شينجياڭ بيىل قالا ىشىندەگى قىستاقتار مەن قاتەرلى، كونە ۇيلەردى جاڭالاۋ ينجەنەرياسىن اتقارادى
2024.02.06 15:48 كەلۋ قاينارى : حالىق تورابى
ءتىلشىنىڭ شينجياڭ ۇيعۇر اۆتونوميالى رايوندىق تۇرعىن ءۇي جانە قالا - اۋىل قۇرىلىسى مەڭگەرمەسىنەن ۇعىسۋىنشا، شينجياڭ بيىل قالا ىشىندەگى قىستاقتار مەن قاتەرلى، كونە ۇيلەردى جاڭالاۋ ينجەنەرياسىن اتقارىپ، ءۇرىمجى قالاسىنداعى 5 اۋماقتاعى 3696 تۇرعىن ءۇيدى وزگەرتۋدى جوسپارلاعان.
لاشىق تۇراقتاردا ادەتتە قۇرىلىستىڭ تىعىزدىعى ءبىرشاما جوعارى، سىلكىنىستەن، ورتتەن، تاسقىننان ساقتانۋ سياقتى نەگىزدىك قۇرىلعىلار جەتكىلىكسىز، تۇرمىس ورتاسى ناشار بولادى. 2010 – جىلدان باستاپ شينجياڭ لاشىق تۇراقتاردى وزگەرتىپ سالۋدى ءتۇيىندى حالىق تۇرمىسى ينجەنەرياسىنا ەنگىزىپ، عىلىمي جوبا جاساپ، جىلدىق مىندەتتى بەلگىلەپ، كۇندەلىكتى باقىلاۋدى كۇشەيتىپ، اقشالاي تولەم بەرۋ جانە ناقتى ورنالاستىرۋ ءتاسىلىن قولدانىپ، لاشىق تۇراقتاعى تۇرعىنداردىڭ ورتاسى كوركەم، قۇرىلعىلارى سايكەستى، حاۋىپسىز، ساپالى جاڭا ۇيگە كىرۋىنە كەپىلدىك ەتتى. 2023 - جىلى شينجياڭ 49 مىڭ 662 ءۇيدى جاڭالادى.
”ۇيلەسىمدى، ءونىمدى قارجى قوسۋدى جەبەپ، تۇتىنۋ سۇرانىسىن سەرپىلتىپ، بازار كەڭىستىگىن كەڭەيتتى.“ شينجياڭ ۇيعۇر اۆتونوميالى رايوندىق تۇرعىن ءۇي جانە قالا - اۋىل قۇرىلىسى مەڭگەرمەسى تۇرعىن ۇيمەن قامتاماسىز ەتۋ باسقارماسىنىڭ باستىعى لي شين بىلاي دەپ تانىستىردى: لاشىق اۋماقتاردى جاڭالاۋدىڭ اتقارىلۋى ولقىلىقتاردى تولىقتاۋ، سايكەسۋدى جەبەۋ، قوزعاۋشى قۋات ۇستەۋ، ۇزاق بولاشاققا تيىمدىلىك جەتكىزۋ سياقتى كوپ ءتۇرلى اسەرگە يە بولىپ، بولات ـ تەمىر، قۇرىلىس، قۇرىلىس ماتەريالدارى، ماشينا ـ ەلەكتر سياقتى 50 نەشە قاتىستى كاسىپ سالاسىنىڭ سايكەستى دامۋىن جەبەپ، ءۇي ەلەكتر جابدىقتارى، ءۇي جيھازدارى، توقىماشىلىق، اشەكەيلەۋ سياقتى تۇتىنۋ كاسىبى ارتىپ، وقۋ - اعارتۋ، ەمدەۋ، زەينەتكەرلىك، دەنە شىنىقتىرۋ، ورتانى قورعاۋ سياقتى الەۋمەتتىك قۇرىلعىلاردى جەردەن پايدالانۋ قاجەتىمەن قامداپ، الەۋمەتتىك قىزمەت وتەۋ بايلىعىن بىركەلكى ورنالاستىرۋدى جۇزەگە اسىردى.
2023 ـ جىلدىڭ سوڭىنا دەيىن، شينجياڭ قالا ـ قالاشىقتارداعى لاشىق تۇراقتاردان جيىنى ءبىر ميلليون 797 مىڭ 200 ءۇيدى جاڭالاپ، بۇكىل رايونداعى 5 ميلليوننان استام ءار ۇلت بۇقاراسى يگىلىككە كەنەلىپ، قالانىڭ فۋنكسياسى ۇزدىكسىز كەمەلدەنىپ، قوعامدىق جان ـ جاقتى جونگە سالۋ ورتاسى كورنەكتى جوعارىلادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
