«شي جينپيڭنىڭ جۇڭگو ۇلگىسىندەگى وسىزامانداندىرۋ جونىندەگى پايىمداۋلارىنان ۇزىندىلەردىڭ» اعىلشىنشا باسىلىمى، حانزۋشا - اعىلشىنشا سالىستىرمالى باسىلىمى باسپادان شىعىپ تاراتىلدى

2024.02.06 16:28 كەلۋ قاينارى : حالىق تورابى

شينحۋا اگەنتتىگى، 2 - ايدىڭ 5 – كۇنى، بەيجيڭ. ج ك پ ورتالىق كوميتەتىنىڭ پارتيا تاريحى جانە قۇجات زەرتتەۋ ورنى اۋدارعان «شي جينپيڭنىڭ جۇڭگو ۇلگىسىندەگى وسىزامانداندىرۋ جونىندەگى پايىمداۋلارىنان ۇزىندىلەردىڭ» اعىلشىنشا باسىلىمى، حانزۋشا - اعىلشىنشا سالىستىرمالى باسىلىمى جۋىقتا ورتالىق قۇراستىرۋ - اۋدارۋ باسپاسىنان باسىلىپ شىعىپ، ەل ءىشى - سىرتىنا تاراتىلدى.
«شي جينپيڭنىڭ جۇڭگو ۇلگىسىندەگى وس«شي جينپيڭنىڭ جۇڭگو ۇلگىسىندەگى وسىزامانداندىرۋ جونىندەگى پايىمداۋلارىنان ۇزىندىلەردى» ج ك پ ورتالىق كوميتەتىنىڭ پارتيا تاريحى جانە قۇجات زەرتتەۋ ورنى رەداكسيالاپ، وعان شي جينپيڭ جولداستىڭ 2012 - جىلى 11 – ايدان 2023 - جىلى 10 – ايعا دەيىنگى ارالىقتا جۇڭگو ۇلگىسىندەگى وسىزامانداندىرۋ توڭىرەگىندە جاريالاعان ءبىرقىدىرۋ ماڭىزدى پايىمداۋى ەنگىزىلگەن. تۇتاس كىتاپ 7 ارناۋلى تاقىرىپقا ءبولىنىپ، شي جينپيڭ جولداستىڭ جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگى، ماندىك تالابى جانە كەلەلى پرينسيبى سياقتى باي مازمۇندى تەرەڭ تۇسىندىرمەسىن جۇيەلى بەينەلەپ، پارتيا 18 - قۇرىلتايىنان بەرگى جۇڭگو ۇلگىسىندەگى وسىزامانداندىرۋدىڭ نازاريا مەن اماليات جاعىنداعى جاڭالىق اشۋ جەتىستىكتەرىن جاپپاي ايگىلەدى.
بۇل كىتاپتىڭ اعىلشىنشا نۇسقاسىنىڭ، اعىلشىنشا - حانزۋشا سالىستىرمالى نۇسقاسىنىڭ باسپادان شىعىپ تاراتىلۋى ەل ءىشى - سىرتىنداعى وقىرمانداردىڭ جۇڭگو ۇلگىسىندەگى وسىزامانداندىرۋدىڭ نازاريالىق جۇيەسى مەن امالياتتىق تالابىن تەرەڭ تۇسىنۋىنە، جۇڭگو كوممۋنيستىك پارتياسىنىڭ جۇڭگو حالقىن ىنتىماقتاستىرىپ جانە باستاپ ءساتتى اشقان جۇڭگو ۇلگىسىندەگى وسىزامانداندىرۋدىڭ جاڭا جولىن، جاراتقان ادامزات وركەنيەتىنىڭ جاڭا فورماتسياسىن، وسىزامانداندىرۋدىڭ جاڭا كارتيناسىن ىشكەرىلەي تۇسىنۋىنە، حالىقارالىق قوعامنىڭ قول ۇستاسا العا باسۋ جولىن كۇشەيتۋىنە، بەيبىت دامۋ، ءوزارا ءتيىمدى سەلبەستىك، بىرگە گۇلدەنۋ سىندى دۇنيە ءجۇزىنىڭ وسىزاماندانۋىن جۇزەگە اسىرۋ جونىندەگى ورتاق تانىمدى ىسكە اسىرۋىنا سەپتىگىن تيگىزەدى، كەلەلى مانگە يە.
كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved