قوعام حاۋىپسىزدىگى مينيسترلىگى كوكتەم مەرەكەسى مەزگىلىندە اراق ءىشىپ اۆتوموبيل جۇرگىزۋ، ماس بولىپ اۆتوموبيل جۇرگىزۋ سىندى زاڭعا قايشى ارەكەتتەردى قاتاڭ تەكسەرەدى
2024.02.07 13:57 كەلۋ قاينارى : حالىق تورابى
كوكتەم مەرەكەسىنىڭ كەلۋىنە بايلانىستى، اۋىلىنان باسقا جەردە قىزمەت ىستەيتىندەر، وقيتىندار كوكتەم مەرەكەسىن وتكىزۋ ءۇشىن اۋىلىنا قايتادى، تۋىس – تۋعان، دوس – جاراندار ءوزارا امانداسا بارىپ، باس قوسىپ، بىرگە تاماق ءىشىپ، اراق ىشەتىن قيمىلدار كوبەيەدى، اراق ءىشىپ اۆتوموبيل جۇرگىزۋ، ماس بولىپ اۆتوموبيل جۇرگىزۋ حاۋپى دە جوعارىلايدى. جۋىردا سانشي، انحۇي، گۋاڭشي قاتارلى جەرلەردە اراق ءىشىپ اۆتوموبيل جۇرگىزۋ، ماس بولىپ اۆتوموبيل جۇرگىزۋ سەبەپتى ءبىرشاما زور قاتىناس شىرعالاڭى تۋىلىپ، جارالانۋ جانە ءولىم – ءجىتىم جاعدايى اۋىر بولعان، قاسىرەتتى جاعدايلار تۋىلعان.
اراق ءىشىپ اۆتوموبيل جۇرگىزۋدەن، ماس بولىپ اۆتوموبيل جۇرگىزۋدەن ساقتانۋ ءۇشىن، قوعام حاۋىپسىزدىگى مينيسترلىگىنىڭ قاتىناستى باسقارۋ مەكەمەسى كوكتەم مەرەكەسىنىڭ الدىندا، كوكتەم مەرەكەسى مەزگىلىندە، كوكتەم مەرەكەسىنەن كەيىن مەملەكەت بويىنشا ءۇش رەت شوعىرلى جونگە سالۋ قيمىلىن ورىستەتۋ جونىندە ورنالاستىرۋ جاساپ، جەر – جەردەگى قوعام حاۋىپسىزدىگى قاتىناستى باسقارۋ تاراۋلارىنان ساقشى كۇشىن ارتتىرا ىسكە قوسىپ، جولداردى تەكسەرۋدى كۇشەيتىپ، تۇنگى مەزگىلدە زاڭ اتقارۋ مەن تەكسەرۋ جۇرگىزۋدى، اۋىل – قىستاقتاردا زاڭ اتقارۋ مەن تەكسەرۋ جۇرگىزۋدى كۇشەيتىپ، اراق ءىشىپ اۆتوموبيىل جۇرگىزۋ، ماس بولىپ اۆتوموبيل جۇرگىزۋ سىندى زاڭعا قايشى ارەكەتتەرگە مۇلدە جول بەرمەي، حالىق بۇقاراسىنىڭ ءومىرى مەن مال – مۇلكىنىڭ حاۋىپسىزدىگىن شىنايى قورعايدى.
اراق ءىشىپ اۆتوموبيل جۇرگىزۋ، ماس بولىپ اۆتوموبيل جۇرگىزۋ وزىڭە دە، وزگەگە دە زياندى! قوعام حاۋىپسىزدىگى مينيسترلىگى قاتىناستى باسقارۋ مەكەمەسى بارشا شوفەرلەرگە اراق ىشكەن سوڭ اۆتوموبيل جۇرگىزۋدىڭ حاۋپى زور ەكەنىن، ءوزى ءۇشىن، تۋىس – تۋعاندارى ءۇشىن، دوس – جاراندارى جانە الەۋمەتتىك حاۋىپسىزدىك ءۇشىن ”اۆتوموبيل جۇرگىزگەندە اراق ىشپەۋدى، اراق ىشكەندە اۆتوموبيل جۇرگىزبەۋدى“ ەستە بەرىك ساقتاپ، تالەيىن سىناۋ ويىنان مۇلدە ارىلىپ، قاتەلىككە ۇرىنباۋدى، زاڭعا قايشى كەلمەۋدى ەسكەرتەدى! شوفەرلەردىڭ تۋىس – تۋعان، دوس – جاراندارى دا شوفەرلەرگە اراق ءىشىپ اۆتوموبيل جۇرگىزۋ، ماس بولىپ اۆتوموبيل جۇرگىزۋ ارەكەتىنىڭ زالالى جونىندە كەڭەس بەرۋى، زاڭ – تۇزىمگە بويسۇنۋدى، ءجۇرىس – تۇرىس بارىسىندا حاۋىپسىز دە وركەنيەتتى بولۋدى بىرگە ورىنداۋى قاجەت.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
