ەڭ جوعارى حالىق پروكۋراتۋراسى: بۇقارانىڭ ارىز – ارمانىنا تۇگەلدەي جاۋاپ قايتارۋ ءتۇزىمى تەرەڭدەتىلدى
2024.02.23 15:57 كەلۋ قاينارى : حالىق تورابى
ەڭ جوعارى حالىق پروكۋراتۋراسى پروكۋراتۋرا مەڭگەرمەسىنىڭ باستىعى نا يانفاڭ 2 – ايدىڭ 22 - كۇنى ءتىلشىنىڭ سۇحباتىن قابىلداعاندا بىلاي دەپ تانىستىردى: ارىز ـ ارمان قىزمەتىن زاڭمەن جونگە سالۋدى تىڭعىلىقتى ىلگەرىلەتىپ، ارىز ـ ارمان قايشىلىعىنىڭ زاڭمەن جونگە سالۋ ارناسىندا شەشىلۋىن جەبەۋ ءۇشىن، پروكۋراتۋرا ورگاندارى بۇقارانىڭ ارىز ـ ارمان ىسىنە ”تۇگەلدەي جاۋاپ قايتارۋ“ ءتۇزىمىن ۇزدىكسىز تەرەڭدەتتى.
ساناق ساندى مالىمەتىندە كورسەتىلۋىنشە، 2023 – جىلى 1 – ايدان 11 – ايعا دەيىن بۇكىل ەلدەگى پروكۋراتۋرا ورگاندارى بۇقارانىڭ ارىز – ارمانىنان جيىنى 812 مىڭىن قابىلداعان، مۇنىڭ ىشىندە قايتالانعان ارىز – ارمان 224 مىڭ پارشا؛ ەڭ جوعارى حالىق پروكۋراتۋراسى قابىلداعان بۇقارانىڭ ارىز – ارمانى 219 مىڭ 600 پارشا. ”ءبىز ماۋسىمدىق حابارلاندىرۋ، ايقاسپالى قۋزاۋ ـ جەتەكشىلىك ەتۋ، تەكسەرۋ قاتارلىلار ارقىلى بارلىق ارىز – ارمانعا جاۋاپ قايتارۋدىڭ ناقتى تياناقتانۋىن ىلگەرىلەتىپ، 7 كۇن ىشىندە جاۋاپ قايتارۋ مولشەرىن %99.75 تەن اسىردىق، 3 ايدا جاۋاپ قايتارۋ مولشەرىن %97.25 تەن اسىردىق“ دەدى نا يانفاڭ.
تانىستىرۋعا قاراعاندا، ەڭ جوعارى حالىق پروكۋراتۋراسى 2023 – جىلدان 2025 – جىلعا دەيىن بۇكىل ەلدەگى پروكۋراتۋرا ورگاندارىندا ارىز – ارمان، قايشىلىقتى تۋ باستان جونگە سالۋ سىندى 3 جىلدىق قامال الۋ ارەكەتىن ورىستەتۋدى باستاعان. سونىمەن بىرگە، پروكۋراتۋرا ورگاندارى پروكۋراتۋرالىق دالەل تىڭداۋدى ىلگەرىلەتىپ، ۋاكىلدەر، مۇشەلەر، حالىق باقىلاۋشىلارى، ادۆوكات قاتارلى ءۇشىنشى جاق قايراتكەرلەرىن دالەلدى تىڭداۋشى بولۋعا ۇسىنىس ەتىپ، دەلو فاكتى، زاڭ قولدانۋ قاتارلى قيىندىعى بار، تالاس تۋدىراتىن ماسەلەلەر جونىندە باعىتتامالى دالەل تىڭداۋدى ورىستەتىپ، زاڭ مەن ءجوندى بىرگە ءتۇسىندىرىپ، داۋگەردىڭ ”زاڭ تۇيىنشەگىن“، ”جۇرەك تۇيىنشەگىن“ شەشۋىنە كومەكتەسەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
