سىرتقى ىستەر مينيسترلىگى: ا ق ش – تىڭ جوعارى دارەجەلى ءمانساپتىلارىنىڭ شەتەلگە قاشىپ كەتكەن، ورتالىق ۇكىمەتكە قارسى تۇرىپ، شياڭگاڭدى بىلىقتىرعان ەلەمەنتتەرمەن استاسىپ الۋىنا باتىل قارسى تۇرۋ كەرەك

2024.02.07 16:17 كەلۋ قاينارى : حالىق تورابى

　　2 – ايدىڭ 6 – كۇنى، سىرتقى ىستەر مينيسترلىگىنىڭ مالىمدەمەشىسى ۋاڭ ۋىنبين كەزەكتى تىلشىلەر جينالىسىن باسقاردى. مالىمدەمەشى ۋاڭ ۋىنبين سۇراۋعا جاۋاپ بەرگەندە بىلاي دەدى: ءبىز ا ق ش - تىڭ جوعارى دارەجەلى ءمانساپتىلارىنىڭ شەتەلگە قاشىپ كەتكەن، ورتالىق ۇكىمەتكە قارسى تۇرىپ، شياڭگاڭدى بىلىقتىرعان ەلەمەنتتەرمەن استاسىپ جاتقانىنا كۇشتى نارازىلىق بىلدىرەمىز جانە باتىل قارسى تۇرامىز.

　　ۋاڭ ۋىنبين بىلاي دەپ اتاپ كورسەتتى: شەتەلگە قاشىپ كەتكەن، ورتالىق ۇكىمەتكە قارسى تۇرىپ، شياڭگاڭدى بىلىقتىرعان ەلەمەنتتەرگە مەملەكەتتىڭ حاۋىپسىزدىگىنە زالال جەتكىزدى دەگەن كۇمان تاعىلعان، شياڭگاڭ ساقشى جاعىنىڭ زاڭ بويىنشا وعان قۋعىن سالۋى حالىقارالىق زاڭعا جانە حالىقارادا جاپپاي قولدانىلاتىن قاعيداعا ۇيلەسەدى، بۇل قاجەتتى دە ورىندى شارا. ا ق ش جاساعان مەملەكەت حاۋىپسىزدىگى زاڭى دا شەكارا سىرتىندا كۇشكە يە. ا ق ش - تىڭ ورتالىق ۇكىمەتكە قارسى تۇرىپ، شياڭگاڭدى بىلىقتىرعان ەلەمەنتتەرگە دەم بەرۋى زاڭمەن جونگە سالۋ رۋحىن دورەكىلىكپەن اياق استى ەتكەندىك بولىپ قانا قالماستان، ا ق ش - تىڭ ادامدىق ۇقىق، زاڭمەن جونگە سالۋ ماسەلەسىندە باستان ـ اياق اتقارىپ كەلە جاتقان قوس ولشەمىن دە اشكەرەلەدى. ۋاڭ ۋىنبين مىنالاردى باسا دارىپتەدى: شياڭگاڭ ىستەرى بۇكىلدەي جۇڭگونىڭ ىشكى ىسىنە جاتادى، ءارقانداي سىرتقى كۇشتىڭ كيلىگۋىنە جول بەرىلمەيدى. ءبىز ا ق ش - تى ءوز ىسىنە ءوزى ءۇڭىلىپ، جۇڭگونىڭ يەلىك ۇقىعى مەن شياڭگاڭنىڭ زاڭمەن باسقارۋىنا شىنايى قۇرمەت ەتىپ، قىلمىستىلاردىڭ پانالايتىن پورتى بولماۋعا قۋزايمىز.

　　جۇڭگو جاق مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ بەكىمىنەن اۋىتقىمايدى، شياڭگاڭ ىستەرىنە كيلىگەتىن، شياڭگاڭنىڭ زاڭمەن باسقارۋىن بۇلدىرەتىن ءارقانداي قاسكۇنەمدىك جۇڭگو جاقتىڭ باتىل قارسىلىعىنا ۇشىرايدى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved