بيىل شينجياڭ ءبىر ميلليون 200 مىڭ مۋ جەرگە ورمان ءوسىرۋدى جوسپارلادى
2024.02.22 16:12 كەلۋ قاينارى : حالىق تورابى
ءتىلشىنىڭ 2024 – جىلعى شينجياڭ ۇيعۇر اۆتونوميالى رايونىنىڭ ورمان شارۋاشىلىعى جانە جايىلىم قىزمەتى جونىندەگى بەينە ەكران ماجىلىسىنەن ۇعىسۋىنشا، بيىل شينجياڭ مەملەكەت جەرىن جاسىلداندىرۋدى ۇزدىكسىز ىلگەرىلەتىپ، تۇتاس جىلدا ءبىر ميلليون 200 مىڭ مۋ جەرگە ورمان ءوسىرۋدى جوسپارلاعان.
بيىل شينجياڭ سۋ ارقىلى جاسىلدىقتى تۇراقتاندىرۋعا، جەرگىلىكتى جاعدايعا قاراي ىستەۋگە، سان مەن ساپانى ولشەم ەتۋگە، ساقتالۋ مەن ارتۋعا تەڭ ءمان بەرۋگە، اعاش، بۇتا – بۇرگەن، ٴشوپتى ءوزارا ۇشتاستىرۋعا تاباندى بولىپ، مەملەكەت جەر بايلىعى كەڭىستىك جوباسىن، سۋ بايلىعىن باسقارۋ تالابىن قاتاڭ ساقتاپ، مەملەكەتتىڭ ورمان ءوسىرۋ تەحنيكالىق ەرەجەسى بويىنشا، جوعارى ولشەمدى ەگىنجاي قۇرىلىسىمەن ۇشتاستىرىپ، ەگىستىك جەردىڭ ىشىندەگى بۇرىننان بار ىقتاسىن ورماننىڭ يەلەنۋىن، تولىقتاۋىن ويداعىداي سايكەستىرىپ، تۇياق كەستى بولعان ىقتاسىن ورماندى قالپىنا كەلتىرۋدى عىلىمي ورىستەتەدى. 116 قىستاقتىڭ اۋىل ـ قىستاقتى جاسىلداندىرۋدى، كورىكتەندىرۋدى ورىستەتۋىنە قولداۋ كورسەتىپ، قىستاقتىڭ جاسىلدانۋ مولشەرىن %22 تەن تومەندەتپەي، اۋىل ـ قىستاقتى جاسىلداندىرۋ ساپاسىن ۇزدىكسىز جوعارىلاتادى. جەرگىلىكتى حالىق ۇكىمەتتەرىنىڭ ەگىستىككە اينالعان ورماندى، جايىلىمدى قالپىنا كەلتىرۋ ينجەنەرياسىن اتقارۋ جانە باسقارۋ نىسانالىق جاۋاپكەرشىلىگىن قاتايتىپ، ەگىستىككە اينالعان ورماندى، جايىلىمدى قالپىنا كەلتىرۋ، شولگە اينالعان جانە قۇمايتتانعان جەر اۋدانىن ”ەكى جاقتان ازايتۋدىڭ“ جەتىستىكتەرىن ۇزدىكسىز بەكەمدەيدى. ۇعىسۋعا قاراعاندا، 2023 ـ جىلى شينجياڭ جيىنى ءبىر ميلليون 658 مىڭ 100 مۋ جەرگە ورمان ءوسىرىپ، مەملەكەتتىڭ جۇكتەگەن مىندەتىن ارتىعىمەن ورىنداعان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
