ەكى تاراۋ قار اپاتى تۋىلۋ حاۋپى جونىندە تالداۋ جۇرگىزىپ، تۇجىرىم جاسادى
2024.02.07 15:13 كەلۋ قاينارى : حالىق تورابى
جۋىردا مەملەكەتتىك اپاتتان ساقتانۋ، اپاتتىڭ زيانىن ازايتۋ، اپاتتان قۇتقارۋ كوميتەتىنىڭ كەڭسەسى مەن شۇعىل جاعدايلارعا توتەپ بەرۋ ىستەرىن باسقارۋ مينيسترلىگى جاراتىلىستىق بايلىق مينيسترلىگى، قاتىناس – تاسىمال مينيسترلىگى، سۋ يگىلىگى مينيسترلىگى، اۋىل شارۋاشىلىعى جانە اۋىل – قىستاق مينيسترلىگى، جۇڭگو اۋا رايى مەڭگەرمەسى، مەملەكەتتىك ەنەرگيا مەڭگەرمەسى، مەملەكەتتىك ورمان جانە جايىلىم مەڭگەرمەسى قاتارلى تاراۋلارمەن جانە ورىندارمەن بىرگە كەڭەسۋ ءماجىلىسىن اشىپ، 2024 – جىلى 2 – ايدا ەلىمىز بويىنشا جاراتىلىستىق اپاتتاردىڭ تۋىلۋ حاۋپى جونىندە تالداۋ جۇرگىزىپ، تۇجىرىم جاسادى.
جان – جاقتى تالداۋ جاساۋ ارقىلى بىلاي دەپ قارادى: 2 – ايدا ىشكى موڭعۇلدىڭ ورتا – شىعىس بولىگى، حەيلۇڭجياڭ ولكەسى قاتارلى جەرلەردە كەزەڭدىك بوران جانە قار اپاتى تۋىلۋ حاۋپى بار، چاڭجياڭنىڭ وڭتۇستىگى مەن باتىس وڭتۇستىكتەگى وڭىرلەردىڭ باتىس بولىگىندە كەزەڭدىك تومەن تەمپەراتۋرا، جاۋىن – شاشىن، توڭ ءجۇرۋ اپاتتارىنىڭ تۋىلۋ حاۋپى بار؛ سولتۇستىك جۇڭگو، شىعىس جۇڭگو، ورتا جۇڭگو، وڭتۇستىك جۇڭگو، باتىس - وڭتۇستىك، شىعىس - سولتۇستىك قاتارلى وڭىرلەردىڭ ءبىر ءبولىم جەرلەرىندە ورمانعا ءورت كەتۋ حاۋپىنىڭ دارەجەسى ءبىرشاما جوعارى؛ سولتۇستىك جۇڭگو، شىعىس جۇڭگو، ورتا – وڭتۇستىك، باتىس – وڭتۇستىك، باتىس – سولتۇستىك قاتارلى وڭىرلەردە گەولوگيالىق اپاتتاردىڭ تۋىلۋ حاۋپى ءبىرشاما جوعارى؛ 2 – ايدىڭ ورتا شەنىندە بوحاي تەڭىزى مەن حۋاڭحاي تەڭىزىنىڭ سولتۇستىك بولىگىندە مۇز قاتۋ مەزگىلى بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved