3 – ايدىڭ 1 – كۇنىنەن باستاپ اتقارىلادى! شينجياڭدا مۇگەدەكتەرگە قولداناتىن كومەكشى جابدىقتارعا لايىقتى قوسىمشا قاراجات بەرۋ ءادىسى جاسالدى
2024.02.06 15:50 كەلۋ قاينارى : حالىق تورابى
2 ـ ايدىڭ 5 ـ كۇنى، ءتىلشىنىڭ شينجياڭ ۇيعۇر اۆتونوميالى رايوندىق مۇگەدەكتەر بىرلەستىگىنەن ۇعىسۋىنشا، «شينجياڭ ۇيعۇر اۆتونوميالى رايونىنىڭ مۇگەدەكتەردىڭ نەگىزدىك كومەكشى جابدىقتارىنا قوسىمشا قاراجات بەرۋ ءادىسى (سىناق رەتىندە اتقارىلادى)»(تومەندە قىسقارتىلىپ «قوسىمشا قاراجات بەرۋ ءادىسى» دەپ اتالادى) 3 – ايدىڭ 1 – كۇنىنەن باستاپ اتقارىلادى، شينجياڭداعى كۋالىگى بار مۇگەدەكتەرگە قاجەتتى كورۋگە، تىڭداۋعا، جۇرۋگە كومەكتەسەتىن نەگىزدىك كومەكشى جابدىقتارعا ۇيلەسىمدى قىزمەت وتەپ، مۇگەدەكتەردىڭ ەڭ نەگىزگى، ەڭ كوكەي كەستى كومەكشى جابدىق قاجەتىن شەشەدى.
«قوسىمشا قاراجات بەرۋ ادىسىندە» ”نەگىزگە كەپىلدىك ەتۋ، كەڭ كولەمدە قامتۋ“ نەگىزگى پرينسيپ ەتىلىپ، شينجياڭ نوپوسىنداعى، «جۇڭحۋا حالىق رەسپۋبليكاسىنىڭ مۇگەدەكتەر كۋالىگى» بار مۇگەدەكتەر قوسىمشا قاراجات بەرۋ وبيەكتىسى ەتىلىپ، ەڭ تومەنگى تۇرمىسى قامتاماسىزداندىرىلاتىن مۇگەدەكتەرگە، كوپ مۇگەدەكتى وتباسىنا، مۇگەدەك وقۋشىلارعا الدىمەن كەپىلدىك ەتىلدى. مۇندا مۇگەدەك بالالارعا كومەكشى جابدىقتار جاعىنان قىزمەت وتەۋگە ۇيلەسەتىن وبيەكتىلەر شينجياڭ ۇيعۇر اۆتونوميالى رايونىنىڭ مۇگەدەك بالالاردى ساۋىقتىرۋ، قۇتقارۋ، كومەكتەسۋگە قاتىستى بەلگىلەمەلەرى بويىنشا اتقارىلادى. مۇگەدەكتەردىڭ نەگىزگى كومەكشى جابدىقتارىن ناقتى زاتپەن جابدىقتاۋ جانە ساتىپ الۋعا قوسىمشا قاراجات بەرۋ سىندى ەكى ءتۇرلى فورمانى اتقارىپ، مۇگەدەكتەردىڭ ءوز ەركىمەن تاڭداۋىنا بەرۋ كەرەك.
«قوسىمشا قاراجات بەرۋ ادىسىندە» 57 ءتۇرلى نەگىزدىك كومەكشى جابدىقتار «شينجياڭ ۇيعۇر اۆتونوميالى رايونىنىڭ مۇگەدەكتەرگە نەگىزگى كومەكشى جابدىقتار قوسىمشا قاراجات بەرۋ مازمۇنىنا» (تومەندە قىسقاشا «قوسىمشا قاراجات مازمۇنى» دەلىنەدى) ەنگىزىلىپ، زاتتاي نەمەسە اقشالاي قوسىمشا قاراجات بەرىلدى. نەگىزگى قوسىمشا جابدىقتاردان پايدالانۋدىڭ جىل شەگى، قوسىمشا قاراجات ولشەمى جانە ۇقساماعان قوسىمشا قاراجات بەرىلەتىن وبيەكتىلەردىڭ قوسىمشا قاراجات بەرۋ سالىستىرماسى سياقتىلار جونىندە بەلگىلەمە جاسالدى. سونىمەن بىرگە، نەگىزگى كومەكشى جابدىقتاردىڭ ۇيلەسىمدى ۇلەستىرۋ ءتارتىبى، قارجىمەن قامتاماسىزداندىرۋ جانە باقىلاۋ - باسقارۋ سياقتىلار ارناعا ءتۇسىرىلدى. ءار دارەجەلى قاتىستى تاراۋلاردىڭ مىندەتى، مۇگەدەكتەر كومەكشى جابدىقتارىنىڭ بەلگىلەنگەن ورنىنىڭ (كەلىسىمى) قىزمەت وتەۋ قۇرىلىمىنىڭ نەگىزگى شارتى جانە قىزمەت مىندەتى سياقتىلاردى ايقىن بەلگىلەندى.
كومەكشى جابدىقتار — مۇگەدەكتەردىڭ دەنە قۋاتىن جاقسارتۋىنا، تىرشىلىك ساپاسىن جوعارىلاتۋىنا، قوعامنىڭ ات سالىسۋ قابىلەتىن كۇشەيتۋىنە كومەكتەسۋدەگى ماڭىزدى ءتاسىل. ”بۇل شينجياڭنىڭ تۇڭعىش رەت اۆتونوميالى رايون دەڭگەيىندە كومەكشى جابدىقتارعا قوسىمشا قاراجات بەرۋ ءتۇزىمىن ورناتۋى جانە اتقارۋى.“ شينجياڭ ۇيعۇر اۆتونوميالى رايوندىق مۇگەدەكتەر بىرلەستىگى پارتگرۋپپاسىنىڭ مۇشەسى، ورىنباسار القا باستىعى تان گوشين مىنالاردى ءبىلدىردى: قوسىمشا جابدىقتارعا قوسىمشا قاراجات بەرۋ ءادىسىنىڭ شىعارىلۋى مۇگەدەكتەردىڭ نەگىزگى قوسىمشا جابدىقتارعا ۇيلەسىمدى قىزمەت وتەۋدەن يگىلىكتەنۋىن ءونىمدى قامتاماسىز ەتىپ، مۇگەدەكتەردىڭ قوعامدىق قامتاماسىزداندىرۋ تۇزىمىندەگى ولقىلىقتاردى تولىقتاپ، مۇگەدەكتەرگە قامقورلىق جاساۋ، قىزمەت وتەۋ جۇيەسىن اقاۋسىزداندىرادى، مۇگەدەكتەر ىستەرىنىڭ جالپى بەتتىك دامۋىن ىلگەرىلەتۋدە ماڭىزدى مانگە يە.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
