مۇشە سۇي ۋەي −
مادەني مۇرالاردى قورعاۋ جانە وعان مۇراگەرلىك ەتۋ جونىندە كەڭ كولەمدە پىكىر الماستىردى (وسىزاماندانۋعا تالپىنىپ، جاڭا جاعدايدى بىرگە جاراتايىق . ۋاكىلدەر مەن مۇشەلەردىڭ مىندەت اتقارۋ حيكاياسى)
«حالىق گازەتىنىڭ» ءتىلشىسى دوۋ حانياڭ
2024.02.22 16:05 كەلۋ قاينارى : حالىق تورابى
مەملەكەتتىك ساياسي كەڭەستىڭ مۇشەسى، حاڭجوۋ وپەرا - ءبي تەاترحاناسىنىڭ باستىعى سۇي ۋەي مادەنيەت مۇرالارىن قورعاۋعا، جالعاستىرۋعا باستان - اياق نازار اۋدارىپ كەلەدى. ”مەن جىجياڭنىڭ حاڭجوۋ قالاسىندا قىزمەت ىستەيمىن، تۇرمىس كەشىرەمىن. بۇل ارادا شيحۋ مادەنيەت كورىنىسى، جۇڭگو ۇلى كانالى (حاڭجوۋ بولەگى)، لياڭجوۋ بايىرعى قالاسىنىڭ جۇرتى سياقتى دۇنيە جۇزىلىك مادەني مۇرالار بار. مادەنيەت مۇرالارىن قورعاۋدى، وعان مۇراگەرلىك ەتۋدى ويداعىداي ىستەۋ توتەنشە ماڭىزدى“ دەدى سۇي ۋەي.
سۇي ۋەي ۇنەمى مادەني مۇرالاردى قورعاۋ ءۇشىن ءۇن قاتادى. بىلتىر جىل سوڭىنداعى ءبىر رەتكى تالقى مىنبەرىندە سۇي ۋەي ءسوز سويلەپ بىلاي دەدى: ”قالا، اۋىل قۇرىلىسىندا تاريحي مادەنيەتتى قورعاۋدى، وعان مۇراگەرلىك ەتۋدى كۇشەيتۋ − ءار سالا، ءار كاسىپتىڭ ورتاق جاۋاپكەرلىگى. كوپشىلىك تۇرلىشە قىزمەتپەن شۇعىلدانعانىمەن، مادەني مۇرالاردى قورعاۋعا ۇلەس قوسا الادى“. ماجىلىستەن كەيىن ماجىلىسكە قاتىناسۋشىلار ونىمەن ىشكەرىلەي تالقى جۇرگىزدى، بۇل سۇي ۋەيدى قاتتى قۋانتتى.
سوڭعى جىلدارى سۇي ۋەي ۇيىرمە باستاپ شيحۋ كولىنىڭ جاعاسىندا لەزدىك قيمىل، ادەبيەت - كوركەمونەر كونسەرتى سياقتىلاردى وتكىزىپ، كوپشىلىكتىڭ جاپپاي نازارىن اۋداردى. قازىر ول تاعى دا «شيحۋ كولىنە بارۋ» دەگەن جاڭا تۋىندىنى دايىنداۋدا، وسىلايشا ءتىپتى دە كوپ ادامنىڭ شيحۋ كولىن ىشكەرىلەي تۇسىنۋىنە مۇمكىندىك جاساۋدى ءۇمىت ەتۋدە.
سونىمەن بىرگە، سۇي ۋەي شاڭشان مادەنيەت جۇرتىن مادەني مۇرالارعا ءوتىنىش ەتۋ قىزمەتىن بەلسەنە ىلگەرىلەتتى. سوندىقتان ول ۇنەمى شاڭشان مادەنيەت جۇرتى تۇرعان جەردەگى جينحۋا قالاسىنا بارىپ، ءار جولى جاڭا تابىستارعا قول جەتكىزەدى. 2024 - جىلعى مەملەكەتتىك ەكى ماجىلىسكە قاتىناسۋدان بۇرىن، ول جينحۋاعا ارناۋلى بارىپ تەكسەرۋ - زەرتتەۋ جۇرگىزىپ، ۇسىنىس جوبالاردى ونان ارى كەمەلدەندىردى ءارى باسقا مۇشەلەرمەن بەلسەنە تالقى جۇرگىزىپ، پىكىر اۋىستىردى. ”كەڭ كولەمدە اۋىس - كۇيىس جاساۋ، ۇيرەنۋ ارقىلى عانا، ءوزىمنىڭ شاڭشان مادەنيەتى جونىندەگى تانىمىمدى بىرتىندەپ بايىتتىم، وسىلاي بولعاندا عانا اناعۇرلىم ويداعىداي قورعاۋعا، جالعاستىرۋعا بولادى“ دەدى سۇي ۋەي.
ءار جولى مادەني مۇرالارعا تەكسەرۋ - زەرتتەۋ جۇرگىزگەندە، سۇي ۋەي ەكسكۋرسيالاۋعا كەلگەن ساياحاتشىلارمەن پىكىر اۋىستىرىپ، قايتىپ بارعاننان كەيىن ۇيىرمە مۇشەلەرىمەن ءماجىلىس اشىپ، تالقى جۇرگىزەدى.
سۇي ۋەيدىڭ قاراۋىنشا، مادەنيەت مۇرالارىن قورعاۋ تەك مۇراجاي قىزمەتكەرلەرىنىڭ ءىسى عانا ەمەس، ءاربىر ادامنىڭ ءوزىن شىعار ءتۇيىن ەتىپ، مادەنيەت مۇرالارىن جالعاستىرۋعا، دامىتۋعا دەم بەرۋىنە بولادى. ”مادەني مۇرالارعا جاقىنداپ، ونى تۇسىنگەندە عانا، ونى قالاي قورعاۋدى، قالاي دامىتۋدى بىلۋگە بولادى“ دەدى سۇي ۋەي.
ءتىلشى ەستەلىگى
ارتىقشىلىقتى ساۋلەلەندىرىپ، جاۋاپكەرلىكتى ارقالايىق
”مادەنيەت مۇرالارىنا مامىلە جاساۋدا ونى اشىپ پايدالانۋمەن بىرگە، قورعاۋ جانە جالعاستىرۋ كەرەك. مادەنيەت مۇرالارىن قورعاۋدا، جالعاستىرۋدا ءاربىر ادام ءوز رولىن ساۋلەلەندىرە الادى“. تىلشىلىك بارىسىندا سۇي ۋەيدىڭ ءسوزى ادامعا تەرەڭ اسەر قالدىردى.
ادەبيەت - كوركەمونەر قىزمەتكەرى رەتىندە، سۇي ۋەي ارتىقشىلىعىن ساۋلەلەندىرىپ، قوعامعا مادەني مۇرالاردىڭ قۇنىن ۇزدىكسىز تاراتتى. سۇي ۋەي مىنانى ءبىلدىردى: داۋىرمەن بىرگە العا باسىپ، ءتيىستى مادەنيەت جاۋاپكەرلىگىن ارقالاۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
