شي جينپيڭ ناميبيانىڭ زۇڭتۇڭى گەينگوبتىڭ قايتىس بولۋىنا بايلانىستى ناميبيانىڭ جاڭادان تاعايىندالعان زۇڭتۇڭى مبەنباعا كوڭىل ايتۋ تەلەگرامماسىن جولدادى
2024.02.06 16:26 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 5 – كۇنى، بەيجيڭ. مەملەكەت ءتوراعاسى شي جينپيڭ 2 - ايدىڭ 5 - كۇنى ناميبيانىڭ زۇڭتۇڭى گەينگوبتىڭ قايتىس بولۋىنا بايلانىستى ناميبيانىڭ جاڭادان تاعايىندالعان زۇڭتۇڭى مبەنباعا كوڭىل ايتۋ تەلەگرامماسىن جولداپ، جۇڭگو ۇكىمەتى مەن جۇڭگو حالقى اتىنان قايعىلى ازا ءبىلدىردى، ناميبيا ۇكىمەتى مەن حالقىنان، سونداي - اق گەينگوب زۇڭتۇڭنىڭ تۋىس - تۋعانىنان شىنايى حال سۇرادى.
شي جينپيڭ بىلاي دەپ اتاپ كورسەتتى: گەينگوب زۇڭتۇڭ − ناميبيانىڭ كورنەكتى باسشىسى، كوزى تىرىسىندە جۇڭگو مەن ناميبيانىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ ىشكەرىلەي دامۋىن ىلگەرىلەتىپ، جۇڭگو مەن ناميبيانىڭ، جۇڭگو مەن افريكانىڭ دوستىعىن جەبەۋگە ماڭىزدى ۇلەس قوسقان. ونىڭ قايتىس بولۋى − ناميبيا حالقىنىڭ وراسان زور جوعالتۋى، جۇڭگو حالقى دا ءبىر جاقسى دوسىنان ايرىلدى. جۇڭگو جاق جۇڭگو مەن ناميبيانىڭ تەرەڭ ءداستۇرلى دوستىعىن قاستەرلەيدى، ناميبيامەن بىرگە ەكى ەلدىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ ۇزدىكسىز دامۋىن ىلگەرىلەتۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
