مەملەكەتتىك كەڭەستىڭ تايۋان ىستەرى كەڭسەسى: تايۋان جاق قازا بولعانداردىڭ وتباسىنداعىلارعا جانە ەكى جاعالاۋداعى باۋىرلاستارعا ايقىن جاۋاپ بەرۋى كەرەك
2024.02.22 16:13 كەلۋ قاينارى : حالىق تورابى
شينحۋا اگەنتتىگىنىڭ 2 – ايدىڭ 21 – كۇنى بەيجيڭنەن بەرگەن حابارى. مەملەكەتتىك كەڭەستىڭ تايۋان ىستەرى كەڭسەسىنىڭ مالىمدەمەشىسى جۋ فىڭليان 2 – ايدىڭ 21 – كۇنى بىلاي دەدى: 2 – ايدىڭ 14 – كۇنى تايۋان جاق ۇلى قۇرلىقتىڭ بالىقشىلارىن دورەكىلىكپەن قۋالاپ، ەكى بالىقشىنىڭ قازا بولۋىنا سەبەپشى بولدى، ۋاقيعا تۋىلعان سوڭ تايۋاننىڭ قاتىستى تاراۋلارىنىڭ جاۋاپتىلارى تەڭىز شارلاۋشى قىزمەتكەرلەرىنىڭ ”زاڭ اتقارۋ“ بارىسىندا ورىنسىز جاعداي جوق دەپ قاراپ، ءوزىنىڭ زورلىقتى ارەكەتىن بۇركەمەلەۋگە ۇرىندى؛ ارالداعى كەيبىر ادامدار لەپىرە سويلەپ، استامسىعان پوزيتسيا تانىتتى. ەكى جاعالاۋداعى باۋىرلاستار مەن قازا بولعانداردىڭ تۋىس - تۋعاندارىنىڭ كۇشتى تالابى بويىنشا، تايۋانداعى قاتىستى جاقتار تايۋان بۇعازىنىڭ شارلاۋشى كەمەسىنىڭ سوعۋىنان بالىقشىلار كەمەسى اۋدارىلىپ، ءولىم - ءجىتىم تۋىلعاندىعىن ەندى عانا مويىندادى، ءبىراق ءالى دە ءتۇرلى سىلتاۋلارمەن جاۋاپكەرشىلىكتەن جالتارىپ، وقيعانىڭ شىن سىرىن بۇركەمەلەدى.
جۋ فىڭليان بىلاي دەدى: سۇڭگى بويلاماس سىرەۋ مۇز ٴبىر كۇندە قاتپاس دەگەن، وسى رەتكى بالىقشىلىق كەمەسىنىڭ اۋدارىلۋ وقيعاسى استە توسىن جاعداي ەمەس، 2016 ـ جىلى 5 ـ ايدا دەموكراتيالىق العاباسارلىق پارتياسى بيلىككە كەلگەننەن بەرى، تايۋان جاق بالىقشىلارعا دورەكى مامىلە جاسادى، ۇلى قۇرلىقتىڭ بالىقشىلار كەمەسىن بەتالدى ۇستاپ قالۋ وقيعاسى ءجيى تۋىلىپ، ۇلى قۇرلىق بالىقشىلارىنىڭ مۇددەسىنە اۋىر زيان جەتكىزىپ، ۇلى قۇرلىق بالىقشىلار قاۋىمىنا ءبىرشاما زور ەكونوميكالىق زيان جەتكىزدى، ۇلى قۇرلىقتاعى باۋىرلاستاردىڭ سۇيىسپەنشىلىگىنە زالال جەتكىزدى. ءبىز تايۋان جاقتىڭ ۇلى قۇرلىق بالىقشىلارىنا دورەكىلىكپەن مامىلە جاساعان ارەكەتىن قاتاڭ ايىپتايمىز، تايۋان جاقتىڭ ”زورلىقتى كۇشپەن زاڭ اتقارۋعا“ نەمقۇرايدى قاراعان ءارى شىندىقتى قاساقانا جاسىرعان سۇرقيا ارەكەتتەرىن قاتاڭ جازعىرامىز، سونداي - اق تايۋان جاقتىڭ ۋاقيعا تۋىلعاننان كەيىن ادامگەرشىلىكتەن جۇرداي كاپەرسىز ءسوز - ارەكەتتەرىنە قاتتى كەكتەنەمىز.
جۋ فىڭليان بىلاي دەپ باسا دارىپتەدى: ادام ءومىرى بارىنەن دە ماڭىزدى، شىن سىردى اشىق جاريالاۋ بۇلجىماس قاعيدا. ءبىز تايۋانداعى قاتىستى جاقتاردان ءىستىڭ شىن سىرىن تەز جاريالاۋدى، قاتىستى جاۋاپتى ادامداردى قاتاڭ جازالاۋدى، قازا بولعانداردىڭ وتباسىنداعىلاردىڭ ورىندى ارىز - ارمانىن قاناعاتتاندىرۋدى، قازا بولعانداردىڭ وتباسىنداعىلاردان بايىپتىلىقپەن كەشىرىم سۇراۋدى، قازا بولعانداردىڭ وتباسىنداعىلارعا جانە ەكى جاعالاۋداعى باۋىرلاستارعا ءبىر جاۋابىن بەرۋدى قاتاڭ تالاپ ەتەمىز. ءبىز باۋىرلاستارىمىزدىڭ زاڭدى ۇقىق - مۇددەسىن باتىل قورعايمىز، مۇنداي وقيعالاردىڭ قايتالاي تۋىلۋىنا استە جول بەرمەيمىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
