شينجياڭدا عىلىم – تەحنيكا سالاسىنداعى ” دارىندى زەينەتكەرلەر“ جوسپارى جاريالاندى
2024.02.06 13:47 كەلۋ قاينارى : حالىق تورابى
عىلىم – تەحنيكا گازەتىنىڭ ەرىكتى ءتىلشىسى لياڭ لى، ءتىلشىسى جۇ تۇڭ حابارلايدى. ءتىلشىنىڭ 2 – ايدىڭ 2 – كۇنى شينجياڭ ۇيعۇر اۆتونوميالى رايوندىق عىلىم – تەحنيكا مەڭگەرمەسىنەن ۇعىسۋىنشا، شينجياڭ ۇيعۇر اۆتونوميالى رايونى «اۆتونوميالى رايوننىڭ ”دارىندى زەينەتكەرلەر “ جوسپارىن اتقارۋ جوباسىن» (عىلىم – تەحنيكا سالاسىنداعى ”دارىندى زەينەتكەرلەر “ جوسپارى دەپ قىسقارتىلىپ الىنادى) جاريالاعان، ءار جىلى ەلىمىز بويىنشا عىلىم – تەحنيكا سالاسىنان زەينەتكە شىققان 100 زەينەتكەردى سارالاپ شىعادى. بۇل ماماندار كاسىپورىندارمەن، عىلىمي زەرتتەۋ ورىندارىمەن بىرگە سەلبەستىك ورىستەتىپ، تەحنيكالىق جاقتاعى قيىن ماسەلەلەردى شەشىم ەتىپ، شينجياڭنىڭ عىلىم – تەحنيكا سالاسىنداعى جاڭالىق اشۋ قۋاتىن اناعۇرلىم جوعارىلاتادى.
عىلىم – تەحنيكا سالاسىنداعى ”دارىندى زەينەتكەرلەر“ جوسپارىندا مىنالار ورتاعا قويىلعان: ادام ىستەتۋشى ورىندار مەن سارالانعان ماماندار كەمىندە ءبىر جىلدىق قىزمەتكەر ۇسىنىس ەتۋ توقتامىن جاسايدى. پرينسيپتىك جاقتان ايتقاندا، شينجياڭنان سىرت جەردەن قابىلدانعان دارىندىلاردىڭ ءار جىلى شينجياڭدا قىزمەت ىستەيتىن ۋاقىتى جيىنى 120 كۇننەن تومەن بولماۋى قاجەت. شينجياڭ كولەمىنەن سارالانعان دارىندىلاردىڭ شينجياڭدا قىزمەت ىستەيتىن ۋاقىتى 180 كۇننەن تومەن بولماۋى كەرەك. قابىلدانعان زەرتتەۋشى مامانداردىڭ، تەحنيك مامانداردىڭ اربىرىنە جىلىنا جەكە – جەكە ەڭ كوپ بولعاندا 300 مىڭ يۋان، 200 مىڭ يۋان تۇرمىستىق قوسىمشا قاراجات بەرىلەدى.
كەلەسى قادامدا، شينجياڭ ۇيعۇر اۆتونوميالى رايوندىق عىلىم – تەحنيكا مەڭگەرمەسى عىلىم – تەحنيكا سالاسىنان زەينەتكە شىققان قىزمەتكەرلەر بايلىق قاينارىن اشۋدىڭ جاڭا فورماسى جاعىندا ىزدەنىس جاساپ، ولاردىڭ ءوز قابىلەتتەرىن تولىق ساۋلەلەندىرۋىنە تەكشە ازىرلەۋگە قۇلشىنادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
