مەملەكەتتىك ساياسي كەڭەستىڭ مۇشەسى ما شياۋلي −
نەگىزگى ساتىعا تامىر تارتىپ، وقۋ - اعارتۋدىڭ دامۋىنا نازار اۋدارايىق (مىندەت وتەۋ حيكاياسى)
«حالىق گازەتىنىڭ» ءتىلشىسى جاۋ شۋايجيە
2024.02.22 16:08 كەلۋ قاينارى : حالىق تورابى
ءدال قىسقى دەمالىس كەزىندە مەملەكەتتىك ساياسي كەڭەستىڭ مۇشەسى، گانسۋ ولكەسى لينشيا حۇيزۋ اۆتونوميالى وبلىسى جيشىشان باۋان – دۇڭشياڭ - سالار اۆتونوميالى اۋدانى جۇيجي قالاشىعى شىنگۋ باستاۋىش مەكتەبىنىڭ وقىتۋشىسى ما شياۋلي دەمالمادى، قايتا قالا – قالاشىق جانە اۋىل - قىستاق مەكتەپتەرىنە بارىپ، مەكتەپ مەڭگەرۋشىلەرىمەن، ساباق وتەتىن وقىتۋشىلارمەن، سونداي - اق وقۋشىلاردىڭ ۋاكىلدەرىمەن ۇلتتىق رايونداردىڭ وقۋ - اعارتۋىن دامىتۋ ماسەلەسىن تالقىلادى. ”مەملەكەتتىك ەكى ءماجىلىس اشىلۋدان بۇرىن مەن ۇسىنىس جوبانىڭ مازمۇنىن اناعۇرلىم تولىق دايىندايمىن“ دەدى ما شياۋلي.
90 – جىلداردىڭ تۇلەگى، ساياسي كەڭەستىڭ مۇشەسى ما شياۋليدىڭ قاراۋىنشا، مەملەكەتتىك ساياسي كەڭەستىڭ مۇشەسى بولۋ ساياسي داڭق قانا ەمەس، ونان دا ماڭىزدىسى، اۋىر جاۋاپكەرلىكتەن دەرەك بەرەدى. بورىشتى ادا ەتۋ ءۇشىن، ول ءوز قىزمەتىن قۇلشىنا جاقسى ىستەۋمەن بىرگە، ساباقتان سىرتقى ۋاقىتتارىنان پايدالانىپ، ارالاپ تەكسەرۋ - زەرتتەۋ جۇرگىزىپ، قوعام جاعدايىن، حالىق رايىن جينادى.
ۇلتتىق رايونداردىڭ وقۋ - اعارتۋ ارقىلى سۇيەمەلدەۋ نىسانىنىڭ قولداۋىندا، جەرگىلىكتى اۋىل - قىستاق مەكتەپتەرى شىت جاڭا بەينەگە ەنىپ، وقىتۋشىلاردىڭ اينالمالى جاتاعىن ازىرلەۋ، اۋىل - قىستاق وقىتۋشىلارىنا قوسىمشا قاراجات بەرۋ سياقتى ساياساتتار ءبىرىنشى شەپتەگى وقىتۋشىلاردىڭ باقىت سەزىمىن بارىنشا جوعارىلاتتى. ”جاقسى ساياسات لينشيا وبلىسىنىڭ وقۋ - اعارتۋ دارىندىلارىنىڭ ’ۇيىرمە ۇيىمداستىرۋ ۇلگىسىندەگى‘ كومەكتەسۋ - سۇيەمەلدەۋ كولەمىن كەڭەيتىپ، اۋىل - قىستاقتىڭ نەگىزدىك وقۋ - اعارتۋ دەڭگەيىنىڭ ۇزدىكسىز جوعارىلاۋىنا جەتەكشىلىك ەتتى“ دەدى ما شياۋلي.
”لينشيا ءوڭىرىنىڭ وقۋ - اعارتۋ نەگىزى ءالسىز بولعاندىقتان، وقۋشىلار مەن اتا - انالاردىڭ ’جاقسى وقۋ‘ تىلەگىن قاناعاتتاندىرۋ، سونداي - اق وقىتۋشىلار قوسىنى قۇرىلىسى جاعىندا ءالى دە بەلگىلى ولقىلىقتار ورىن تەۋىپ وتىر“. تەكسەرۋ - زەرتتەۋ بارىسىندا ما شياۋلي اۋىل - قىستاق مەكتەپتەرىندە مۋزىكا، دەنەتاربيە، اسەمونەر وقىتۋشىلارى تاپشى بولۋ، ءبىر ءبولىم ارناۋلى وقىتۋشىلاردىڭ ينفورماتسيالانعان وقىتۋ قابىلەتى جەتەرسىز بولۋ، قازىرگى تاربيەلەۋ نىساندارى اۋىل - قىستاق وقىتۋشىلارىنىڭ قابىلەتىن جوعارىلاتۋ قاجەتىن قاناعاتتاندىرا الماۋ سياقتى ماسەلەلەر ورىن تەۋىپ وتىرعانىن بايقادى. بىلتىر مەملەكەتتىك ەكى ماجىلىستە ما شياۋلي ۇلتتىق رايوندارداعى وقىتۋشىلار قوسىنىنىڭ جالپى تۇلعالىق ساپاسىن جوعارىلاتۋ جونىندەگى ۇسىنىس جوبانى تاپسىردى، سونداي - اق دانەكەر بولىپ، شىعىس بولەكتەگى رايونداردىڭ ساپالى وقۋ - اعارتۋ بايلىعىن ەنگىزدى.
تاياۋدا جيشى اۋدانىندا 6.2 بال جەر سىلكىندى، ما شياۋلي سىرت جەرلەردەن كەلگەن قۇتقارۋ بۇيىمدارىن اپات تۋىلعان رايونعا جەتكىزدى. جەر سىلكىنىسىنە قارسى اتتانىپ، اپاتتان قۇتقارۋدىڭ اپاتتان كەيىنگى قالپىنا كەلتىرۋ، قايتا قۇرۋ كەزەڭىنە وتۋىنە ىلەسە، ما شياۋلي ۇيرەنگەن بىلىمدەرىنەن پايدالانىپ، اپات تۋىلعان وڭىردەگى شاتىرلى باستاۋىش مەكتەپتە پسيحيكالىق جەتەكتەۋگە قاتىناسىپ، وقۋشىلاردى ءان ايتىپ، سۋرەت سىزىپ، ويىن ويناۋعا باستادى، وقۋشىلاردى تۇرمىسقا بەلسەندى، ۇمىتكەر كوڭىل كۇيمەن بەتپە - بەت كەلۋگە جەتەكتەدى. ول تاعى ورنالاستىرۋ تۇيىنىنە بارىپ، اپاتقا ۇشىراعان بۇقارامەن اڭگىمەلەسىپ، ولاردىڭ ارمان - تىلەگىن ۇعىستى. ”كوپ جۇرگەندە، كوپ تىڭداعاندا، كوپ كورگەندە، كوپ ەستەلىككە العاندا عانا، قوعام جاعدايىن، حالىق تىلەگىن شىنايى، دۇرىس بەينەلەپ، بۇقارانىڭ ماڭايىنداعى ىستەردى ويداعىداي شەشۋدى ىلگەرىلەتۋگە بولادى“. ما شياۋلي بىلاي دەدى: بيىل ۇلتتىق رايونداردىڭ نەگىزدىك وقۋ - اعارتۋىنىڭ دامۋىنا ۇزدىكسىز دەم بەرەمىن، سونداي - اق اپاتقا ۇشىراعان رايونداعى بۇقارانىڭ جۇرەك ءۇنىن حالىق سارايىنا جەتكىزەمىن.
ۇسىنىس بەرۋ ورەسى مەن مىندەت وتەۋ قابىلەتىن جوعارىلاتۋ ءۇشىن، بيىل جىل باسىندا ما شياۋلي ىلگەرىندى - كەيىندى گانسۋ ولكەسىنىڭ، لينشيا وبلىسىنىڭ جانە جيشى اۋدانىنىڭ ساياسي كەڭەس ماجىلىسىنە سىرتتاي قاتىناستى ءارى ولكەلىك، وبلىستىق، اۋداندىق ساياسي كەڭەس مۇشەلەرىنەن اقىل - كەڭەس سۇرادى. تاياۋدان بەرى ول ارالاپ تەكسەرۋ - زەرتتەۋ تابىستارىنان پايدالانىپ ۇسىنىس جوبا ازىرلەۋمەن قاربالاس بولۋدا. ما شياۋلي مىنانى ءبىلدىردى: مەن مۇشەلىك قىزمەت جاۋاپكەرلىگىمدى مۇقيات اتقارىپ، نەگىزگى ساتىنىڭ وقۋ - اعارتۋىنداعى قيىن تۇيىندەردى، بوگەتتەردى جانە بۇقارانىڭ مۇڭ - مۇقتاجىن قاداعالاپ، ساپالى مىندەت اتقارۋ ارقىلى ساپالى دامۋعا دەم بەرەمىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
