ورتالىق دەڭگەيىندەگى فورماشىلدىقتى جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ ارناۋلى قىزمەت مەحانيزمى ءماجىلىسى بەيجيڭدە اشىلدى
ساي چي باسقاردى ءارى ءسوز سويلەدى
2024.01.30 16:39 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 29 – كۇنى، بەيجيڭ. ورتالىقتىڭ فورماشىلدىقتى جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ ارناۋلى قىزمەت مەحانيزمى ءماجىلىسى 1 - ايدىڭ 29 - كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي ءماجىلىستى باسقاردى ءارى ءسوز سويلەدى.
ول مىنالاردى دارىپتەدى: فورماشىلدىقتى جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ − ماڭىزدى ساياسي مىندەت. باس شۋجي شي جينپيڭنىڭ قاتىستى ماڭىزدى نۇسقاۋلارىنىڭ رۋحىن تەرەڭ ءتۇسىنىپ، پارتيا مەن مەملەكەت ىستەرىنىڭ جالپى جاعدايى تۇرعىسىنان، فورماشىلدىقتى جونگە سالۋدى ىشكەرىلەي كەڭەيتۋدىڭ نەگىزگى ساتىنىڭ اۋىرتپالىعىن جەڭىلدەتۋدەگى ماڭىزدىلىعىن، كوكەي تەستىلىگىن جەتە تانىپ، جاۋاپكەرلىك سەزىمدى، بورىشتىلىق سەزىمدى اناعۇرلىم كۇشەيتىپ، وزىنە تۇبەگەيلى توڭكەرىس جاساۋ رۋحىمەن مىقتى، ناقتى، ويداعىداي يگەرىپ، قالىڭ پارتيالى كادرلاردى جاۋاپكەرلىك ارقالاپ، ىسكەرلىك كورسەتۋگە، ءىس تىندىرىپ، يگىلىك جاراتۋعا اناعۇرلىم ويداعىداي شابىتتاندىرۋ كەرەك.
ءماجىلىس مىنالاردى دارىپتەدى: ماسەلەنى باعدار ەتۋدە اناعۇرلىم تاباندى بولىپ، ”ساياسي ناتيجە ينجەنەرياسى“، ”وبراز ينجەنەرياسى“، ”بەت - بەدەل ينجەنەرياسى“ سياقتى ماسەلەلەردى كۇش سالا تۇزەتىپ، يدەيالىق - ساياسي جەتەكشىلىكتى ۇزدىكسىز كۇشەيتىپ، ارناۋلى جونگە سالۋدى ىلگەرىلەتىپ، باسشى كادرلاردى دۇرىس قىزمەت ناتيجەسى كوزقاراسىن بەرىك ورناتۋعا جانە امالياتتا ايگىلەۋگە تاربيەلەپ، جەتەكتەپ، نەگىزگى تاقىرىپتىق تاربيەنىڭ جەتىستىكتەرىن بەكەمدەۋ، كەڭەيتۋ كەرەك. قۇجاتتاردى ىقشامداۋ، ماجىلىستەردى ازايتۋ، باقىلاۋ - تەكسەرۋ، تەكسەرۋ بارىسىنداعى ماسەلەلەردى كۇش سالا شەشىپ، ساننىڭ بۇلجىماس تەجەمىن ساقتاپ، ساپانىڭ جاقسارۋىن، جوعارىلاۋىن ىلگەرىلەتۋ كەرەك. ۇيرەنۋ، تەكسەرۋ - زەرتتەۋدىڭ ناقتى ونىمدىلىگىن كۇش سالا جوعارىلاتىپ، نازاريا ۇيرەنۋ تۇزىمىندە تاباندى بولىپ، كورىنىس ءۇشىن ىستەۋدەن ساق بولىپ، تەكسەرۋ – زەرتتەۋ بارىسىندا ءۇيىپ قويۋ، زەرتتەۋ جۇرگىزبەۋ سياقتى ماسەلەلەردى ىشكەرىلەي شەشۋ كەرەك. ”ساۋساق ۇشىنداعى فورماشىلدىقتى“ كۇش سالا تۇزەتىپ، تيپتىك ماسەلەلەردى رەتتەۋ - تۇزەتۋدى ۇزدىكسىز ىلگەرىلەتىپ، ساندى مالىمەت قامالىن تالقانداۋ كەرەك. اۋىل - قىستاقتى كوركەيتۋدە ورىن تەۋىپ وتىرعان جاي عانا ”ءبارىن ءبىر شىبىقپەن ايداۋ“ ءادىسىن كۇش سالا شەشىپ، جەرگىلىكتى جاعدايعا قاراي ىستەپ، شىندىقتى ءىس جۇزىنەن ىزدەپ، ”ءونىمسىز جۇمىستان“، ”ءسان - سالتاناتقا سالىنۋدان“ باتىل ساقتانۋ كەرەك. ءتۇرلى وركەنيەتتى ورىن قۇرۋ، ۇلگى كورسەتۋ قيمىلدارىندا ورىن تەۋىپ وتىرعان ماسەلەلەردى كۇش سالا شەشىپ، ءسانى بار دا ءمانى جوق ىستەردى ىستەمەۋ كەرەك. نەگىزگى ساتى كادرلارىن ۋاقىتشا اۋىستىرۋ ماسەلەسىن كۇش سالا شەشىپ، جۇيەلى باسقارۋ ءتۇزىمىن اقاۋسىزداندىرىپ، اۋداننان تومەنگى ورىنداردان ۋاقىتشا اۋىستىرىلاتىن قىزمەتكەرلەردى قاتاڭ تىزگىندەۋ كەرەك. مەرەكە - مەيرام، تالقى مىنبەرى كورمەسىن كۇش سالا اداقتاۋ، ارناعا ءتۇسىرۋ كەرەك. باعالاۋ ءادىسىن كۇش سالا كەمەلدەندىرىپ، جاي عانا ”ماتەريال“ الۋدان، ”ءىز - دەرەكتەردى“ تەكسەرۋدەن ناتيجەنى ءتۇيىندى تەكسەرۋگە، ”كومەسكى ناتيجەگە“ قاراۋعا بۇرىلىس جاساۋدى ىلگەرىلەتىپ، كادرلاردى كۇردەلى باعالاۋدان قۇتىلدىرىپ، اناعۇرلىم كوپ زەيىن - زەردەنى تياناقتاندىرۋدى يگەرۋگە جۇمساۋ كەرەك. نەگىزگى ساتى ۇيىمدارىنىڭ ”بەتالدى ماڭدايشالىق اسۋ“ ماسەلەسىن كۇش سالا اداقتاپ، نەگىزگى ساتى ىستەرىنىڭ مىندەت جاۋاپكەرلىگىنە رۇقسات ەتۋ ءتۇزىمىن ارناعا ءتۇسىرىپ، تەكسەرۋ وتكەلىن يگەرۋدى تۋ باستان كۇشەيتۋ كەرەك.
ءماجىلىس مىنالاردى دارىپتەدى: ءار دارەجەلى پارتكومدار (پارتيا باسشىلىق گرۋپپالارى) تۇلعالىق جاۋاپكەرلىگىن شىنايى اتقارىپ، فورماشىلدىقتى رەتتەپ - وڭاپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىن كورنەكتى ورىنعا قويىپ، مەرزىم سايىن اقىلداسىپ، تالداۋ جاساپ، ناقتى شارالار شىعارىپ، ”ءبىرىنشى باسشى“ ءوزى ورنالاستىرىپ، ىلگەرىلەتۋى كەرەك. ارناۋلى قىزمەت مەحانيزمىنىڭ رولىن اناعۇرلىم ويداعىداي ساۋلەلەندىرىپ، تياناقتاندىرۋدى يگەرۋدىڭ اتقارۋ قۋاتى مەن ناقتى ونىمدىلىگىن جوعارىلاتىپ، فورماشىلدىق ارقىلى فورماشىلدىقتى جونگە سالۋدان ساقتانۋ كەرەك. تيپتىك دەلولاردى تەكسەرۋدى، حابارلاندىرۋدى ۇدايىلاندىرىپ يگەرىپ، رەتتەۋ - تۇزەتۋدى قاداعالاپ، قۋزاپ، جەر - جەر سالىستىرىپ قاداعالاۋدى ويداعىداي ىستەپ، تاراۋلار ”سەركەلىك اسەردى“ ساۋلەلەندىرۋ كەرەك. تۋ باستان جونگە سالۋعا اناعۇرلىم ءمان بەرىپ، كورنەكتى ماسەلەلەرگە باعىتتاي وتىرىپ ۇستىنەن جونگە سالۋمەن بىرگە، يدەيا مەن مۇددە قاينارىنان تۇبىرىنەن جونگە سالىپ، شىنداپ كىرىسىپ، قيىندىقتان تايسالماي، شىنايى يگەرىپ، ناقتى ىستەپ، فورماشىلدىقتى جونگە سالىپ، نەگىزگى ساتىنىڭ اۋىرتپالىعىن جەڭىلدەتۋدىڭ ءىس جۇزىندىك ارەكەتى مەن ونىمدىلىگى ارقىلى جۇڭگو ۇلگىسىندەگى وسىزامانداندىرۋمەن مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە پارمەندى ستيل كەپىلدىگىن ازىرلەۋ كەرەك.
ارناۋلى قىزمەت مەحانيزمىنە مۇشە ورىندارداعى، قاتىستى تاراۋلارداعى، ولكە، اۆتونوميالى رايون، توتە قاراستى قالالارداعى جانە شينجياڭ ءوندىرىس - قۇرىلىس بيڭتۋانىنداعى جاۋاپتى جولداستار ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
