ەكى تاراۋ بىرلەسكەن زاڭ اتقارۋ اترەتىن جىبەرىپ، بەس ولكە، قالادا اشكەرە جانە جاسىرىن تەكسەرۋ جۇرگىزدى
2024.02.07 15:18 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى يە حاۋميڭنىڭ 2 – ايدىڭ 6 – كۇنى بەيجيڭنەن بەرگەن حابارى. ءتىلشىنىڭ 2 – ايدىڭ 6 – كۇنى شۇعىل جاعدايلارعا توتەپ بەرۋ ىستەرىن باسقارۋ مينيسترلىگىنەن ۇعىسۋىنشا، مەملەكەتتىك كەڭەستىڭ حاۋىپسىز ءوندىرىس كەڭسەسىنىڭ ءبىرتۇتاس ورنالاستىرۋى بويىنشا، شۇعىل جاعدايلارعا توتەپ بەرۋ ىستەرىن باسقارۋ مينيسترلىگى مەن مەملەكەتتىك ورتتەن ساقتانۋ جانە قۇتقارۋ – كومەكتەسۋ مەڭگەرمەسى بىرلەسكەن زاڭ اتقارۋ گرۋپپاسىن ۇيىمداستىرىپ، كوكتەم مەرەكەسىنىڭ الدىندا جىجياڭ، گۋاڭدۇڭ، شانشي، تيانجين، حۋنان سىندى بەس ولكە، قالاعا جىبەرىپ، ونەركاسىپ – ساۋدا سالاسىنداعى توزاڭدى جانە پارتىلاعىش زاتتارعا ساياتىن كاسىپورىندارعا، ورتتەن ساقتانۋ حاۋىپسىزدىگى جاعىنداعى ءتۇيىندى ورىندارعا اشكەرە جانە جاسىرىن تەكسەرۋ جۇرگىزگەن.
شۇعىل جاعدايلارعا توتەپ بەرۋ ىستەرىن باسقارۋ مينيسترلىگىنىڭ قاتىستى جاۋاپتىسىنىڭ تانىستىرۋىنشا، جىجياڭ، گۋاڭدۇڭ، شانشي سىندى ءۇش ولكەدە بىرلەسكەن زاڭ اتقارۋ اترەتى كاسىپورىندار مەن ءىسورىنداردان 25 ورىنعا كەزدەيسوق تەكسەرۋ جۇرگىزىپ، كومەسكى قاتەرگە ساياتىن جيىنى 215 ءتۇرلى ماسەلەنى بايقاعان، مۇنىڭ ىشىندە، اۋىر شىرعالاڭ تۋىلۋ ىقتيمالدىعى بار كومەسكى قاتەرلەر سانى 24 ماسەلە بولعان، توزاڭدى جانە پارتىلاعىش زاتتارعا ساياتىن 11 ماسەلە، ەرەكشە جۇمىس تۇرىنە ساياتىن 5 ماسەلە، سىرلاۋ سەحى مەن سىر قويماسىنىڭ حاۋىپسىزدىگىن باسقارۋعا ساياتىن 3 ماسەلە، حاۋىپسىزدىكتى كوتەرمەگە بەرۋ جانە مايعا بەرۋ جولىمەن باسقارۋعا ساياتىن 2 ماسەلە، تەرەڭ قۇدىقتا سومداۋعا ساياتىن 2 ماسەلە، شەكتى كەڭىستىككە ساياتىن ءبىر ماسەلە قامتىلعان.
قازىر تيانجين، حۋنان قاتارلى جەرلەردە اشكەرە جانە جاسىرىن تەكسەرۋ ءالى ورىستەتىلۋدە. كەلەسى قادامدا، مەملەكەتتىك كەڭەستىڭ حاۋىپسىز ءوندىرىس كەڭسەسى قۋزاۋ – جونگە سالۋ جونىندە حات جولداپ، جەرگىلىكتى ورىندارعا اشكەرە جانە جاسىرىن تەكسەرۋ قىزمەتىنىڭ جاعدايىن اڭىس ەتىپ، زاڭ بويىنشا قاتاڭ جازالاپ، جاۋاپكەرشىلىكتى قاتاڭ قۋزاستىرىپ، ونىمدىلىگىن قاتاڭ باقىلايدى، ءتۇرلى شىرعالاڭداردىڭ ءجيى تۋىلۋى، ۇزدىكسىز تۋىلۋى سىندى اۋقىمدى باتىل تەجەيدى. سونىمەن بىرگە، جەرگىلىكتى ورىنداردى كوكتەم مەرەكەسى مەزگىلىندە ءتۇرلى زاڭ اتقارۋ شاعىن اترەتتەرىن جىبەرۋگە قۋزايدى ءارى وسى جۇمىسقا جەتەكشىلىك ەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
