اۋىل شارۋاشىلىعى جانە اۋىل - قىستاق مينيسترلىگى كوپ ولكەگە ادام جىبەرىپ، قار - مۇز اپاتىنا توتەپ بەرۋگە جەتەكشىلىك ەتتى
2024.02.21 15:09 كەلۋ قاينارى : حالىق تورابى
قازىر كوكتەمگى ەگىس جۇمىسى وڭتۇستىكتەن سولتۇستىككە قاراي ءۇرتىس ورىستەتىلۋدە. ورتالىق اۋا رايى ستانسياسىنىڭ مەجەلەۋىنشە، 2 ـ ايدىڭ 20 ـ كۇنىنەن 26 ـ كۇنىنە دەيىن، ورتا، شىعىس بولەكتەردە ءۇرتىس كەڭ كولەمدە قار جاۋىپ، مۇز قاتادى، اۋىل شارۋاشىلىعى جانە اۋىل ـ قىستاق مينيسترلىگى 2 ـ ايدىڭ 20 ـ كۇنى قىزمەت گرۋپپاسى مەن عىلىم ـ تەحنيكا شاعىن اترەتىن ءتۇيىندى ولكەلەرگە جىبەرىپ، قار - مۇز قاتاتىن اۋا رايىنان ساقتانۋ، توتەپ بەرۋ شارالارىن تياناقتاندىرۋدى ىلگەرىلەتتى.
بۇل ءتىلشىنىڭ 2 ـ ايدىڭ 20 ـ كۇنى اۋىل شارۋاشىلىعى جانە اۋىل ـ قىستاق مينيسترلىگىنەن ۇعىسقان حابارى.
ۇعىسۋعا قاراعاندا، وڭتۇستىكتەگى كۇزدىك قىشى قاۋاشاق جارىپ، گۇل اشاتىن مەزگىلگە كەلگەن، چاڭجياڭ، حۋايحى وڭىرلەرىندە، چاڭجياڭنىڭ ورتا، تومەنگى اعارىندا كۇزدىك ءبيداي كوكتەي باستاعان، باتىس وڭتۇستىكتە كۇزدىك ءبيداي بۋىن تارتقان مەزگىلگە وتكەن، وسى رەتكى اۋا رايى اۋىل شارۋاشىلىق وندىرىسىنە ءتيىمسىز ىقپال جاساۋى مۇمكىن. اۋىل شارۋاشىلىعى جانە اۋىل - قىستاق مينيسترلىگى الدىڭعى مەرزىمدىك اتتانىسقا كەلتىرۋ، ورنالاستىرۋ جاساپ، قار - مۇز اپاتىنا توتەپ بەرۋ تەحنيكالىق پىكىرىن جاساۋ، باسىپ تاراتۋ نەگىزىندە، 2 – ايدىڭ 20 - كۇنى حۋنان، حۋبەي، گۇيجوۋ، حىنان، جياڭسۋ، انحۇي قاتارلى ولكەلەرگە 4 قىزمەت گرۋپپاسىن جانە 25 عىلىم - تەحنيكا شاعىن اترەتىن جىبەرىپ، ءتۇرلى شارالاردىڭ تياناقتانۋىن ىلگەرىلەتتى.
ۇعىسۋعا قاراعاندا، قىزمەت گرۋپپاسى مەن عىلىم ـ تەحنيكا شاعىن اترەتى داقىلداردىڭ تۇرىنە قاراي، ءوسىپ ـ جەتىلۋ مەرزىمى بويىنشا، اپات سيپاتتى اۋا رايىنىڭ ىقپالىن تەكسەرىپ، ۇعىسىپ، جەرگىلىكتى اۋىل شارۋاشىلىعى جانە اۋىل ـ قىستاق تاراۋلارىمەن بىرگە اپاتتان ساقتانۋ تەحنيكالىق پىكىرىن كەمەلدەندىرىپ، جەر ـ جەردىڭ جاپىراق تىڭايتقىشىن شاشۋ، قۇرىلعىلاردان پايدالانىپ بوراننان ساقتانۋ، تەمپەراتۋرانى جوعارىلاتۋ قاتارلى شارالاردى تياناقتاندىرۋىنا جەتەكشىلىك ەتەدى ءارى تۇيىندە تۇرىپ، اۋماقتاردى كوتەرمەگە الىپ، قىستاقتاردى، وتباسىلارىن ارالاپ، جەتەكشىلىك ەتۋدى، كۋرستان وتكىزۋدى الۋان ءتۇرلى فورمالارمەن ورىستەتىپ، ءىس جۇزىندىك قيىنشىلىقتار مەن ماسەلەلەردى دەر كەزىندە ۇعىسىپ، شەشۋگە كومەكتەسەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
