2023 – جىلى جەڭىل ونەركاسىپتىڭ پايداسى ءبىر تريلليون 400 ميلليارد يۋان بولدى (جاڭا ساندى مالىمەت، جاڭا ءتۇيىن)
2024.02.22 16:00 كەلۋ قاينارى : حالىق تورابى
«حالىق گازەتى»، 2 - ايدىڭ 21 - كۇنى، بەيجيڭ (ءتىلشى حان شين). جۇڭگو جەڭىل ونەركاسىپ بىرلەستىگى تاياۋدا جاريالاعان ساندى مالىمەتتە كورسەتىلۋىنشە، 2023 - جىلى ەلىمىزدىڭ جەڭىل ونەركاسىبىنىڭ تيجارات كىرىسى 22 تريلليون 200 ميلليارد يۋان بولىپ، سايكەس مەزگىلدەگىدەن %1.6 ارتقان، پايداسى ءبىر تريلليون 400 ميلليارد يۋان بولىپ، سايكەس مەزگىلدەگىدەن %3.8 ارتقان. جەڭىل ونەركاسىپ بۇكىل ەل بويىنشا ونەركاسىپتىڭ %13.2 ىن ۇستايتىن مال - مۇلىكپەن بۇكىل ەل بويىنشا ونەركاسىپتىڭ %16.7 تىك تيجارات كىرىسى مەن %18.1 تىك پايداسىن جۇزەگە اسىرىپ، ونەركاسىپ ەكونوميكاسىنىڭ ورنىقتى دامۋىنا پارمەندى تىرەك بولعان.
ءوندىرىس ۇزدىكسىز جوعارىلادى. 2023 - جىلى كولەمدەنگەن جەڭىل ونەركاسىپتىڭ ارتقان قۇنى سايكەس مەزگىلدەگىدەن %1.8 ارتىپ، ءۇرتىس 8 اي ارتىپ، جەڭىل ونەركاسىپ ءوندىرىسى ۇزدىكسىز جاقسارۋ جاعدايىن ساقتادى. ءبىر ءبولىم تەز قارقىندى تۇتىنۋ بۇيىمدارى، كۇندەلىكتى تۇتىنۋ بۇيىمدارى جانە ءۇي ەلەكتر جابدىقتارى، باتەريا سياقتى شىدامدى تۇتىنۋ بۇيىمدارىنىڭ ءونىم مولشەرى ءبىرشاما تەز ارتتى.
بازار ورنىقتى قالپىنا كەلدى. ىشكى سۇرانىمدى كەڭەيتۋ، تۇتىنۋدى جەبەۋ جونىندەگى ءبىرقىدىرۋ ساياساتتىق شارالاردىڭ تياناقتانىپ، ءونىم بەرۋىنە بايلانىستى، تۇتىنۋدىڭ كومەسكى كۇشى ۇزدىكسىز اشىلىپ، بازاردىڭ ومىرشەڭدىك كۇشى بىرتىندەپ كۇشەيىپ، جەڭىل ونەركاسىپ تۇتىنۋ بۇيىمدارى بازارى ورنىقتى قالپىنا كەلدى. 2023 - جىلى جەڭىل ونەركاسىپتەگى 11 ءتۇرلى تاۋاردىڭ بولشەك ساتىلۋ سوماسى 7 تريلليون 205 ميلليارد 500 ميلليون يۋان بولىپ، قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسىنىڭ %15.3 ىن ۇستاپ، سايكەس مەزگىلدەگىدەن %5.7 ارتقان.
ازىق - تۇلىك ونەركاسىبىنىڭ ورنىقتىرعىشتىق رولى اناعۇرلىم كورنەكتىلەندى. 2023 - جىلى اۋىل شارۋاشىلىق قوسالقى ازىق - تۇلىكتەرىن مانەرلەۋ، ازىق - تۇلىك جاساۋ، اراق، سۋسىن، شاي جاساۋدى قامتىعان ازىق - تۇلىك ونەركاسىبىنىڭ ءوندىرىس قاجەتى ۇزدىكسىز قالپىنا كەلىپ، قارجى قوسۋ ءبىرشاما تەز ارتتى. ازىق - تۇلىك ونەركاسىبىندەگى كولەمدەنگەن كاسىپورىنداردىڭ سانى جەڭىل ونەركاسىپتىڭ %31 ىن ۇستايدى، تيجارات كىرىسىنىڭ، پايداسىنىڭ جەڭىل ونەركاسىپتە ۇستايتىن سالىستىرماسى %40 تەن اسادى.
جاڭا قوزعاۋشى كۇش كاسىبى ءبىرشاما تەز ارتتى. 2023 - جىلى كۇن ەنەرگيالى باتەريا، ءۇي ەلەكتر جابدىقتارى سياقتىلاردى ۋاكىل ەتكەن جەڭىل ونەركاسىپ جاسىل جاساۋ، زەردەلى جاساۋ كاسىبى جەدەل جەتىلىپ، جەڭىل ونەركاسىپتىڭ ساپالى دامۋىن ىلگەرىلەتەتىن جاڭا قوزعاۋشى كۇشكە اينالدى.
2023 - جىلى باتەريا جاساۋ تيجارات كىرىسى %11.8، پايداسى %12.4، ءۇي ەلەكتر جابدىقتارىن جاساۋ تيجارات كىرىسى %7.0، پايداسى %12.2 ارتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
