”جۇڭگوعا قارجى قوسۋ“ ماركاسىن قايتكەندە اناعۇرلىم ويداعىداي جاراتۋعا بولادى (ساياساتتىق سۇراۋ – جاۋاپ، 2024 - جىلى جۇڭگو ەكونوميكاسىندا وسىلاي ىستەيمىز)
«حالىق گازەتىنىڭ» ءتىلشىسى لو شانشان
2024.02.21 16:35 كەلۋ قاينارى : حالىق تورابى
سىرتقا ەسىك − اشۋ ەلىمىزدىڭ نەگىزگى ساياساتى، شەتەل قارجىسىن باۋراۋ جانە ودان پايدالانۋ − سىرتقا ەسىك اشۋدىڭ ماڭىزدى مازمۇنى. 2023 – جىلدىڭ سوڭىندا وتكىزىلگەن ورتالىقتىڭ ەكونوميكالىق قىزمەت ماجىلىسىندە بىلاي دەپ دارىپتەلدى: ”بازارلانعان، زاڭمەن باسقارىلاتىن، حالىقارالانعان ماڭداي الدى ساۋدا ورتاسىن ۇزدىكسىز قۇرىپ، ’جۇڭگوعا قارجى قوسۋ‘ ماركاسىن جاراتۋ كەرەك”. 2024 – جىلى قايتكەندە ”جۇڭگوعا قارجى قوسۋ“ ماركاسىن اناعۇرلىم ويداعىداي جاراتىپ، شەتەل قارجىسى قىزمەتىن ويداعىداي ىستەۋگە بولادى؟
”قازىر دۇنيە ءجۇزى ەكونوميكاسىنىڭ ارتۋ قارقىنى باياۋلاپ، وڭىرلىك ساياسي حاۋىپ – قاتەر كوبەيىپ، شەتەل ساۋداگەرلەرىنىڭ تىكەلەي قارجى قوسۋىنا ىقپال جاساۋمەن بىرگە، ءار ەلدىڭ قارجى ەنگىزۋ باسەكەسى كۇن سايىن شيەلەنىسىپ، سىرتقى ورتانىڭ كۇردەلىلىگى، قاتاڭدىعى، تۇراقسىزدىعى جۇڭگونىڭ شەتەل قارجىسىن باۋراۋىنا بەلگىلى سايىس الا كەلدى“. ساۋدا مينيسترلىگى شەتەل قارجىسىن باسقارۋ تارماق مەكەمەسىنىڭ باستىعى جۋ بيڭ مىنانى ءبىلدىردى: سونىمەن بىرگە جۇڭگودا ءبىر ميلليارد 400 ميلليوننان استام حالىق سانى بار ەكەنىن، ورتاشا كىرىستەگى قاۋىمى 400 ميلليوننان اساتىن ەرەكشە كەڭ كولەمدى بازار بار ەكەنىن، وسىزاماندانۋعا قادام تاستاۋدىڭ جاڭا جورىعى وراسان زور بازار ورايىن جاراتاتىنىن كورە ءبىلۋىمىز كەرەك.
ساۋدا مينيسترلىگىنىڭ قاتىستى جاۋاپتىسى مىنانى ءبىلدىردى: 2023 – جىلى جۇڭگودا جاڭادان قۇرىلعان شەتەل كاپيتالىمەن قۇرىلعان كاسىپورىنداردىڭ سانى %39.7 ارتتى، بۇل شەتەل كاپيتالىمەن قۇرىلعان كاسىپورىنداردىڭ جۇڭگو بازارىنىڭ دامۋ ورايىن ۇناتىپ، جۇڭگوعا ۇزدىكسىز قارجى قوسىپ وتىرعانىن، جۇڭگونىڭ شەتەل قارجىسىن باۋراۋى بەرىك نەگىزگە جانە كەڭ كەڭىستىككە يە ەكەنىن تولىق تۇسىندىرەدى.
2024 - جىلى ”جۇڭگوعا قارجى قوسۋ“ ماركاسىن ۇزدىكسىز جاراتىپ، شەتەل قارجىسىنان پايدالانۋ دەڭگەيىن ۇزدىكسىز جوعارىلاتۋعا قاراتا، جۋ بيڭ مىنانى ءبىلدىردى: شاقىرۋ مەن سىرتقا شىعۋدى ءوزارا ۇشتاستىرۋدا تاباندى بولىپ، ءتۇيىندى قارجى قوسۋدى جەبەۋ قيمىلدارىن تىڭعىلىقتى، ويداعىداي وتكىزىپ، شەتەلدەرگە جۇڭگودا قارجى قوسۋ ورايىن كەڭ كولەمدە ۇگىتتەپ، ”جۇڭگوعا قارجى قوسۋ“ سىندى التىن ماڭدايشالىقتى جارقىراتۋ كەرەك. سونىمەن بىرگە، جەرگىلىكتى ورىنداردىڭ وزدەرىنىڭ وڭىرلىك ابزالدىعىمەن، بايلىق قاسيەتىمەن، كاسىپ ەرەكشەلىگىمەن ۇشتاستىرىپ، ساۋداگەر شاقىرىپ، قارجى ەنگىزۋ قيمىلىن وتكىزۋىن قولداپ، بۇكىل ەل بويىنشا قارجى ەنگىزۋدىڭ ءبىر تۇتاس جۇيەسىن قالىپتاستىرۋ كەرەك.
”جۇڭگوعا قارجى قوسۋ“ ماركاسىن جاراتۋدىڭ تەتىگى − ساۋدا ورتاسىن ۇزدىكسىز ساپالىلاندىرىپ، بازارلاندىرۋدى، زاڭمەن جونگە سالۋدى، حالىقارالاندىرۋدى قۇلشىنۋ بەتالىسى ەتىپ، شەتەل كاپيتالىمەن قۇرىلعان كاسىپورىندارعا قىزمەت وتەۋدى قامتاماسىز ەتۋدى اناعۇرلىم كۇشەيتىپ، ءتىپتى دە كوپ شەتەل كاپيتالىمەن قۇرىلعان كاسىپورىنداردىڭ جۇڭگونى تاڭداۋىنا، جۇڭگوعا تامىر تارتۋىنا مۇمكىندىك جاساۋ. جۋ بيڭ مىنانى ءبىلدىردى: بيىل ءتۇيىندى شەتەل قارجىسى نىساندارى قىزمەتىنىڭ ارناۋلى توبىنىڭ رولىن ۇزدىكسىز ساۋلەلەندىرىپ، شەتەل كاپيتالىمەن قۇرىلعان كاسىپورىنداردىڭ دوڭگەلەك ۇستەل ءماجىلىسى، شەتەل كاپيتالىمەن قۇرىلعان كاسىپورىنداردىڭ ماسەلە، ارىز - ارمانىن جيناۋ، ءبىر جاقتى ەتۋ جۇيەسىنەن ويداعىداي پايدالانىپ، شەتەل قارجىسى كاسىپورىندارىمەن بۇكپەسىز قارىم - قاتىناس جاساۋ، ناقتى اۋىس - كۇيىس جاساۋ تۇعىرىن قۇرامىز، كاسىپ سالاسى، رايون نەمەسە مەملەكەت جاعدايىنا قاراي، ساۋدا مينيسترلىگى اي سايىن ءبىر رەت دوڭگەلەك ۇستەل ءماجىلىسىن اشىپ، ساياساتتى ىرىقتىلىقپەن ءتۇسىندىرىپ، كەڭ كولەمدە ۇسىنىس - پىكىر تىڭدايدى، كاسىپورىنداردىڭ قيىنشىلىعىن، ماسەلەسىن شەشۋدى دەر كەزىندە سايكەستىرىپ ىلگەرىلەتىپ، شەتەل قارجىسىنىڭ بوگەنايالىق نىسان فاكتورلارىن قامتاماسىز ەتۋدى ساپالىلاندىرىپ، نىسانداردى تياناقتاندىرۋ قۇرىلىسىن بار كۇشپەن ىلگەرىلەتەدى.
2023 - جىلى مەملەكەتتىك كەڭەس «شەتەل ساۋداگەرلەرىنىڭ قارجى قوسۋ ورتاسىن ونان ارى ساپالىلاندىرىپ، شەتەل ساۋداگەرلەرىن قارجى قوسۋعا باۋراۋ تەبىنىن ارتتىرۋ جونىندەگى پىكىردى» باسىپ تاراتتى، جۋ بيڭ مىنانى ءبىلدىردى: ساۋدا مينيسترلىگى جەر - جەرمەن، تاراۋلارمەن بىرگە بەلسەنە تياناقتاندىردى، 59 ءتۇرلى ساياساتتىق شارانىڭ 38 ءتۇرى تياناقتاندى نەمەسە كەزەڭدىك ىلگەرىلەۋشىلىككە قول جەتكىزدى، كەلەسى قادامدا شەتەل كاپيتالىمەن قۇرىلعان كاسىپورىنداردىڭ پىكىرى مەن تالابىن تىڭداپ، ساياساتتىق شارالاردىڭ تياناقتانىپ، ءونىم بەرۋىن ۇزدىكسىز ىلگەرىلەتەدى. ساندى مالىمەتتىڭ شەكارا اتتاپ جىلجۋىنا قولايلىلىق جاراتۋ، شەتەلدىك قىزمەتكەرلەردىڭ جۇڭگوعا كەلۋىنە قولايلىلىق جاراتۋ سياقتى سايكەستى شارالاردى جەدەل شىعارىپ، ۇكىمەتتىك ساتىپ الۋ، مەردىگەر شاقىرۋ، مەردىگەرلىككە مالىمدەلۋ جانە ولشەم بەلگىلەۋ جاعىندا ىشكى - سىرتقى قارجى قوسقان كاسىپورىندارعا بىردەي مامىلە جاساپ، تەڭ مامىلە جاساپ، شەتەل كاپيتالىمەن قۇرىلعان كاسىپورىنداردىڭ ازاماتتىق مامىلەسىن جاپپاي قامتاماسىزداندىرىپ، شەتەل كاپيتالىمەن قۇرىلعان كاسىپورىنداردىڭ كەلۋگە قىزىعۋىنا، تۇراقتاپ قالۋىنا، ويداعىداي دامۋىنا مۇمكىندىك جاساۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
