ازىق - تۇلىك كاسىپورىندارىنىڭ ىشكى بولەگىندەگى اشكەرەلەۋشىلەردى سيلاۋ قۇلاقتاندىرۋى جونىندە اشىق پىكىر الدى
شىن اتى – جونىمەن اشكەرەلەگەندەر ەڭ جوعارى بولعاندا ءبىر ميلليون يۋان سيلىققا يە بولادى
2024.02.21 13:45 كەلۋ قاينارى : حالىق تورابى
تاياۋدا مەملەكەتتىك بازاردى باقىلاۋ - باسقارۋ باس مەكەمەسى «ازىق - تۇلىك وندىرەتىن، تيجارات ەتەتىن كاسىپورىنداردىڭ ىشكى بولەگىندەگى اشكەرەلەۋشىلەردى سيلاۋ جونىندەگى حابارلاندىرۋدى (پىكىر الۋ نۇسقاسى)» (تومەندە قىسقاشا «پىكىر الۋ نۇسقاسى» دەلىنەدى) جاريالادى. ازىق - تۇلىك وندىرەتىن، تيجارات ەتەتىن كاسىپورىندار مەن توراپتىق ازىق - تۇلىك ساۋداسىمەن اينالىساتىن ءۇشىنشى جاق تەكشەنىڭ ىشىندەگى قىزمەتكەرلەر جانە قاتىستى ءمان - جايدى بىلەتىندەر بازاردى باقىلاۋ - باسقارۋ تاراۋلارىنا ءوز كاسىپورنىنىڭ ازىق - تۇلىك حاۋىپسىزدىگىنە قاتىستى زاڭعا قايشى ارەكەتىنىڭ دەرەكتەرىن شىن اتى - جونىمەن اشكەرەلەپ، ول تەكسەرىپ راستالسا، اشكەرەلەگەندەرگە ەڭ جوعارى بولعاندا ءبىر ميلليون يۋان سيلىق بەرىلەدى. پىكىر الۋ، اڭىس قايتارۋ ۋاقىتى 2024 – جىلى 3 – ايدىڭ 9 – كۇنىنە دەيىن.
جوعارىدا ايتىلعان ىشىندەگى قىزمەتشىلەر دەگەندە كاسىپورىنمەن ەڭبەك توقتامىن جاساسقان نەمەسە قوعامدىق قامسىزداندىرۋ رەسميەتىن بىتىرگەن قىزمەتشىلەردى بىلدىرەدى؛ قاتىستى احۋالىن بىلەتىندەر دەگەندە كاسىپورىنمەن ەڭبەك توقتامىن توقتاتقانىنا ءبىر جىلعا تولماعان قىزمەتكەردى، كاسىپورىنمەن كاسىپ جاقتا بايلانىسى بار قىزمەتكەردى، كاسىپورىن ۋاقىتتىق ۇسىنىس ەتىپ ىستەگەن قىزمەتشىلەر قاتارلىلاردى كورسەتەدى. بۇدان سىرت، «پىكىر الۋ نۇسقاسىندا» ءاربىر دەلونىڭ اشكەرەلەۋ سيلىق سوماسىنىڭ جوعارى شەگى «بازار باقىلاۋ - باسقارۋ سالاسىنداعى اۋىر زاڭعا قايشى ارەكەتتەردى اشكەرەلەگەندەردى سيلاۋدىڭ ۋاقىتتىق اتقارىلاتىن ٴادىسى» بويىنشا ءبىر ميلليون يۋان دەپ بەلگىلەنگەن. جەكە سيلىق سوماسى 500 مىڭ يۋاننان جوعارى (500 مىڭ يۋاندى قامتيدى) بولسا، ونى اشكەرەلەۋ، سيلاۋ قارجىسىن بەرگەن بازار باقىلاۋ - باسقارۋ تاراۋى سول دارەجەلى حالىق ۇكىمەتىنىڭ قازىنا تاراۋىمەن اقىلداسىپ بەلگىلەيدى. بازار باقىلاۋ - باسقارۋ تاراۋلارى سيلاۋ قارجىسىن تەكسەرىپ تاراتۋ ءتارتىبىن ساپالىلاندىرىپ، قاراپايىمداستىرىپ، اشكەرەلەۋشىنىڭ قاجەتسىز جەكە ينفورماتسياسىن الۋدى ازايتۋ كەرەك. اشكەرەلەۋشى جاق قاجەتتى جەكەلىك ينفورماتسيالارمەن قامداۋعا سايكەسۋى كەرەك. اشكەرەلەۋشى سيلىق تاراتۋ تاسىلىنە ەرەكشە تالاپ قويسا، جاعدايعا قاراي ويلاستىرۋعا بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
