سىرتقى ىستەر مينيسترلىگى ا ق ش ارمياسىنىڭ سيريا مەن يرانعا اۋەدەن شابۋىل جاساعانى جونىندە جاۋاپ قايتاردى: باسقا مەملەكەتتىڭ تەرريتوريالىق يەلىك ۇقىعىنا جانە حاۋىپسىزدىگىنە سۇعاناقتىق جاساۋ ارەكەتىنە قارسى تۇرامىز
2024.02.06 13:43 كەلۋ قاينارى : حالىق تورابى
2 – ايدىڭ 5 – كۇنى، سىرتقى ىستەر مينيسترلىگىنىڭ مالىمدەمەشىسى ۋاڭ ۋىنبين كەزەكتى تىلشىلەردى قابىلداۋ ءماجىلىسىن باسقاردى. ءتىلشى بىلاي دەپ سۇرادى: حابارعا قاراعاندا، 2 – ايدىڭ 3 – كۇنى ا ق ش ارمياسى سيريا مەن يراقتىڭ شەكاراسى ىشىندەگى نىسانالارعا اۋەدەن شابۋىل جاساعان، بۇل وسىنىڭ الدىندا يوردانيادا تۇراتىن ا ق ش ارمياسى اسكەرىنىڭ ۇشقىشسىز ۇشاقتىڭ شابۋىلىنا ۇشىراپ قازا بولعانىنا بايلانىستى كەك الۋ دەگەن. سيريا مەن يراق ەكى ەل ۇكىمەتى دە ا ق ش – نىڭ ەكى ەلدىڭ يەلىك ۇقىعى مەن حاۋىپسىزدىگىنە سۇعاناقتىق جاساعانىن جازعىرعان. جۇڭگو جاق وسى جونىندە قانداي پىكىر بىلدىرەدى؟
مالىمدەمەشى ۋاڭ ۋىنبين مىنانى ءبىلدىردى: سيريا مەن يراق — ەگەمەن ەلدەر. «بىرلەسكەن مەملەكەتتەر ۇيىمىنىڭ ۋستاۆىنا» قايشى كەلىپ، باسقا مەملەكەتتەردىڭ تەرريتوريالىق يەلىك ۇقىعىنا جانە حاۋىپسىزدىگىنە سۇعاناقتىق جاساعان ارەكەتتەرگە جۇڭگو جاق قارسى تۇرادى. قازىر ورتا شىعىستاعى وڭىرلەردىڭ جاعدايى بارىنشا كۇردەلى ءارى سەزىمتال، جۇڭگو جاق قاتىستى جاقتاردى حالىقارالىق زاڭدارعا شىنايى بويسۇنۋعا، بايسالدى دا بايىپتى بولۋعا، وڭىردەگى شيەلەنىسكەن جاعدايدىڭ ونان ارى ۋشىعۋىنان، ءتىپتى مەڭگەرۋسىز كەتۋىنەن ساقتانۋعا قۋزايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
