ۋاكىل حۋ شياۋليڭ −
كوپ جەردى ارالاپ، حالىق تۇرمىسىن جاقسارتۋ جونىندە ىشكەرىلەي تەكسەرۋ - زەرتتەۋ جۇرگىزدى (وسىزاماندانۋعا تالپىنىپ، جاڭا جاعدايدى بىرگە جاراتايىق . ۋاكىلدەر مەن مۇشەلەردىڭ مىندەت اتقارۋ حيكاياسى)
«حالىق گازەتىنىڭ» ءتىلشىسى سۇڭ حاۋشين
2024.02.22 16:02 كەلۋ قاينارى : حالىق تورابى
”قازىر اۋداننىڭ اۋىل - قىستاقتارىنداعى لاس سۋدى جونگە سالۋ قىزمەتىندە قانداي قيىن تۇيىندەرگە جولىقتىق؟ دارەتحانا توڭكەرىسى قالاي ىلگەرىلەتىلدى؟“ تاياۋدا مەملەكەتتىك حالىق قۇرىلتايىنىڭ ۋاكىلى، سىچۋان ولكەسى شۋانحان اۋدانى لۇڭچۋان تۋجيا اۋىلى حۋاڭليان قىستاعى پارتيا ياچەيكاسىنىڭ شۋجيى حۋ شياۋليڭ شۋانحان اۋدانىنىڭ قاتىستى تاراۋلارىنا تاعى دا كەلىپ، اۋىل - قىستاق لاس سۋىن جونگە سالۋ قىزمەتىنىڭ جاعدايىنا تەكسەرۋ - زەرتتەۋ جۇرگىزدى. ءبىر جىلدان بەرى حۋ شياۋليڭ شۋانحان اۋدانىنىڭ اۋىل - قىستاقتارىن ءتۇيىن ەتىپ، اۋىل - قىستاقتىڭ قونىس ورتاسىن جونگە سالۋ، دەڭگەيىن جوعارىلاتۋ قىزمەتىن ىشكەرىلەي ۇعىستى.
ءبىر رەتكى تەكسەرۋ - زەرتتەۋ بارىسىندا حۋ شياۋليڭ حۋاڭليان قىستاعى 2 - گرۋپپاسىنىڭ تۇرعىنى جاڭ شۋەچىڭنىڭ ۇيىنە كەلدى، ءبىر ءۇيلى جان جاڭادان سالىنعان اس ۇيدە قاربالاستىققا ءتۇسىپتى. حۋ شياۋليڭ كوكونىستى جۋىپ بولعان سۋدىڭ سۋ ىعىستىرۋ اۋزىن بويلاپ ءۇيدىڭ الدىنداعى ارىققا اعىپ كىرگەنىن، ونىڭ ۇستىندە اۋلاعا گۇل وسىرىلگەنىن بايقايدى. ”ءبىزدىڭ ءۇيدىڭ تۇرمىستىق لاس سۋى ەسىكتىڭ الدىنداعى ارىققا تىكە ىعىستىرىلادى، جازدا مۇڭكىگەن ءيىس شىعادى“ دەدى جاڭ شۋەچىڭ. حۋ شياۋليڭ مۇنى كوزىمەن كورىپ، كوكەيىنە ساقتادى.
كوپ وتپەي حۋ شياۋليڭ حۋاڭليان قىستاعى 3 - گرۋپپاسىنىڭ تۇرعىنى ليۋ فۋتايدىڭ ۇيىنە كەلەدى. ”ءبىز قازىر تۇرمىستىق قوقىر - قوقسىقتى قالاي ءبىر جاقتى ەتۋدى بىلمەيمىز. سول جەردىڭ وزىندە ورتەۋگە نەمەسە سىرتقا توگۋگە دە بولمايدى، ەكولوگيالىق ورتاعا ىقپال جاسايدى. شوعىرلى ءبىر جاقتى ەتۋدى ايتساق، ءبىز بىتىراڭقى تۇرامىز، وزىندىك قۇنىمىز دا جوعارى، قايتسەك بولادى؟“ دەدى ليۋ فۋتاي.
حۋ شياۋليڭ لاس سۋدى، قوقىر - قوقسىقتى ويداعىداي ءبىر جاقتى ەتۋدىڭ وڭاي - وسپاق ورىندالا قويمايتىنىن بىلەدى. سوندىقتان ول ىلگەرىندى - كەيىندى سىچۋانداعى كوپتەگەن قىستاق، كووپەراتيۆكە بارىپ تەكسەرۋ - زەرتتەۋ جۇرگىزىپ، يۇننان، گۇيجوۋ قاتارلى جەرلەرگە بارىپ ۇيرەندى. تەكسەرۋ - زەرتتەۋ ەستەلىگىنە ول ءوزىنىڭ اسەرىن جانە وي جۇگىرتۋىن جازدى: لاس سۋدىڭ قازىرگى جاعدايىن انىقتاپ، ”ءبىر قىستاقتاعى ءبىر كەستە“ ارقىلى اۋىل - قىستاق لاس سۋىنىڭ شىعارىلۋ مولشەرى، قارا بوتانا سۋدى، اك سۋىن شىعارۋ مولشەرى، سۋ ورتاسى سياقتىلاردىڭ قازىرگى جاعدايى جونىندە جاي - جاپسارىن ۇعىسىپ تەكسەرۋ جۇرگىزۋ؛ اۋىل - قىستاق تۇرمىستىق لاس سۋدى جونگە سالۋ قۇرىلعىلارىن تاسىمالداۋ، باسقارۋ ءتۇزىمىن كەمەلدەندىرۋ كەرەك...
”اۋىل - قىستاقتاعى تۇرمىستىق قوقىر - قوقسىقتى وتكەرمەلەپ تاسۋ جۇيەسى ءونىمدى تۇردە كۇشەيتىلدى“. ”ۇلكەن دارەت پەن مالدىڭ دايراعىن تىكە ىعىستىرۋ ماسەلەسى بىرتىندەپ جاقساردى“... 2 – ايدىڭ باسىندا حۋ شياۋليڭ بۇقارا كوڭىل ءبولىپ وتىرعان ماسەلەلەردى كوكەيىنە تۇيە وتىرىپ شۋانحان اۋداندىق ەكولوگيالىق ورتا مەكەمەسى، اۋداندىق اۋىل شارۋاشىلىعى، اۋىل - قىستاق مەكەمەسى سياقتى تاراۋلارعا بارىپ احۋال ۇعىستى، تەكسەرۋ - زەرتتەۋ ناتيجەسى ونى قاتتى قۋانتتى. ”ازاپ شەگۋ تۇككە تۇرمايدى، ماڭىزدىسى بۇقارانىڭ جۇرەك ءۇنىن ءبىلدىرىپ، بۇقارا كوڭىل ءبولىپ وتىرعان ماسەلەلەردى دەر كەزىندە شەشۋ كەرەك“ دەيدى حۋ شياۋليڭ.
ءتىلشى ەستەلىگى
نەگىزگى ساتىعا تامىر تارتىپ، حالىقتى ۋايىمنان ارىلتتى
كوپ جەردى ارالاپ، بۇقارانىڭ جۇرەك ءۇنىن ۇعىسۋ − حۋ شياۋليڭنىڭ قىزمەت داعدىسى. ول جىل بويى نەگىزگى ساتىعا تامىر تارتىپ، حالىقتىڭ ۇنىنە قۇلاق اسىپ، حالىقتىڭ تىلەگىن جەتكىزىپ، حالىقتىڭ مۇڭ - مۇقتاجىن شەشتى.
”نەگىزگى ساتىعا كوڭىل بولگەندە عانا، حالىق ءۇشىن شىنايى ءۇن قاتۋعا بولادى“. تىلشىلىك بارىسىندا حۋ شياۋليڭ بىلاي دەدى: ”مەملەكەتتىك حالىق قۇرىلتايىنىڭ ۋاكىلى رەتىندە، مەن اۋىر جاۋاپكەرلىك ارقالاپ وتىرمىن. مىندەت اتقارۋ نەعۇرلىم تەرەڭدەگەن سايىن، جاۋاپكەرلىك جونىندەگى تۇسىنىگىمىز سولعۇرلىم تەرەڭدەيدى، مەن نەگىزگى ساتىعا اناعۇرلىم كوبىرەك ىشكەرىلەي ارالاسىپ، اۋىلداستاردىڭ ۇنىنە قۇلاق اسامىن“.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
