارانىڭ قالاۋىنان شىعاتىنداي ىستەپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋ كەرەك“.
بارلىعى حالىق ءۇشىن.
”بيلىك − حالىق، حالىق − بيلىك“.
ادام ماسەلەسى نە ءۇشىن ءبىر ساياسي پارتيانىڭ، ءبىر اكىمياتتىڭ سيپاتىن سىننان وتكىزەدى.
جول بويى ءسىز ماعان شىن جۇرەكتەن قامقورلىق جاسادىڭىز. ”مەن بىرنەشە جىلدىڭ الدىندا شيۇڭانعا كەلگەنمىن، وسى جەردى ساعىنامىن. اسىرەسە، قايتا كوشىپ كەلگەن بۇقارا نەشە ءجۇز مىڭ ادامعا سايادى، ولاردىڭ قازىرگى تۇرمىسىنىڭ قانداي ەكەنىن كورگىم كەلەدى“. 2023 - جىلى 5 - ايدا باس شۋجي شي جينپيڭ شيۇڭ - ان جاڭا رايونىنا كەلىپ، رۇڭدۇڭ رايونى نانۋىنيىڭ الەۋمەتتىك اۋماعىنا ارنايى بارىپ، قايتا كوشىپ كەلگەن بۇقارانىڭ كۇتىمدەلۋى، كيىم - كەشەك، ازىق - تۇلىك، تۇرعىن ءۇي، ءجۇرىس - تۇرىسى سياقتى جاعدايلارىن ەگجەي - تەگجەيلى سۇراپ، مۇقيات كوردى.
حالىق تۇرمىسىنداعى ۇساق ىستەردى ەستەن شىعارماۋ كەرەك. 2023 - جىلى 6 - ايدا ىشكى موڭعۇلدا قىزمەت تەكسەرگەندە، باس شۋجي شي جينپيڭ قايدا بارسا دا بۇقارانى جاقسى تۇرمىسقا كەنەلتۋدى ەسىنەن شىعارمادى. اتىز قىرىندا جەردى اينالىمعا سالىپ كوتەرمەگە الۋ اۋىل شارۋاشىلىعىنا تيىمدىلىك جاساي ما، جوق پا، سورتاڭ جەردى وزگەرتۋ ۇلگىسىن كوشىرىپ قولدانۋعا بولا ما، جوق پا؛ قۇمدى جەردە فوتوۆولت كاسىبىنىڭ دامۋى كوپ نەگىزدى ەكونوميكاداعى تەڭ يگىلىككە كەنەلۋدى جۇزەگە اسىرا الا ما، جوق پا ... دەگەندەردى سۇراعىپ ۇعىستى.
”بۇقارا جونىنەن العاندا، ولاردىڭ جانىنداعى ۇساق - تۇيەك ىستەردىڭ بارلىعى ناقتى ءىرى ىستەر، كەيبىرەۋلەرى ءتىپتى شۇعىل، قيىن ىستەر“. بۇل − كوپ جىلدىڭ الدىندا شي جينپيڭ جولداستىڭ «كوكەيىڭىزدە بۇقارا بولماسا، ءمانساپتى سانالمايسىز» دەگەن ماقالاسىندا جازعان ءبىر اۋىز ءسوزى. پارتيانىڭ 18 - قۇرىلتايىنان بەرى ءبىز حالىقتى وزەك ەتكەن دامۋ يدەياسىن ىشكەرىلەي دايەكتىلەندىرىپ، وقۋ الدىنداعى تاربيەدەن، ءبىلىم الۋدان، ەڭبەكاقىدان، ەمدەلۋدەن، كۇتىمدەلۋدەن، تۇرعىن ۇيدەن، كومەكتەن يگىلىكتەنۋ ۇزدىكسىز كۇش سالىپ، دۇنيە جۇزىندەگى كولەمى ەڭ ۇلكەن وقۋ - اعارتۋ جۇيەسىن، قوعامدىق قامتاماسىزداندىرۋ جۇيەسىن، ەمدەۋ - دەنساۋلىق ساقتاۋ جۇيەسىن قۇردىق. حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى اناعۇرلىم نىعايىپ، اناعۇرلىم قامتاماسىز ەتىلىپ، اناعۇرلىم باياندى بولىپ، بىرگە اۋقاتتانۋدا تىڭ تابىستارعا قول جەتكىزدىك.
”حالىق بۇقاراسى ەڭ كوڭىل بولەتىن، ەڭ تىكە، ەڭ رەال مۇددە ماسەلەلەرىن ويداعىداي شەشۋ كەرەك“، ”حالىقتىڭ تاماشا تۇرمىسقا دەگەن تالپىنىسىن ۇزدىكسىز رەالدىققا اينالدىرۋ كەرەك“. مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا ”حالىقتى بارىنەن جوعارى قويۋ“ سىناعىنا ويداعىداي جاۋاپ بەرۋ جالپى جاعدايعا سايادى.
بارلىق ىستە حالىققا سۇيەنۋ كەرەك.
حالىقتىڭ قامىن ويلاۋ، حالىقتىڭ قاجەتىن سۇراۋ، حالىقتىڭ ويلاعانىن ويلاۋ، حالىقتىڭ تاپسىرماسىن ورىنداۋ كەرەك.
حالىقتىق مايداندا بەرىك تۇرۋ تەرەڭ سۇيىسپەنشىلىك پەن اۋەلگى ماقسات بورىشى عانا ەمەس، سونداي - اق ماڭىزدى دۇنيەگە كوزقاراس جانە ءادىس نازارياسى. سارى توپىراقتى وڭىردەن جۇڭنانحايعا دەيىن، شي جينپيڭ جولداس بۇقارادان الىپ، بۇقاراعا قايتارۋدا باستان - اياق تاباندى بولىپ، حالىقتان اقىل - كەڭەس سۇراپ، حالىقتىڭ جۇرەك ءسوزىن تىڭدادى. ”دۇرىس جول قايدان كەلەدى؟ بۇقارادان كەلەدى“.
تەكسەرۋ - زەرتتەۋ ارقىلى باستاما كوتەرىپ، تەكسەرۋ - زەرتتەۋ ارقىلى جول اشتى. جاڭا داۋىردەگى 10 جىلدان بەرى نەگىزگى ساتىنىڭ ءبىرىنشى شەبى باس شۋجي شي جينپيڭ ەڭ كوپ بارعان جەرگە اينالدى. دالياڭشانداعى اۋىلداستار: 2018 - جىلدىڭ باسىندا باس شۋجي ۇشاققا وتىرىپ 3 ساعاتتان استام جول باسىپ، تاۋ قويناۋىندا 2 - 3 ساعات ءجۇرىپ، بىزگە امانداسا كەلدى، − دەپ سول كەزدى قازىرگىدەي ەستەرىنە الادى.
”تەكسەرۋ - زەرتتەۋ ورىستەتۋدىڭ ءوزى − بۇقارالىق لۋشيانمەن ءجۇرۋ“. 2023 - جىلى پارتيا ورتالىق كوميتەتى بۇكىل پارتيادا قاۋىرت تەكسەرۋ - زەرتتەۋ جۇرگىزۋدى ۇيعاردى. ۋليڭ تاۋىنىڭ وڭتۇستىگىندەگى بايتاق دالادان حىتاۋ جازىعىنا دەيىن، چاڭجياڭنىڭ وڭتۇستىگىندەگى سۋلى اۋىلدان سىچۋان وڭىرىنە دەيىن، ”التىن سۋ جولىندا“ كەمەلەر قايشالىسىپ جاتقانىن كورىپ، كاسىپورىن سەحتارىنداعى ماشينالاردىڭ گۇرىلدەگەن داۋىسىن ەستىپ، الەۋمەتتىك اۋماقتارعا بارىپ، شارۋالاردىڭ ۇيلەرىن ارالاپ، حالىقتىڭ جاعدايىن ۇعىستى... باس شۋجي شي جينپيڭ باستاماشىلدىقپەن ۇلگى كورسەتىپ، جاندى دا تەرەڭ تەكسەرۋ - زەرتتەۋ ۇلگىسى بولدى.
دامۋ حالىققا باقىت جاراتادى.
ادام − دامۋدىڭ نەگىزگى تۇلعاسى ءارى دامۋدىڭ ماقساتى. باس شۋجي شي جينپيڭ بىلاي دەپ دارىپتەدى: ”حالىق بۇقاراسىنىڭ رازى بولۋ - بولماۋىن نەگىزگى تاقىرىپتىق تاربيەنىڭ ونىمدىلىگىن باعالاۋدىڭ ءتۇبىرلى ولشەمى ەتۋ كەرەك“.
”حالىقتىڭ قاجەتى“ جۇڭگو كوممۋنيستەرىنىڭ جۇڭگو قوعامىنىڭ دامۋىن ولشەيتىن ولشەمگە، ءداۋىردىڭ العا باسۋىنا انىقتاما بەرەتىن بەلگىگە اينالدى.
”حالىق بۇقاراسى قارسى الاتىن، ۇناتاتىن ءىس بولسا بولعانى، قانشا قيىن بولسا دا سوڭىنا دەيىن ىستەۋ كەرەك؛ حالىق بۇقاراسى كوڭىلسىزدەنەتىن، جاراتپايتىن ءىس بولسا بولعانى، استە ىستەمەۋ كەرەك!“
كونە شاعىن اۋماقتار جەدەل جاڭالانىپ، ساپالى ەمدەۋ بايلىقتارى كەڭەيتىلىپ، تومەنگە ءتۇسىرىلدى، قارتتاردى كۇتىمدەۋ، اماناتتاپ تاربيەلەۋگە قىزمەت وتەۋ جۇيەسى ۇزدىكسىز كەمەلدەندى، كوپ جەر حالىققا قولايلى 15 مينۋتتىق تۇرمىس شەڭبەرى قۇرىلىسىن جەدەلدەتىپ، تەاتردى اۋىل - قىستاقتارعا جەتكىزىپ، قالا، اۋىل كىتاپ ۇيلەرىن سالدى... حالىق ءۇشىن ناقتى ىستەر ىستەلىپ، بۇلار جۇرتتىڭ كوڭىلىنە ۇيالاپ، نيەتتەستىگىن تۋدىردى.
جۇڭگو كوممۋنيستىك پارتياسىنىڭ باسشىلىعىنداعى جۇڭگو ۇلگىسىندەگى وسىزامانداندىرۋدىڭ دامۋ جەتىستىكتەرى، قۇرىلىس جەتىستىكتەرى جالپى حالىقتى اناعۇرلىم كوپ، اناعۇرلىم ءادىل يگىلىككە كەنەلتۋ ءۇشىن بولىپ تابىلادى.
”كەدەيلەردى دالمە - ءدال سۇيەمەلدەۋ ’ۋاجيۋا‘ (وتە جاقسى) ! − دەدى سىچۋان ولكەسى لياڭشان يزۋ اۆتونوميالى وبلىسى جاۋجۋە اۋدانى سانحى قىستاعىنىڭ تۇرعىنى جيحاۋ يەچيۋ. بۇل كۇندە باس شۋجي شي جينپيڭ ەسىنەن شىعارماعان لياڭشانداعى كەدەي بۇقارا الدەقاشان كەدەيلىك قالپاعىن الىپ تاستاپ، كەدەيلىكتىڭ تامىرىنا بالتا شاپتى.
2023 - جىلى 7 - ايدىڭ 28 - كۇنى چىڭدۋ 31 - كەزەكتى دۇنيە جۇزىلىك ستۋدەنتتەر جازعى سپورت جارىسىنىڭ اشىلۋ سالتىندا جيحاۋ يەچيۋدىڭ قىزى جيحاۋ يەگو سەرىكتەرىمەن بىرگە «مەملەكەت تۋى سونشاما كوركەم» دەگەن ءاندى شىرقاپ، اسقاق ءان اۋەنى ءاربىر ادامنىڭ جۇرەگىنە ۇيالادى.
”مەملەكەت تۋى، مەملەكەت تۋى وتە كوركەم، التىن جۇلدىز، التىن جۇلدىز بايتاق دالانى نۇرلاندىرادى، مەن قىزىل بۇلتقا اينالىپ، كوك اسپانعا ۇشىپ، سەنى قۇشامىن...“
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
