ۋاڭ حۋنيڭ مەملەكەتتىك ساياسي كەڭەس ءتوراعالارىنىڭ ءماجىلىسىن باسقارىپ اشتى
2024.01.30 16:38 كەلۋ قاينارى : حالىق تورابى
«حالىق گازەتى»، 1 - ايدىڭ 29 - كۇنى، بەيجيڭ. ساياسي كەڭەس 14 - كەزەكتى مەملەكەتتىك كوميتەتىنىڭ 13 - رەتكى ءتوراعالار ءماجىلىسى 1 - ايدىڭ 29 - كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ ءماجىلىستى باسقاردى ءارى ءسوز سويلەدى.
ءماجىلىس باس شۋجي شي جينپيڭنىڭ تاياۋ مەزگىلدەگى ماڭىزدى ءسوزى مەن نۇسقاۋىنىڭ رۋحىن جەتكىزدى، ۇيرەندى. ۋاڭ حۋنيڭ مىنانى ءبىلدىردى: باس شۋجي شي جينپيڭنىڭ ماڭىزدى ءسوزى مەن نۇسقاۋىنىڭ رۋحىن مۇقيات ۇيرەنىپ، ءتۇسىنىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى، رۋحتى سومداۋدا تاباندى بولىپ، ساياسي جاۋاپكەرلىكتى ەستە بەرىك ساقتاپ، پارتيا مەن مەملەكەتتىڭ وزەكتى قىزمەتىمەن تىعىز ۇشتاستىرىپ، ۇكىمەت ءىسىن كەڭەسۋ كەرەك. ساپالى دامۋدى ىلگەرىلەتۋدى ارقاۋ ەتىپ، اقىل - كەڭەس بەرىپ، كۇش شىعارىپ، ساپالى ۇسىنىس قويىپ، پارتيا مەن مەملەكەتتىڭ وزەكتى قىزمەتىنە قىزمەت ەتۋ كەرەك. حالىق ساياسي كەڭەسىنىڭ سىرتپەن بارىس - كەلىس جاساۋداعى باسىمدىق رولىن ساۋلەلەندىرىپ، ادامزاتتىڭ تاعدىرلاس ورتاق تۇلعاسىن قۇرۋ ۇستانىمىن ۇگىتتەپ، تانىستىرىپ، جۇڭگو حيكاياسىن ويداعىداي ايتۋ كەرەك. پارتيانى جاپپاي قاتاڭ جونگە سالۋ جونىندەگى ورنالاستىرۋلاردىڭ تياناقتانۋىن تاباندىلىقپەن ويداعىداي يگەرىپ، ساياسي كەڭەستىڭ مىندەت اتقارۋ قىزمەتىن ىلگەرىلەتۋ كەرەك.
ءماجىلىس ساياسي كەڭەس مەملەكەتتىك كوميتەتى تۇراقتى كوميتەتىنىڭ قىزمەت بايانداماسىن (جوبا) جانە ساياسي كەڭەس مەملەكەتتىك 14 - كەزەكتى كوميتەتىنىڭ 1 - ماجىلىسىنەن بەرگى ۇسىنىس جوبا قىزمەتىنىڭ جاعدايى جونىندەگى باياندامانى (جوبا) قاراپ ماقۇلدادى؛ مەملەكەتتىك ساياسي كەڭەس ءتوراعالار ءماجىلىسىنىڭ ساياسي كەڭەس مەملەكەتتىك 14 - كەزەكتى كوميتەتىنىڭ 1 - ماجىلىسىنەن بەرگى قىزمەت جاعدايى جونىندەگى بايانداماسىن، ساياسي كەڭەس مەملەكەتتىك كوميتەتىنىڭ 2023 - جىلعى سىرتپەن بارىس - كەلىس جاساۋ قىزمەتىن ورىستەتۋ جاعدايى جونىندەگى بايانداماسىن، 2024 - جىلعى ءتۇيىندى دەموكراتيالىق باقىلاۋ جوسپارىن قاراپ ماقۇلداپ، جوعارىداعى جوبالاردى (نۇسقا) مەملەكەتتىك ساياسي كەڭەس 14 - كەزەكتى تۇراقتى كوميتەتى 5 - ءماجىلىسىنىڭ قاراۋىنا ۇسىنۋدى ۇيعاردى.
ءماجىلىس ساياسي كەڭەس مەملەكەتتىك كوميتەتى كەڭسەسىنىڭ 2023 - جىلعى قوعام جاعدايىن، حالىق رايىن اڭىس ەتۋ ينفورماتسيا قىزمەتى، مۇشەلەردىڭ مىندەت وتەۋى جانە ۇكىمەت ءىسىن كەڭەسۋ قيمىلىن ورىستەتۋگە ۇيىمداستىرۋ، مەملەكەتتىك ساياسي كەڭەس مۇشەلەرىنىڭ كوزدەن كەشىرۋ، قىزمەت تەكسەرۋ قىزمەتى، تەكسەرۋ - زەرتتەۋ قىزمەتى، مۇشەلەردىڭ مىندەت وتەۋىندە ”حالىق ءۇشىن قىزمەت وتەۋ“ قيمىلى، مۇشەلەردىڭ كىتاپ وقۋ قيمىلى، نازاريالىق زەرتتەۋ قىزمەتى سياقتى جاعدايلار جونىندەگى باياندامانى، سونداي - اق «حالىق ساياسي كەڭەسىنىڭ كەڭەستىك دەموكراتيا قۇرىلىسىن (2023)» جازباشا قارادى.
ءماجىلىس ۋاڭ شياۋجۇننىڭ ساياسي كەڭەس 14 - كەزەكتى مەملەكەتتىك كوميتەتىنىڭ مۇشەلىگى تولىمدىلىعىن كۇشىنەن قالدىرۋ جونىندەگى قاراردى قاراپ ماقۇلداپ، 5 - رەتكى تۇراقتى كوميتەت ءماجىلىسىنىڭ تۇراقتاندىرۋىنا ۇسىندى.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك ساياسي كەڭەس ءتوراعاسىنىڭ ورىنباسارى شى تايفىڭ، مەملەكەتتىك ساياسي كەڭەس ءتوراعاسىنىڭ ورىنباسارلارى حى حوۋحۋا، جياڭ شينجى، ۋاڭ گۋاڭچيان باس شۋجي شي جينپيڭنىڭ تاياۋ مەزگىلدەگى ماڭىزدى ءسوزى مەن نۇسقاۋىنىڭ رۋحىن ۇيرەنۋ، دايەكتىلەندىرۋ توڭىرەگىندە ءسوز سويلەدى. مەملەكەتتىك ساياسي كەڭەس ءتوراعاسىنىڭ ورىنباسارى، قوسىمشا باس حاتشىسى ۋاڭ دۇڭفىڭ قاتارلىلار قاتىستى كەڭەستىك تاقىرىپتار جونىندە جەكە - جەكە تۇسىنىك جاسادى.
مەملەكەتتىك ساياسي كەڭەس ءتوراعاسىنىڭ ورىنباسارلارى حۋ چۇنحۋا، شىن يۋەيۋە، جوۋ چياڭ، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، جياڭ زوجۇن، حى شۋشياڭ، چين بويۇڭ، جۋ يۇڭشين، ياڭ جىن ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
