جۇڭگو ۇكىمەتى قيساپسىز قالىڭمالدى جونگە سالۋ سياقتى ماسەلەلەردى تاعى دا تىلگە تيەك ەتتى
2024.02.06 17:05 كەلۋ قاينارى : حالىق تورابى
جۇڭگو اقپارات اگەنتتىگىنىڭ بەيجيڭنەن بەرگەن حابارى. ورتالىق قازىنا ـ ەكونوميكا كوميتەتى كەڭسەسىنىڭ كۇندەلىكتى قىزمەتتەرگە جاۋاپتى ورىنباسار مەڭگەرۋشىسى، ورتالىق اۋىل ـ قىستاق قىزمەتىنە باسشىلىق ەتۋ گرۋپپاسى كەڭسەسىنىڭ مەڭگەرۋشىسى حان ۋىنشيۋ 2 – ايدىڭ 4 - كۇنى مەملەكەتتىك كەڭەستىڭ اقپارات كەڭسەسىندە وتكىزىلگەن اقپار جاريالاۋ ماجىلىسىندە بىلاي دەدى: قيساپسىز قالىڭمال ، استا – توك وتكىزۋ قاتارلى كورنەكتى ماسەلەلەردى جان ـ جاقتى جونگە سالىپ، ەسكى سالت ـ سانانى وزگەرتۋدى، ناشار ادەتتەردى جويۋدى تىڭعىلىقتى ىلگەرىلەتىپ، اۋىل ـ قىستاقتا وركەنيەتتى جاڭا سالت قالىپتاستىرۋ كەرەك.
قازىرگى كەزەڭدە جۇڭگونىڭ اۋىل - قىستاقتارىندا جان سانىنىڭ جالپى مولشەرى مەن قۇرىلىمى، ءوندىرىس، تۇرمىس ءتاسىلى، يدەيا - مادەنيەت كوزقاراسى، ءداستۇرلى اۋىل – قىستاق ءتارتىبى قاتارلى جاقتاردا تەرەڭ وزگەرىستەر تۋىلۋدا، بۇل اۋىل - قىستاقتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋعا تىڭ تالاپتار قويدى.
حان ۋىنشيۋ بىلاي دەدى: اۋىل شارۋاشىلىعىن، اۋىل ـ قىستاقتى وسىزامانداندىرۋ دەگەنىمىز ماتەريالدىق وركەنيەت پەن رۋحاني وركەنيەت ءوزارا سايكەسكەن وسىزامانداندىرۋ دەۋگە بولادى، جول بەرۋ مەن توسۋدى ۇشتاستىرۋعا، ۇستىنەن وڭاۋ مەن تۇبىرىنەن وڭاۋدى ۇشتاستىرۋعا، ەكى جاعىن دا ۇستاۋعا، ەكى جاعىن دا قاتاڭ يگەرۋگە تاباندى بولۋ كەرەك. ءبىر جاعىنان، ساپالى رۋحاني مادەنيەت ونىمدەرىمەن قامداۋدى ويداعىداي ىستەپ، اۋىل ـ قىستاق مادەنيەتىن گۇلدەندىرىپ، دامىتىپ، اۋىل ـ قىستاقتىڭ تاڭداۋلى ءداستۇرلى مادەنيەتىن قورعاۋدى، جالعاستىرۋدى جانە جاڭالىق اشا دامىتۋدى كۇشەيتۋ كەرەك. ەندى ءبىر جاعىنان، اۋىل - قىستاقتىڭ ناشار سالت – ساناسىن ءتۇيىندى تۇردە وڭاۋ كەرەك. كەيبىر جەرلەر توي – تومالاق، ءولىم – ءجىتىم ىستەرىن استا – توك وتكىزەتىن بولىپ، ديقاندارعا ۇلكەن اۋىرتپالىققا اينالسا دا، ايتا الماي وتىر.
بيىلعى ورتالىقتىڭ 1 - ءنومىرلى قۇجاتىندا اۋىل - قىستاقتاردا ناشار ەسكى سالت - سانانى وزگەرتۋدى ۇزدىكسىز ىلگەرىلەتۋ تالاپ ەتىلدى. بىتىراتۋ مەن بوگەۋدى ۇشتاستىرۋعا، ۇستىنەن وڭاۋ مەن تۇبىرىنەن وڭاۋدى ۇشتاستىرۋعا تاباندى بولىپ، ناشار ەسكى سالت ـ سانانى وزگەرتۋدىڭ ءتۇيىندى جەرىندە جاڭالىق اشىپ، قىستاق تۇرعىندارىن ءوزىن - ءوزى باسقارۋ رولىن ساۋلەلەندىرىپ، قىستاق ەرەجەسى مەن حالىق شارتىنىڭ شابىتتاندىرۋ، تەجەۋ فۋنكسياسىن كۇشەيتىپ، قيساپسىز قالىڭمال، استا – توك وتكىزۋ، جەرلەۋدەگى قالايماقاندىق قاتارلى كورنەكتى ماسەلەلەردى جان ـ جاقتى جونگە سالۋدى ۇزدىكسىز ىلگەرىلەتۋ كەرەك. حان ۋىنشيۋ بىلاي دەدى: ناشار ەسكى سالت ـ سانانى وزگەرتۋدى تىڭعىلىقتى ىلگەرىلەتىپ، شارۋالار بۇقاراسىنا اناعۇرلىم قولايلى قوعامدىق قىزمەت وتەپ، قىستاق تۇرعىندارىنىڭ ءوزىن - ءوزى باسقارۋ رولىن ساۋلەلەندىرىپ، قىستاق ەرەجەسىنىڭ شابىتتاندىرۋ، تەجەۋ فۋنكسياسىن كۇشەيتىپ، ناشار ادەتتەردى جويىپ، اۋىل ـ قىستاق وركەنيەتىنىڭ جاڭا سالتىن جەتىلدىرۋ كەرەك.
”وسى بىرنەشە جىلدا كەيبىر جەرلەر وتكىزگەن قىستاقتار ارا جارىس، قىستاق ساۋىق كەشى قاتارلىلار ەرەكشە قارسى الۋعا بولەندى. بيىل كوكتەم مەرەكەسى كەزىندە جەر ـ جەر كوپتەگەن باي مازمۇندى قيمىلدار ورنالاستىردى، شارۋالاردىڭ نەگىزگى رول ويناۋىنا تاباندى بولىپ، بۇقارالىق مادەنيەت، دەنە تاربيە قيمىلدارىنىڭ بارعان سايىن جاندانۋىنا مۇمكىندىك جاساۋ كەرەك“دەدى حان ۋىنشيۋ.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
