قاتەرلى وسپە جونىندەگى ەڭ جاڭا ساندى مالىمەت جاريالاندى
ەلىمىزدە وكپە راگىمەن اۋرۋ مولشەرى ءبىرىنشى ورىندا تۇرادى
2024.02.06 13:48 كەلۋ قاينارى : حالىق تورابى
بەيجيڭ گازەتىنىڭ ءتىلشىسى ۋاڭ ياۋچي، چاي رۇڭ حابارلايدى. جۋىردا مەملەكەتتىك راك ورتالىعى ”2022 – جىلعى جۇڭگوداعى قاتەرلى وسپە اۋرۋىنىڭ جاعدايى“ جونىندەگى قاتىستى ساندى مالىمەتتەردى جاريالادى. 2022 – جىلى ەلىمىزدە جاڭادان قاتەرلى وسپە اۋرۋىنا شالدىققانداردىڭ سانى 4 ميلليون 824 مىڭ 700 ادام بولىپ، جالپى جاقتان ايتقاندا، ەرلەردىڭ شالدىعۋ مولشەرى ايەلدەردەن جوعارى بولعان، وكپە راگىنە شالدىعۋ مولشەرى ءبىرىنشى ورىندا بولعان.
مەملەكەتتىك راك ورتالىعىنىڭ وسپەگە قاتىستى تىزىمگە الۋ جانە ناۋقاستىڭ حال – جايىن باقىلاۋ نەگىزىندە ەلىمىزدەگى اۋرۋعا شالدىقتىرۋ مولشەرى الدىڭعى ون ورىندا تۇراتىن راك ءتۇرىن ساناققا العان، ولار جەكە – جەكە: وكپە راگى، توق ىشەك جانە تىك ىشەك راگى، قالقانشا بەز راگى، باۋىر راگى، اسقازان راگى، ءسۇت بەزى راگى، وڭەش راگى، جاتىر موينى راگى، قۋىق ءتۇبى بەزى راگى، ۇيقى بەزى راگى. جاس شاماسى جاعىندا، 0 جاستان 34 جاسقا دەيىنگىلەردىڭ اراسىندا قاتەرلى وسپەنىڭ بۇكىل راك ءتۇرى بويىنشا اۋرۋعا شالدىعۋ مولشەرى ءبىرشاما تومەن، 35 جاستان 39 جاسقا دەيىنگىلەردىڭ اراسىندا اۋرۋعا شالدىعۋ مولشەرى كورنەكتى ارتا باستاعان، 80 جاستان 83 جاسقا دەيىنگىلەر اراسىندا ەڭ جوعارى دەڭگەيگە جەتكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
